විදෙස් ගතවීම සදහා හිටපු අමාත්‍ය මනූෂ නානායක්කාරගේ සහෝදරයා වන තිසර නානායක්කාරට මුදල් ලබාදුන් තවත් පුද්ගලයින් සිටිනම් ඒ පිළිබදව දැනුම්දෙන ලෙස අපරාධ පරීක්ෂණ දෙපාර්තමේන්තුව ජනතාවට නිවේදනය කොට සිටිනවා.
ඊට අදාළ තොරතුරු ලබාදීම සදහා විශේෂ දුරකතන අංකයක්ද එම දෙපාර්තමේන්තුව හදුන්වා දී ඇති අතර, ඒ අනුව 011 – 2 337 219 යන දුරකතන අංකයට එම තොරතුරු ලබාදිය හැකියි.
අපරාධ පරීක්ෂණ දෙපාර්තමේන්තුව අත්අඩංගුවට ගත් හිටපු අමාත්‍ය මනූෂ නානායක්කාරගේ සහෝදරයා වන තිසර නානායක්කාර ලබන වසරේ ජනවාරි මස 06 වැනිදා දක්වා රක්ෂිත බන්ධනාගාරගත කිරීමට ගම්පහ වැඩබලන මහේස්ත්‍රාත් පද්මා අමරතුංග ඊයේ නියෝග කළා.
ෆින්ලන්තයේ රැකියා ලබාදෙන බවට පොරොන්දු වී මුදල් වංචා කිරීමේ සිදුවීමක් සම්බන්ධයෙන් අපරාධ පරීක්ෂණ දෙපාර්තමේන්තුව සැකකරුව අත්අඩංගුවට ගනු ලැබුවේ බිබිල ප්‍රදේශයේදීයි.
සැකකරු අධිකරණයට ඉදිරිපත් කළ අවස්ථාවේ අපරාධ පරීක්ෂණදෙපාර්තමේන්තුවේ නිලධාරින් ප්‍රකාශ කළේ 2019 වසරේ සිට 2024 වසරේ ඔක්තෝබර් මාසය දක්වා කාලය තුළ සැකකරුගේ ගිණුමට රුපියල් කෝටි 27කට ආසන්න මුදලක් තැන්පතු ලෙස ලැබී ඇති බවයි.
ෆින්ලන්තයේ රැකියා දෙන බව පවසා මොහු පුද්ගලයෙකුගෙන් රුපියල් ලක්ෂ 40ක් ඉල්ලා ඇති අතර, පැමිණිලිකරු පවසා ඇත්තේ රුපියල් ලක්ෂ 30ක මුදලක් තිසර නානායක්කාර නමැත්තාට ලබා දුන්නද ෆින්ලන්ත රැකියා සඳහා යාමට තමන්ට අවස්ථාවක් නොලැබුනු බවයි.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…