කොළඹ මහ නගර සභාවට අය විය යුතු රුපියල් කෝටි විසිහතකට ආසන්න මුදලක් ගෙවීම පැහැර හැර ඇති, කොළඹ නගරයේ වාහන නැවතුම් ස්ථාන පාලනය කරන සමාගම් 26ක් සම්බන්ධයෙන් අල්ලස් හෝ දූෂණ විමර්ශන කොමිෂන් සභාව විසින් විමර්ශනයක් ආරම්භ කර තිබේ.
මේ වන විට ඒ සම්බන්ධයෙන් ලද පැමිණිල්ලක් මත නාගරික කොමසාරිස්වරයා විසින් වාර්තාවක් කැඳවා ඇති අතර එම වාර්තාවේ කරුණු සහ පැමිණිල්ල පෙන්වාදුන් කරුණු සලකා කොමිෂන් සභාව මේ සම්බන්ධයෙන් පූර්ණ විමර්ශනයක් සිදුකිරීමට තීරණය කර තිබේ.
මීට අදාළ පැමිණිල්ල යොමු කර ඇත්තේ, අල්ලස දූෂණය නාස්තියට එරෙහි පුරවැසි බලය සංවිධානයයි.
එම සංවිධානය පෙන්වා දී ඇත්තේ, නගර සභාවට අයත් වාහන නැවතුම්පොළවල් සඳහා 2023 වසරේ සමාගම් 26ක් ගෙවිය යුතු හිඟ මුදල් වශයෙන් රුපියල් විසිකෝටි හතළිස්ලක්ෂයකි (204,164,110) එසේ හිඟ මුදල් ගෙවීමට තිබියදී එම සමාගම් සඳහා නැවත 2024 වසරේ වාහන නැවතුම්පොළවල් සඳහා බදු දී තිබේ.
ඒ අනුව, 2024 වසරේ අප්‍රේල් මස අවසානය වන විට එම සමාගම් නගර සභාවට ගෙවිය යුතු හිඟ බදු මුදල් ප්‍රමාණය රුපියල් කෝටිවිසිහයක් 264,859,471) පමණ වන බව පැමිණිල්ල මඟින් දක්වා ඇත.
ඉහත සඳහන් මෙම ගනුදෙනු සම්බන්ධව කිසිදු විනිවිදභාවයක් නොමැති නිසා ඒ සම්බන්ධව පරීක්‍ෂණයක් සිදුකරන ලෙස අල්ලස – දූෂණය නාස්තියට එරෙහිව පුරවැසි බලය සංවිධානය සභාපති ජාමුනි කමන්ත තුෂාර අල්ලස් හෝ දූෂණ කොමිෂන් සභාවට පැමිණිලි කිරීමෙන් පසුව අල්ලස් කොමිසම පරීක්ෂණ මේ ආකාරයට ආරම්භ කර තිබෙන බව කොමිෂන් සභාවේ නියෝගය පරිදි ලේකම් කේ.ජී. ලැනරෝල් ලිපියක් මගින් දන්වා ඇත.
අම්පාර, සේනානායකපුර සහ සාමපුර ප්‍රදේශවල පුද්ගලයින්100 ක් ආරක්ෂිත ස්ථානයක් වෙත ඉවත් කළ බව අම්පාර දිස්ත්‍රික්…
චීන ජනාධිපති ෂී ජින් පිං ගේ ආරාධනාවක් මත ජනාධිපති අනුර කුමාර දිසානායක ජනවාරි 13 වන…
පාර්ලිමේන්තු වෙබ් අඩවියේ අධිකරණ අමාත්‍ය හර්ෂණ නානායක්කාර මහතාගේ නම ඉදිරියේ ආචාර්ය පදවියක් සඳහන් කිරීම සම්බන්ධයෙන්…
ලාංකික අධ්‍යක්ෂක ඉලංගෝ රාම් අධ්‍යක්ෂණය Tentigo ලාංකීය සිනමාපටයේ නිල කොලිවුඩ් ප්‍රතිනිර්මාණය වන Perusu ඉන්දියානු සිනමාපටයේ…
බන්ධනාගාර රෝහලේ පරිපාලන කටයුතු භාර ප්‍රධාන වෛද්‍යවරයාට එරෙහිව සිරකරු අයිතිවාසිකම් සුරැකීමේ සංවිධානයද ඇතුළුව පාර්ශ්ව රැසකින්…
දිනකට විදෙස් ගමන් බලපත්‍ර 2,500 බැගින් නිකුත් කිරිමට පියවර ගෙන ඇති බව මහජන ආරක්ෂක අමාත්‍යාංශය…