“ජාත්‍යන්තර මූල්‍ය අරමුදල කප්පාදු වැඩපිළිවෙල පරාජය කරන්නේ කෙසේද? යන මැයෙන් පැවැත්වීමට නියමිත වූ දේශනය, පේරාදෙණිය විශ්වවිද්‍යාලයේ වැඩබලන උපකුලපති විසින් අග්‍රාමාත්‍යවරියගේ උපදෙස් මත තහනම් කළේ යැයි කියැවෙන ප්‍රකාශ මුලුමනින්ම අසත්‍ය බවත්, නිසි අවසරයකින් තොරව, විශ්වවිද්‍යාලය තුළ ලියාපදිංචි නොවූ ශිෂය සංගමයක් විසින් ප්‍රසිද්ධ රැස්වීමක් ලෙස සංවිධානය කළ රැස්වීමට නිසි ක්‍රමවේදය යටතේ අවසර ලබාගෙන පවත්වන ලෙස නිර්දේශ කිරීම පමණක් සිදුකළ බවත් පේරාදෙණිය විශ්වවිද්‍යාලයේ උප කුලපති මහාචාර්ය ටෙරන්ස් මදුජිත් පවසනවා.
ඔහු පවසන්නේ සටන් පාඨයක් බඳු තේමාවක් සහිතව ඉදිරිපත් කිරීමට සැලසුම් කර තිබූ මෙම වැඩසටහන එය දේශනයක්, සාකච්ඡාවක්, සම්මන්ත්‍රණයක්, වැඩමුළුවක් හෝ අධ්‍යයන ක්‍රියාකාරකමක් ලෙස නොව මහජනතාව දැනුවත් කිරීමේ ප්‍රසිද්ධ රැස්විමක් ලෙස අනීතිකව සංවිධානය කර තිබුනු ආකාරයයි.
දේශපාලන විද්‍යා අංශයේ සහ ශාස්ත්‍රපීඨයේ පීඨාධිපතිවරුන් සමග සාකච්ඡා කර මෙහි තේමාව සටන් පාඨයක් ලෙස ප්‍රකාශ නොවන ආකාරයට සංශෝධනය කර විධිමත් අවසරයක් ලබාගෙන පවත්වන ලෙස පමණක් සංවිධාකයින්ට දැන්වූ යේ යැයි උපකුලපතිවරයා ප්‍රකාශ කරනවා.
පාර්ලිමේන්තුව තුළ චෝදනාවට ලක්වූ මෙම සිද්ධිය පිළිබඳ පැහැදිලි කිරිමක් කරමින් උපකුලපතිවරයා නිකුත් කළ නිවේදනයේ මෙසේ සඳහන් වේ.
මෙම රැස්වීම සංවිධානය කර තිබුණේ විශ්වවිද්‍යාලයට පරිභාහිර ජාත්‍යන්තර දේශපාලන සංවිධානයක් සහ පේරාදෙණිය විශ්වවිද්‍යාලීය ශිෂ්‍ය සමාජයක මැදිහත්වීම මගින් යැයි සදහන් කර තිබුණි. පේරාදෙණිය විශ්වවිද්‍යාලය තුළ කිසියම් ශිෂ්‍ය ක්‍රියාකාරකමක් සංවිධානය කිරීමට ප්‍රථම විශ්වවිද්‍යාල ප්‍රධාන විනය ආරක්ෂක, විනය පාලක සහ අනෙකුත් අදාළ නිලධාරීන් හරහා උපකුලපති හෝ නියෝජ්‍ය උපකුලපති වෙතින් පූර්ව අවසරය ලබා ගත යුතු වේ. මෙම ප්‍රසිද්ධ රැස්වීම සඳහා කිසිදු පූර්ව අවසරයක් ලබාගෙන නොමැති බව පැහැදිලිව නිරීක්ෂණය වූ අතර පසුව සිදු කරන ලද සොයා බැලීම් වලට අනුව මෙම ශිෂ්‍ය සමාජය විශ්වවිද්‍යාලයේ ලියාපදිංචි කර නොමැති බවත් පසුගිය වසර දහය තුළ කිසිදු ක්‍රියාකාරකමක් කළ බවට වාර්තා කර නොමැති බවත් තහවුරු විය.
සටන් පාඨ ආකාරයේ මාතෘකාව විවිධ අදහස් දරන ශිෂ්‍ය කණ්ඩායම් සහ සහභාගිවන්නන් අතර ගැටුම් ඇති කිරීමට හේතු විය හැකි බව ද නිරීක්ෂණය විය. එවන් ගැටුම් වළක්වා ගැනීම සඳහා එම අවස්ථාවේ වැඩබලන උපකුලපති ලෙස කටයුතු කළ නියෝජ්‍ය උපකුලපතිවරයා දේශපාලන විද්‍යා අංශයේ අංශාධිපති හා ශාස්ත්‍ර පීඨ පීඨාධිපති සමඟ පැවැත්වූ සාකච්ඡාවකින් අනතුරුව රැස්වීමේ මාතෘකාව මඳක් වෙනස් කර නිසි අවසර ලබා ගැනීමෙන් අනතුරුව එය පැවැත්වීමට අවස්ථාව ලබා දීමට තීරණය කර ඇත.
තවද මෙම සංගම් මගින් මීට පෙරද අත්පත්‍රිකා හා වෙනත් ද්‍රව්‍ය බෙදා හරිමින් විශ්වවිද්‍යාලයේ අවසරයකින් තොරව අනවසර රැස්වීම් පිඨය තුළ සංවිධානය කරමින් පිඨයේ දෛනික අධ්‍යාපනික කටයුතු කඩාකප්පල් කිරීමට උත්සහ කර ඇත.
පේරාදෙණිය විශ්ව විද්‍යාලය අධ්‍යයන නිදහස ආරක්ෂා කිරීමටත් විවේචනාත්මක විමර්ශනය හා බුද්ධිමය මැදිහත්වීමේ සංස්කෘතියක් වර්ධනය කිරීමටත් කැපවී සිටියි. බොහෝ ශිෂ්‍ය සංගම් සහ අධ්‍යයන කාර්යමණ්ඩලය නිසි ක්‍රියා පටිපාටිය අනුගමනය කරමින් සෑම සතියකම පාහේ සම්මන්ත්‍රණ, දේශන, වැඩමුළු සහ විවාද සංවිධානය කරයි. එමඟින් විශ්වවිද්‍යාලය තුළ නිදහස් ආරක්ෂාකාරි, බුද්ධිමය උත්තේජක පරිසරයක් නිර්මාණය කිරීමට ඇති කැපවීම පිළිබිඹු කරයි.
විශ්ව විද්‍යාලය විවිධ දර්ශනවාදී සහ නිර්මාණාත්මක සාකච්ඡා දිරිමත් කරන අතරම විශ්වවිද්‍යාලයෙහි පවත්වනු ලබන සියලුම ක්‍රියාකාරකම් එහි නීතිමය, සදාචාරාත්මක සහ ආයතනික රාමුව තුළ ක්‍රියාත්මක කරයි. විශ්වවිද්‍යාලය පුද්ගල හා කණ්ඩායම් වශයෙන් සිදු කරනු ලබන ක්‍රියාකාරකම් විධිමත් ලෙස සිදු කිරීම දිරිගන්වන අතර එමඟින් ආයතනික වටිනාකම් සහ කීර්ති නාමය ආරක්ෂා වන බව සහතික කරයි.
නිසි අවසරය ලබාගෙන ඕනෑම විවේචනාත්මක, විමර්ෂණාත්මක ශ්‍රාස්ත්‍රීය වැඩසටහනක් ඉදිරිපත් කිරීමට ඕනෑම ලියාපදිංචි ශිෂ්‍ය සංවිධානයකට, සංගමයකට හෝ සමාජයකට අවස්ථාව විශ්වවිද්‍යාලය තුළ විවර කර ඇත
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…