තවත් සමූල ඝාතනයක් – අම්බලන්තොට​දී එක තැන තුනක් මරා දමයි!

අම්බලන්තොට පොලිස් වසමේ ඇලේගොඩ බටහිර ප්‍රදේශයේ දී ඊ​යේ (2) ප.ව. 8ට පමණ දෙපාර්ශවයක් අතර ඇති වූ ගැටුමකින් තිදෙනෙකු ඝාතනය කර ඇති බව පොලීසිය පවසයි.

6 දෙනෙකුගෙන් යුත් කණ්ඩායමක් තවත් නිවසකට ගොස් එහි සිටි තිදෙනෙකු කපාකොටා මෙම ඝාතනය කර ඇති බවට දැනට තොරතුරු අනාවරණය වී ඇත.

මෙහිදී එක් අයෙකු එම ස්ථානයේදීම මියගොස් ඇති අතර, අනෙක් දෙදෙනා අම්බලන්තොට රෝහලට ඇතුළත් කිරීමෙන් අනතුරුව මියගොස් තිබේ.

මියගිය පුද්ගලයන් වයස අවුරුදු 29ත් 45ත් අතර වයස්වල පසුවන ඇලේගොඩ හා මාමඩල ප්‍රදේශවල පදිංචිකරුවන් බව පොලීසිය පවසයි.

මරණකරුවන් හා තවත් පාර්ශවයක් අතර ඇති වූ ආරවුලක් දුරදිග යාමෙන් මෙම ඝාතනය සිදුකර ඇති බවට දැනට සිදුකරන ලද විමර්ශනයේදී අනාවරණය වී ඇත.

එමෙන්ම අදා​ල ත්‍රිත්ව ඝාතනය සම්බන්ධයෙන් මේ වනවි​ට සැකකරුවන් හය දෙනෙකු අත්අඩංගුවට ගැනීමට හැකි වූ බව ​ද අම්බලන්ගොඩ පොලීසිය පවසනවා.

නිතී විරෝධී මත්පැන් ජාවාරමේ නිතරව සිටින දෙපාර්ශවයක් අතර කලට සිට පවතින ආරවුලක ප්‍රතිඵලයක් ලෙස මෙම ඝාතනය සිදුව ඇති බවට ද මේ වනවිට කරුණු හෙළි වී ඇත.