සංවර්ධනයේ නව යුගයක් සඳහා ශ්‍රී ලංකාව සමඟ එක්ව කටයුතු කිරීමට සූදානම් බව චීන ජනපති ෂි ජින් පින් ජනපති අනුර කුමාර දිසානායක හමුවේ ප්‍රකාශ කර තිබෙනවා.
චීන ජනාධිපති ෂී ජින් පිං සහ ශ්‍රී ලංකා ජනාධිපති අනුර කුමාර දිසානායක මහතා සමඟ සාකච්ඡාව අද(15) පස්වරුවේ බෙයිජිං හි මහජන මහා ශාලාවේදී පැවැත්වුණා.
චීනය සහ ශ්‍රී ලංකාව සාම්ප්‍රදායික මිත්‍ර අසල්වැසියන් බව ෂී ජින් පිං මහතා එහිදී පෙන්වා දුන්නා. මීට වසර 68 කට පෙර චීනය සහ ශ්‍රී ලංකාව අතර රාජ්‍ය තාන්ත්‍රික සබඳතා ආරම්භ කළ දා සිට දෙරටේ සබඳතා සැම විටම විධිමත් හා ස්ථාවර වර්ධනයක පවතින අතර මිත්‍රශීලී සහජීවනය සහ අන්‍යෝන්‍ය වශයෙන් වාසිදායක සහයෝගීතාවය සඳහා ලොකු කුඩා රටවලට ආදර්ශයක් සපයා ඇත.
දෙපාර්ශ්වයේ පොදු ප්‍රයත්න යටතේ, අවංක අන්‍යෝන්‍ය සහයෝගීතාවයෙන් සහ පාරම්පරික මිත්‍රත්වයකින් යුතු චීනය සහ ශ්‍රී ලංකාව අතර ස්ථාවර හා දිගුකාලීන උපායමාර්ගික සහයෝගීතා හවුල්කාරිත්වය අඛණඩව ගැඹුරින් පවත්වා ගෙන තිබෙන බව ෂී ජින් පිං මහතා එහිදී පෙන්වා දුන්නේය. එසේම, චීනය සහ ශ්‍රී ලංකාව අතර“එක් තීරයක් එක් මාවතක්”වැඩපිළිවෙල උසස් තත්ත්වයෙන් ඒකාබද්ධව ගොඩනැගීම වඩාත් ඵලදායී ප්‍රතිඵල ලබා ගෙන ඇති අතර එය දෙරටේ ජනතාවට ප්‍රායෝගිකව සුභ සෙත සලසා තිබෙන බව හෙතෙම කියා සිටියා.
චීනය සෑම විටම මෙන් ශ්‍රී ලංකාවේ ජාතික ස්වාධීනත්වය, ස්වාධිපත්‍යය සහ භෞමික අඛණ්ඩතාවය ආරක්ෂා කිරීම සඳහා සහාය දක්වමින් ශ්‍රී ලංකාව සමඟ දේශපාලන අන්‍යෝන්‍ය විශ්වාසය ගැඹුරු කොට රට පාලනය පිළිබඳ අත්දැකීම් හුවමාරු කර ගැනීමට කැමැත්තෙන් සිටී.
කලාපීය සාමය හා ස්ථාවරත්වය සඳහා ශ්‍රී ලංකාව සමඟ එක්ව පොදුවේ කටයුතු කිරීමට චීනය සූදානමින් සිටින බව ද චීන ජනාධිපතිවරයා වැඩිදුරටත් පවසා තිබෙනවා..
නව වසර ආරම්භයේදී චීනයේ සංචාරයට එක්වීමට ලැබීම පිළිබඳව තමා ඉතා සතුටු වන බව අනුර කුමාර දිසානායක මහතා මෙහිදී පවසා තිබෙනවා.
චීනය සැම විටම ශ්‍රී ලංකාවේ විශ්වාසදායක මිතුරෙකු සහ සහකරුවෙකු වන බවත්, චීනය සමඟ ඇති සබඳතාව ශ්‍රී ලංකාව ඉතා වැදගත් කොට සලකන අතර, එකම චීනය යන මූලධර්මය තරයේ පිළිපදින බව හෙතෙම සඳහන් කරනවා. ගෝලීය දකුණේ ඉතා වැදගත් නායකත්ව රටක් වන චීනය, ජාත්‍යන්තර කටයුතුවල දී සංවර්ධනාත්මක කාර්යභාරයක් ඉටු කොට තිබෙනවා. චීනය සමඟ විවිධ බහුපාර්ශ්වික අවස්ථාවලදී සම්බන්ධීකරණ හා අන්‍යෝන්‍ය සහාය ශක්තිමත් කොට පොදු අයිතිවාසිකම් ආරක්ෂා කිරීමට ශ්‍රී ලංකාව බලාපොරොත්තු වන බව ද ශ්‍රී ලංකා ජනාධිපතිවරයා පැවසුවා.
සාකච්ඡාවෙන් අනතුරුව, දෙරටේ නායකයන් ඉදිරියේ ද්විපාර්ශ්වික සහයෝගීතා ලිපිලේඛන මාලාවක් අත්සන් තැබිණ.
සීදූව, රාජපක්ෂපුර ප්‍රදේශයේ වෙඩි තැබීමක් වාර්තා වේ. එම වෙඩි තැබීමෙන් පුද්ගලයෙකු තුවාල ලබා රෝහල් ගත…
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…