ඉන්දියාවේ නැගෙනහිර කොල්කටා නගරයේ ආර්ජී කාර් රෝහලේ කනිෂ්ඨ වෛද්‍යවරියක් අපයෝජනය කර ඝාතනය කිරීමේ සිද්ධියට වරදකරු වූ ස්වේච්ඡා සේවකයාට ජීවිතාන්තය දක්වා සිරදඩුවම් නියම කර තිබෙනවා.
කෙසේවෙතත්, ඔහුට ලබාදුන් දඬුවම සම්බන්ධයෙන් තමන් කම්පනයට පත් වූ බවත් ඇගේ මිනීමරුවා එල්ලා මරා දමනු ඇතැයි බලාපොරොත්තු වූ බවත් වෛද්‍යවරියගේ පවුලේ සාමාජිකයින් ප්‍රකාශ කර ඇත.
එහෙත් මෙම නඩුවේ විනිසුරු අනිර්බන් දාස් මෙම නඩුව “දුර්ලභම නඩු වලින් දුර්ලභ” නොවන බැවින් මරණ දණ්ඩනයට සුදුසු නොවන බව සඳහන් කර තිබෙනවා.
මියගිය වෛද්‍යවරියගේ සිරුර පසුගිය වසරේ අගෝස්තු 9 වැනිදා සොයාගනු ලැබුවේ කොල්කටා හි පිහිටි රෝහලක කාමරයක තිබියදීය.
මේ සිද්ධිය ඉන්දියාව පුරා දැඩි ආන්දෝලනයකට තුඩුදුන් අතර ඝාතනයේ ප්‍රධාන සැකකරු ලෙස වෛද්‍යවරිය ඝාතනයට ලක්වූ රෝහලේ සිවිල් ස්වේච්ඡා සේවකයෙක් වන 33 හැවිරිදි සන්ජේ රෝයි නමැත්තෙක් අත්අඩංගුවට ගනු ලැබුවා.
මෙම නඩුවේ එකම වරදකරු වන රෝයිට මරණීය දණ්ඩනය ලබා දෙන ලෙස ඉල්ලා අභියාචනය ගොනු කරන ලෙස අධිනීතිඥ ජනරාල් කිෂෝර් දත්තා විනිසුරු දෙබංසු බසාක් ප්‍රමුඛ කොට්ඨාශ විනිසුරු මඩුල්ලක් වෙත ඉදිරිපත් කර ඇතැයි ද වාර්තාවනවා.
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…