අමෙරිකානු ගුවන් සේවයට අයත් යානයක් වොෂින්ටන්හි රේගන් ජාතික ගුවන්තොටුපළට ආසන්න ඉහළ අහසේදී හෙළිකොප්ටරයක ගැටී පොටොමැක් ගංගාවට කඩා වැටී සිදු වූ අනතුරින් යානා දෙකෙහිම ගමන්ගත් සියලු දෙනාම මිය ගොස් ඇති බව අමෙරිකානු ආරක්ෂක අංශ සනාථ කර තිබෙනවා.
අනතුර සිදු වන අවස්ථාවේදී මගීන් සහ කාර්ය මණ්ඩලය 64 දෙනෙකු ගුවන් යානයේ ගමන් කර ඇති අතර, එය ගුවන්තොටුපළට, ගොඩබෑමට උත්සහ කළ අවස්ථාවේදී ඇමරිකානු හමුදා සෙබලුන් 3 දෙනෙකු රැගත් හෙලිකොප්ටර් යානයේ ගැටී තිබුණා.
විදෙස් වාර්තා සදහන් කළේ ගුවන් යානා දෙකෙහි කලු පෙට්ටි මේ වන විට වැඩිදුර පරීක්ෂණ සදහා යොමු කර ඇති බවයි.
මගී ගුවන් යානය රොනල්ඩ් රේගන් ගුවන්තොටුපලට ගොඩබැස්වීමට සුළු මොහොතකට පෙර අමෙරිකානු හමුදාවට අයත් බැක්හොක් හමුදා හෙළිකොප්ටර් යානයේ උඩුගුවනේදි ගැටී අනතුරට පත්වුණා.
200කට අධික පොලිස් කිමිදුම්කරුවන් සහ බෝට්ටු මගින් සිදුකළ මෙහෙයුම්වලදි මියගිය පිරිස 30 දෙනෙකුගේ පමණ සිරුරු සොයා ගැනීමට හැකිවී ඇති බවයි විදෙස් මාධ්‍ය වාර්තා සඳහන් කරන්නේ.
යානයේ සුන්බුන් තවමත් පොටෝමැක් ගංගාවේ පවතින අතර පවතින අධික සීතල නිසා කිමිදුම්කරුවන්ට තවදුරටත් මෙහෙයුම් සිදුකිරීම අසීරුවී ඇති බවයි වාර්තා වන්නේ.
අමෙරිකානු වෙරළාරක්ෂක බලකාය විසින් ගංගාවේ කඩාවැටුණු යානාවේ සුන්බුන් ඉවත් කළ පසු මගීන්ගේ සිරුරු සෙවීමේ මෙහෙයුම් තවදුරටත් ක්‍රියාත්මක කෙරෙන බව අමෙරිකානු බලධාරින් ප්‍රකාශ කරනවා.
සිදුවු මෙම ගුවන් අනතුර සම්බන්ධයෙන් තමන් කණගාටු වන බවත්, මියගිය පවුල්වල සාමාජිකයින් හමුවීමට තමන් බලාපො‍රොත්තු වන බවත් අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කර සිටිනවා.
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…