පාකිස්තානයේ හිටපු අගමැති ඉම්රාන් ඛාන්ට වසර 14 ක සිර දඬුවමක් සහ ඔහුගේ බිරිඳ බුෂ්රා බිබිට වසර හතක සිර දඬුවමක් අද (14) පකිස්ථාන අධිකරණය විසින් නියම කළේය.
ඒ අල්-කදීර් විශ්ව විද්‍යාල ව්‍යාපෘති භාරය සම්බන්ධව සිය අධිකාරිය අනිසි ලෙස භාවිතා කිරීම සහ දූෂණය සම්බන්ධව ඛාන්ට එරෙහිව ගොනු කළ නඩුවක තීන්දුව ලබා දෙමිනි.
ඛාන්ට පකිස්ථාන රුපියල් මිලියනයක (ඩොලර් 3,500) දඩයක් ද නියම කරන ලද අතර, බිබිට එම මුදලින් අඩක් දඩ ලෙස නියම කරන ලදී.
ඉම්රාන් ඛාන් 2023 අගෝස්තු මාසයේ සිට රාවල්පින්ඩිහි අදියාලා බන්ධනාගාරයේ සිරතගතව හිඳී. මෙම නඩුවේ තීන්දුව ප්‍රකාශ කිරීම තුන් වතාවක් කල් ගොස් තිබිණි. හිටපු අගමැති වරදකරු බවට පත් වූ සිව්වන ප්‍රධාන නඩුව මෙයය.
පසුගිය වසරේ ජනවාරි මාසයේදී ප්‍රකාශයට පත් කරන ලද පෙර දඬුවම් තුනක්, රාජ්‍ය තෑගි විකිණීම, රාජ්‍ය රහස් හෙළිදරව් කිරීම සහ නීති විරෝධී විවාහය සම්බන්ධ වූ අතර, ඒ සියල්ල අවලංගු කරන ලද හෝ අත්හිටුවන ලදී. එසේ තිබියදීත්, ඛාන් මෙතෙක් සිරගතව සිටියේය. තවද ඔහුට එරෙහිව නඩු දුසිම් ගණනක් විභාග වෙමින් පවතී. එය ඔහුට එරෙහිව සිදුවන දේශපාලන දඩයමක් ලෙස ඉම්රාන් ඛාන් පවසයි.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…