හිරු මාධ්‍ය නාලිකාව කුඩු බිස්නස් කර හදාගත් මාධ්‍යයක් බවට සහ හිරු මාධ්‍ය නාලිකාව සහ දුමින්ද සිල්වා යන අය සම්බන්ධයෙන් හෝ හිරු මාධ්‍ය නාලිකාව සම්බන්ධයෙන් අසත්‍ය හා අපහාසාත්මක ප්‍රකාශ මින් ඉදිරියට විකාශනය කරවීමෙන් වළකින ලෙස නිව්ස් සෙන්ටර් ආයතනයේ වැඩ කරන පිරිසක් වෙත කඩුවෙල මහේස්ත්‍රාත් අධිකරණය විසින් කොන්දේසි සහිත ආඥාවක් නිකුත් කර තිබෙනවා.
ඒෂියා බ්‍රෝඩ්‍රෝඩ්කාස්ටිං කෝපරේෂන් (ප්‍රයිවෙට්) ලිමිටඩ් (හිරු) ආයතනය විසින් මාර්ගගත ක්‍රමවල සුරක්ෂිත භාවය පිළිබද පනත යටතේ කරන ලද ඉල්ලීමක් සලකා බලමින් කඩුවෙල මහේස්ත්‍රාත් අධිකරණය මෙම නියෝගය නිකුත් කළා.
නියෝජ්‍ය අමාත්‍ය නලින් හේවගේ දුමින්ද සිල්වා යන අය පිළිබඳව රූපවාහිනී නාලිකාවක් සම්බන්ධයෙන් සිදු කළ ප්‍රකාශයක් newscenterහි විකාශනය කිරීම මෙම පෙත්සමට හේතු වී තිබෙනවා.
මෙම පෙත්සම මඟින් නිව්ස් සෙන්ටර් ආයතනයේ අධ්‍යක්ෂ මංජුල බස්නායක ඇතුළු පිරිසක් වගඋත්තරකරුවන් කර තිබෙනවා.
ඒ අනුව, අදාල ප්‍රකාශය විකාශය කිරීම මෙන්ම මෙන්ම මින් ඉදිරියට හිරු මාධ්‍ය නාලිකාව සම්බන්ධයෙන් අපහාසාත්මක හා අසත්‍ය ප්‍රකාශ ප්‍රචාරය කිරීම වලක්වාලන නියෝගයක් ද නිකුත් කර තිබෙනවා. මහේස්ත්‍රාත්ගේ නියෝගයේ සඳහන් වන්නේ මාර්ගගත ක්‍රම සුරක්ෂිතභාවය පිළිබඳ පනතේ 24 (2) වගන්තිය ප්‍රකාරව මෙම නියෝගය නිකුත් කරන බවයි.
මෙම කොන්දේසි සහිත ආඥාව ජනවාරි 23 වන දින දක්වා බල පැවැත්වෙන අතර ඒ සම්බන්ධයෙන් අදහස් දක්වන්නේ නම් සති දෙකක කාල සීමාවක් තුළදී අධිකරණය ඉදිරියේ පෙනී සිට කල යුතු බවත් එම නියෝගයේ සඳහන්.
එමෙනම්, මෙම නියෝගයට අවනත වී ඒ අනුව ක්‍රියා කළ යුතු අතර, එසේ කිරීමට අපොහොසත් වුවහොත් නීතිය යටතේ දඩුවම් විදීමට සිදුවනු ඇති බවටද මහේස්ත්‍රාත්වරයා සිය නියෝගය මඟින් අවධාරණය කර තිබෙනවා.
මාධ්‍ය ආයතනවලට එරෙහිව මෙම පනත භාවිත කරනු ඇති බවට පනත පාර්ලිමේන්තුවට ගෙන ආ අවස්ථාවේ දී මාධ්‍ය සංවිධාන චෝදනා කළා. මීට පෙර එලෙස මාධ්‍ය ආයතනවලට එරෙහිව නියෝග ගැනීම සඳහා මෙම පනත පාවිච්චි කළත් මාධ්‍ය ආයතනයක් තවත් මාධ්‍ය ආයතනයකට එරෙහිව මෙම පනත යටතේ අධිකරණයට ගිය අවස්ථාවක් වාර්තා වන්නේ පළමු වතාවටයි.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…