රුපියල් කෝටි 14ක මැණික් ගල් සොරකමක​ට අත්අඩංගුවට ගත් CCD හිටපු අධ්‍යක්ෂ​ක නෙවිල් සිල්වාට ඇප!

කොළඹ අපරාධ කොට්ඨාසයේ (CCD) හිටපු අධ්‍යක්ෂ සහකාර පොලිස් අධිකාරී නෙවිල් සිල්වාව ඇප මත නිදහස් කර තිබෙනවා.

ඒ රත්නපුර මහේස්ත්‍රාත් අධිකරණය විසින්. ඔහුව රුපියල් මිලියන 05 බැගින් වූ ශරීර ඇප 03ක් මත නිදහස් කර තිබෙනවා.

මැණික් සොරකමක් සම්බන්ධව 2023 අගෝස්තු මාසයේ දී පුද්ගලයෙක් සිදුකළ පැමිණිල්ලක් සම්බන්ධව පැමිණිල්ලට වාසි සහගත වන ආකාරයෙන් කටයුතු කරමින් කෝටි 14කට අධික වටිනාකමක් සහිත මැණික්ගල් නීති විරෝධීව අත් පත් කරගැනීම, නීති විරෝධීව පුද්ගලයෙක් පැහැර ගැනීම, එම පැහැරගත් පුද්ගලයා නීති විරෝධීව රඳවා තබාගෙන අයුක්ති සහගත ලෙස ඔහුට චෝදනා ගොනුකර නඩු පැවරීම සම්බන්ධ සිද්ධියක් සඳහා ආධාර අනුබල දීම සම්බන්ධව හිටපු අධ්‍යක්ෂවරයා පසුගිය (10) අපරාධ පරීක්ෂණ දෙපාර්තමේන්තුවේ අත් අඩංගුවට පත් වුනේය.