ලාංකේය මාධ්‍ය ඉතිහාසයේ විශිෂ්ට මාධ්‍ය මෙහෙවරක ලකුණු සටහන් කරමින් විකල්ප මාධ්‍ය භාවිතයේ ගැඹුරු අරුත් පෙන්වා දුන් රාවය පුවත්පතේ හිටපු කතෘ ජ්‍යෙෂ්ඨ මාධ්‍යවේදී වික්ටර් අයිවන් අද දිවි සැරියෙන් සමුගත්තේය.
ඔහු ජන මනස අවදි කරමින් සමාජ පර්යේෂණ කෘති ගණනාවක් බිහි කළ විදග්ධ ග්‍රන්ථ කරතෘවරයෙක් ද වූයේය.
කලක් රෝගාතුරව සිටි ඒ මහතා ගාල්ල, කපුහෙන්පොළ නිවසේදී අභාවප්‍රාප්ත වී ඇති බව පවුලේ ආරංචි මාර්ග සඳහන් කළේය.
ඔහු කටුගස්තොට ශාන්ත අන්තෝනි විද්‍යාලයේ ආදි ශිෂ්‍යයෙකු වේ.
1949 වසරේ ජුනි 26 වනදා උපත ලැබූ අයිවන් මිය යනවිට ඔහු 75 වැනි වියෙහි පසුවූයේය. මාජුවානා කන්කානම්ගේ වික්ටර් අයිවන් ලෙස 1949 වසරේ ජූනි මස 26 වැනිදා උපත ලද ඔහු 1971 ජනතා විමුක්ති පෙරමුණේ දේශපාලන කැරල්ලෙහි ඉදිරිපෙළ චරිතයක් වූයේය. ඔහු එවකට පක්ෂය හඳුන්වා දුන්නේ පොඩි අතුල නමිනි.
වික්ටර් අයිවන් පසු කාලීනව ජනතා විමුක්ති පෙරමුණේ දේශපාලන කටයුතුවලින් ඈත් විය. අනතුරුව ඔහුගේ දේශපාලනය ජන මාධ්‍යය ඔස්සේ ඔහු සමාජය තුළ තියුණු ලෙස භාවිතා කළේය.
රාවය සඟරාවේත් රාවය පුවත්පතෙත් ආරම්භක කර්තෘවරයා වූයේ ඔහුය. ඔහු නිදහස් මාධ්‍ය ව්‍යාපාරය ආරම්භ කිරීම සදහා දායකත්වය දැක්වූ පුරෝගාමියෙකි.
වික්ටර් අයිවන්ගේ දේහය පිළිබඳ අවසන් කටයුතු පසුව දැනුම් දෙනු ලැබේ.
ඔහු විසින් රචිත දේශපාලනික කෘතින් අතර 71 කැරැල්ල, නොනිමි අරගලය, චෞර රැජින සහ දේශපාලනයේ පවුල හා කුලය යන ග්‍රන්ථ පාඨකයන් අතර වඩාත් ප්‍රචලිත විය.
පළාත් පාලන ආයතන ඡන්ද විමසීමට අදාළ නිල ඡන්ද දැන්වීම් පත්‍රිකා අද (16) දිනයේ තැපෑල වෙත…
පේරු රාජ්‍යයේ හිටපු ජනාධිපති ඔලන්ටා උමාලා සහ ඔහුගේ බිරිඳ වන නදීන් හෙරෙවියාට වසර 15ක සිර…
පසුගිය දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන ඇති…
නිවාසවල වහලය මත සවිකර ඇති සුර්ය පැනල අක්‍රීය කිරිමේ කටයුතු කෙටි පණිවුඩයක් ලැබුණහොත් පමණක් හෙට…
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…