සංචාරක

දුම්රියේදී ඉන්දීය සංචාරකයෙකුට අකරතැබ්බයක්!

කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන් කළ ඉන්දීය සංචාරකයෙකුගේ අස්ථානගත වු ගමන් බෑගය පැය කිහිපයක් තුළ සොයා ගැනිමට හැටන් දුම්රිය ස්ථානයේ ස්ථානාධිපති ඇතුළු නිලධාරීන් පිරිසකට හැකි වූවා.

ඉන්දියාවේ මුම්බායි ප්‍රාන්තයේ පදිංචි 39 හැවිරිදි සංචාරකයා එම දුම්රියෙන් ඇල්ල දක්වා දෙවන පන්තියේ මැදිරියේ ගමන් කරමින් සිටියදි වටවල සහ හැටන් දුම්රිය ස්ථාන දෙක අතරදි තම ගමන් බෑගය අස්ථානගත වි ඇති බවට හැටන් දුම්රිය ස්ථානාධිපතිවරයාට පැමිණිලි කර සංචාරකයා එම දුම්රියෙන්ම ඇල්ල දුම්රිය ස්ථානය දක්වා ගමන් කර ඇති බව සඳහන්.

වහාම ක්‍රියාත්මක වු හැටන් දුම්රිය ස්ථානයේ ස්ථානාධිපතිවරයා වටවල දුම්රිය ස්ථානයෙන් ඒ සම්බන්ධයෙන් කරුණු විමසා සිටියදි අස්ථානගත වු ගමන් බෑගයට සමාන බෑගයක් රැගෙන දුම්රියෙන් පැමිණි පුද්ගලයෙකු හැටන් දුම්රිය ස්ථානයේ ප්‍රදේශයට ත්‍රිරෝද රථයකින් ගමන් කළ බවට පැවසිමත් සමග හැටන් දුම්රිය ස්ථානාධිපතිවරයා විසින් ඒ සම්බන්ධයෙන් වටවල පොලිසිය දැනුවත් කර තිබෙනවා.

සිද්ධිය සම්බන්ධයෙන් ක්‍රියාත්මක වු වටවල පොලිසියේ වැඩ බලන ස්ථානාධිපති ඇතුළු පොලිස් නිලධාරින් හැටන් කොළඹ ප්‍රධාන මාර්ගයේ වටවල රොසැල්ල ප්‍රදේශයට ගොස් එම මාර්ගයේ කුලි ත්‍රිරෝද රථ රියදුරන්ගෙන් කරුණු විමසිමේදි එවැනි බෑගයක් සහිත පුද්ගලයෙකු ගිනිගත්හේන සිට
හැටන් දක්වා ධාවනය වු ලංගම බස් රථයක නැග ගමන් කල බවට දැනුම් දිමත් සමග පොලිස් නිලධාරින් එම බස් රථය සොයාගෙන ගොස් ඇති බවයි වාර්තා වෙන්නේ.

හැටන් දුම්රිය ස්ථානයේ දුම්රිය ස්ථානාධිපතිවරයා හැටන් ලංගම ඩිපෝවේ උසස් නිලධාරින් මේ සම්බන්ධයෙන් දැනුවත් කර සොයාබැලිමකදි අදාල ලංගම බස් රථය ඩිපෝව තුල නතර කර ඇති බවත්, එම බස් රථය පරික්ෂා කිරිමේදි ඉන්දියානු ජාතික සංචාරකයාට අයත් ගමන් බෑගය බස් රථයේ ගමන් මළු රදවනය තුල ඇති බවට ඩිපෝවේ නිලධාරින් දැනුම් දිමෙන් පසු දුම්රිය ස්ථානාධිපතිවරයා විසින් ඒ සම්බන්ධයෙන් වටවල
පොලිස් ස්ථානයේ නිලධාරින් දැනුවත් කර තිබෙනවා.

වටවල පොලිසියේ නිලධාරින් හැටන් ලංගම ඩිපෝව වෙත ගොස් එම ගමන් බෑගය රැගෙන හැටන් දුම්රිය ස්ථානාධිපතිවරයා වෙත භාර දි භාරගත් බවට අත්සන් ලබාගෙන තිබෙනවා.

හැටන් දුම්රිය ස්ථානයේ ස්ථානාධිපති ජානක ප්‍රනාන්දු මේ සම්බන්ධයෙන් කියා සිටියේ ඉන්දියානු ජාතික සංචාරකයාට දුරකථය ඔස්සේ සම්බන්ධ කරගනිමින් ඔහුගේ අස්ථානගත වු ගමන් බෑගය සොයාගත් බවත්, ගමන් බෑගය රාත්‍රි තැපැල් දුම්රියෙන්ඇල්ල දුම්රිය ස්ථානය වෙත එවිමට කටයුතු කරන බවත්, ඇල්ල දුම්රිය ස්ථානයෙන් එම ගමන් බෑගය ලබාගන්නා ලෙසට පැවසු බවයි.

එහිදි ඉන්දියානු සංචාරකයා තම ගමන් බෑගය සොයාගැනිමට කටයුතු කළ දුම්රිය ස්ථානාධිපතිවරයාට සහ අදාල පොලිස් නිලධාරින්ට ස්තුතිය පුද කල බව දුම්රිය ස්ථානාධිපතිවරයා පවසා තිබෙනවා.

ගමන් බෑගය සොයාගත් වටවල පොලිසියේ නිලධාරින් කියා සිටියේ එම දුම්රියෙන් පැමිණි පුද්ගලයෙකු වැරදිමකින් සංචාරකයාගේ ගමන් බෑගය රැගෙන ගොස් පසුව එය තමන්ගේ නොවන බවට තහවුරු විමෙන් පසු බස් රථයේම දමා ගොස් ඇති බවට සැකකරන බවයි.

එම බෑගය රැගෙන ගිය පුද්ගලයා හදුනාගැනිම සදහා සිසිටිවි දර්ශන ඔස්සේ විමර්ශනයක් සිදු කරන බවයි වටවල පොලිසියේ නිලධාරින් සදහන් කළේ.

Yumal Kasun

Recent Posts

කුසල් පෙරේරා පළමු පිතිකරුවන් 10 දෙනා අතරට !

ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…

6 hours ago

මෙරට උපත් අනුපාතය පහළ යාම ගැන බැරෑරුම් අණාවරණයක්!

පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…

7 hours ago

2025 රජයේ වියදම් ඇස්තමේන්තුව මෙන්න – වැඩිම වියදම සෞඛ්‍යයට!

මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…

9 hours ago

​Warne-Muralitharan Trophy : ශ්‍රී ලංකාවට එන ඔස්ට්‍රේලියානු සංචිතය නම් කෙරේ!

ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…

10 hours ago

AI භාවිතා කර 19 වසරක් පැරණි ඝාතනයක සුළමුල සොයාගත් කේරළ පොලිසිය!

වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…

11 hours ago

රාජ්‍ය සේවකයන්ට එළැඹෙන අයවැයෙන් සුබ ආරංචියක්!

රාජ්‍ය සේවක වැටුප එළැඹෙන අයවැයේදී සැලකිය යුතු අයුරින් වැඩි කිරීමට කටයුතු කරන බව කම්කරු නියෝජ්‍ය…

14 hours ago