මැලේසියාවේ පැවැත්වෙන වයස අවුරුදු 19 න් පහළ කාන්තා පන්දුවාර විස්සයි 20 ලෝක කුසලාන ක්‍රිකට් තරගාවලියේ (ICC Women’s Under-19 T20 World Cup) සුපිරි හය වටයට සුදුසුකම් ලබා ගැනීමට ශ්‍රී ලංකාව හා ඉන්දියාව අද (21) සමත් වුණා.
ඒ, තරගාවලියේ 15 වැනි හා 16 වැනි තරගවලදී පිළිවෙලින් බටහිර ඉන්දීය කොදෙව්වන් හා මැලේසියාව පරාජයට පත් කරමින්.
මේ වන විට ක්‍රීඩා කළ තරග දෙකම ජය ගත් ඉන්දියාව A කාණ්ඩයේ පෙරමුණ හිමි කර ගෙන සිටින අතර, ශ්‍රී ලංකාව ද තරග දෙකම ජය ගනිමින් දෙවැනි ස්ථානය හිමි කර ගෙන සිටිනවා.
ශ්‍රී ලංකා – කොදෙව් තරගයේ පළමුව පන්දුවට පහරදුන් ශ්‍රී ලංකාව කඩුලු 5 ක් දැවී ලකුණු 166 ක් ලබා ගත්තා. එය වයස අවුරුදු 19 න් පහළ කාන්තා පන්දුවාර විස්සයි 20 ලෝක කුසලාන ක්‍රිකට් තරගාවලි ඉතිහාසයේදී ශ්‍රී ලංකා කණ්ඩායම වාර්තා කළ ඉහළම ලකුණු සංඛ්‍යාවයි.
ආරම්භක පිතිකාරිණියන් වූ සංජනා කාවින්දි පන්දු 36කින් ලකුණු 39ක් හා සුමුදු නිසංසලා පන්දු 22කින් ලකුණු 19ක් රැස් කළා. නායිකා මනුදි නානායක්කාර ලකුණු 41 ක් රැස් කළේ පන්දු 31 කින්. දැහැමි සෙනෙත්මා පන්දු 25කින් නොදැවී ලකුණු 31යි.
පන්දු යැවීමේ දී සෙලීනා රෝස් ලකුණු 25 කට කඩුලු 2 ක් දවා ගත්තා.
පිළිතුරු ඉනිම ක්‍රීඩා කළ කොදෙව් යොවුන් ක්‍රීඩිකාවන්ට පන්දුවාර 19.4 ක් අවසානයේ සියලු දෙනා දැවී ලබා ගත හැකි වූයේ ලකුණු 85 ක් පමණයි.
නායිකා සමාරා රාම්නාත් ලකුණු 24 ක් ලබා ගත් අතර, පන්දු යැවීමේදී චමෝදි ප්‍රබෝදා ලකුණු 16 කට කඩුලු 3 ක් දවා ගත්තා.
අසේනි තලගුනේ ලකුණු 16 කට කඩුලු දෙකක් බිද හෙලූ අතර, ලිමන්සා තිලකරත්න ලකුණු 7 කට කඩුලු දෙකක් බිද හෙලුවා.
තරගාවලිය යටතේ ශ්‍රී ලංකාව ක්‍රීඩා කළ පළමු තරගයෙන් ඔවුන් මැලේසියාව පරදා ලකුණු 139 ක දැවැන්ත ජයක් වාර්තා කළා. එම තරගයේදී ද සාර්ථක පිතිහරඹයක නිරත වූ ශ්‍රී ලංකා පිතිකාරිණියන් කඩුලු 6 ක් දැවී රැස් කළ ලකුණු සංඛ්‍යාව 162 ක්.
මෙවර තරගාවලියේදී මේ දක්වා ලකුණු 150 සීමාව පසු කර ලකුණු ලබා ගැනීමට සමත්ව ඇති එකම රට වන්නේ ශ්‍රී ලංකාව (දෙවරක්) පමණයි.
මේ අතර, තරගාවලියේ 16 වැනි තරගයේ පළමුව පන්දුවට පහරදුන් මැලේසියාව ලකුණු 31 කට දැවී ගිය අතර, පිළිතුරු ඉනිම ක්‍රීඩා කළ ඉන්දියාව පන්දුවාර 2.5 ක් අවසානයේ කිසිදු කඩුල්ලක් නොදැවී ජයග්‍රාහී ඉලක්කය සපුරා ගත්තා.
තරගාවලිය යටතේ ශ්‍රී ලංකාව හා ඉන්දියාව ක්‍රීඩා කරන තරගය එළඹෙන 23 වැනිදා පැවැත්වීමට නියමිතයි.
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…
ලංකා විදුලිබල මණ්ඩලයේ නව සභාපති ලෙස ඉංජිනේරු මහාචාර්ය කේ.ටී.එම්.යූ. හේමපාල පත්කර ඇති බව වාර්තා වේ.…
ශ්‍රී ලංකා ක්‍රිකට් ආයතනය සමග ගිවිසුම්වලට එළඹ සිටින ජාතික තලයේ ක්‍රිකට් ක්‍රීඩකයින් එම ආයතනයේ සේවකයින්…