ලොව පුරා සිටින USAID කාර්ය මණ්ඩලය නිවාඩු යව​යි!

ලොව පුරා සිටින සියලුම USAID කාර්ය මණ්ඩලය මේ මස 07වනදා සිට නිවාඩු යැවීමට තීරණය කර තිබෙනවා.

නමුත් විශේෂ කාර්යයන්වල නිරත වී සිටින කාර්යමණ්ඩල සාමාජිකයන් කිහිපදෙකෙන් පමණක් දිගටම සේවයේ තැබීමට තීරණය කර තිබෙන බවයි වාර්තා වන්නේ.

එම සාමාජිකයන් පිළිබඳව හෙට (06) දිනයේදී දැනුම්දීමට නියමිතව තිබෙනවා. විදෙස් මාධ්‍ය වාර්තා කළේ USAID පරිපාලනය විසින් මෙම පියවර ගෙන ඇති බවයි.

මීට පෙ​ර ඇමෙරිකානු ජනාධිපති ඩොනල්ඩ් ට්‍රම්ප් විසින් ඉකුත් ජනවාරි මස 20 වන දින අත්සන් තබන ලද විධායක නියෝගයකට අනුව ඇමෙරිකා එක්සත් ජනපදය විසින් අරමුදල් සපයන විදෙස් ව්‍යාපෘති දින 90ක කාලයක් සඳහා අත්හිටුවන ලෙස නියෝග කෙරිණි.

එම නියෝගයට අනුව ජාත්‍යන්තර සංවර්ධනය සඳහා ඇමෙරිකා එක්සත් ජනපද නියෝජිතායතනය (USAID) විසින් ශ්‍රී ලංකාව තුළ ක්‍රියාත්මක කරනු ලබන ව්‍යාපෘති රැසක් අත්හිටුවා තිබේ.

ජාත්‍යන්තර සංවර්ධනය සඳහා ඇමෙරිකා එක්සත් ජනපද නියෝජිතායතනය හෙවත් USAID විසින් පවත්වාගෙන යනු ලබන නිල වෙබ් අඩවිය ඇතුළු සමාජ මාධ්‍ය ගිණුම් රැසක් ද මේ වන විට අක්‍රීය කර තිබේ.

USAID යනු කුමක් ද?

පළමු සහ දෙවන ලෝක යුද්ධවලින් විනාශයට පත්වූ යුරෝපය ඇතුළු රටවල් නගා සිටුවීම සඳහා ඇමෙරිකාව ආධාර ලබා දුන්නේ ය.

කෙසේ වුව ද, සමාජ හා ආර්ථික සංවර්ධනය ප්‍රවර්ධනය කිරීම සඳහා විදේශ රටවල් වෙනුවෙන් ආධාර ලබාදීම සහ ඒවා පරිපාලනය කිරීමේ වගකීම තනි ආයතනයකට පැවරීම සඳහා එවකට ඇමෙරිකාවේ ජනාධිපතිවරයාව සිටි ජෝන් එෆ්. කෙනඩි විසින් අත්සන් තබන ලද විධායක නියෝගයකට අනුව 1961 නොවැම්බර් 3 වන දින USAID හෙවත් ජාත්‍යන්තර සංවර්ධනය සඳහා ඇමෙරිකා එක්සත් ජනපද නියෝජිතායතනය පිහිටවනු ලැබිණි.

ශ්‍රී ලංකාව තුළ USAID ව්‍යාපෘති ආරම්භය

1961 වසරේ සිට සෞඛ්‍ය, අධ්‍යාපනය සහ තාක්ෂණික පුහුණුව, කෘෂිකාර්මික සහ ජීවනෝපාය සංවර්ධනය, පරිසරය සහ ස්වභාවික සම්පත් කළමනාකරණය, පළාත් පාලනය, මානුෂීය ආධාර සහ පශ්චාත් යුද සමයේ සංක්‍රාන්තික යුක්තිය වැනි ක්ෂේත්‍රවල ඇමෙරිකාවේ සහය දක්වන වැඩසටහන් ශ්‍රී ලංකාව තුළ ක්‍රියාත්මක විය.

ජාත්‍යන්තර සංවර්ධනය සඳහා ඇමෙරිකා එක්සත් ජනපද නියෝජිතායතනයේ (USAID) ශ්‍රී ලංකා ෆේස්බුක් පිටුවේ දක්වා ඇති ආකාරයට එම වැඩසටහන විසින් මේ වන විට ශ්‍රී ලංකාවේ ක්‍රියාත්මක කෙරෙන එහි ව්‍යාපෘති වෙනුවෙන් රුපියල් බිලියන 350ක් (දළ වශයෙන් ඇමෙරිකානු ඩොලර් බිලියන 2ක්) පිරිනමා තිබේ.

ජාත්‍යන්තර සංවර්ධනය සඳහා ඇමෙරිකා එක්සත් ජනපද නියෝජිතායතනය මෙරට රජයේ මෙන් ම රාජ්‍ය නොවන සංවිධානවල ව්‍යාපෘති වෙනුවෙන් මූල්‍ය ආධාර සැපයීම සිදු කළේ ය.

ශ්‍රී ලංකාව තුළ USAID ව්‍යාපෘති ආරම්භය

1961 වසරේ සිට සෞඛ්‍ය, අධ්‍යාපනය සහ තාක්ෂණික පුහුණුව, කෘෂිකාර්මික සහ ජීවනෝපාය සංවර්ධනය, පරිසරය සහ ස්වභාවික සම්පත් කළමනාකරණය, පළාත් පාලනය, මානුෂීය ආධාර සහ පශ්චාත් යුද සමයේ සංක්‍රාන්තික යුක්තිය වැනි ක්ෂේත්‍රවල ඇමෙරිකාවේ සහය දක්වන වැඩසටහන් ශ්‍රී ලංකාව තුළ ක්‍රියාත්මක විය.

ජාත්‍යන්තර සංවර්ධනය සඳහා ඇමෙරිකා එක්සත් ජනපද නියෝජිතායතනයේ (USAID) ශ්‍රී ලංකා ෆේස්බුක් පිටුවේ දක්වා ඇති ආකාරයට එම වැඩසටහන විසින් මේ වන විට ශ්‍රී ලංකාවේ ක්‍රියාත්මක කෙරෙන එහි ව්‍යාපෘති වෙනුවෙන් රුපියල් බිලියන 350ක් (දළ වශයෙන් ඇමෙරිකානු ඩොලර් බිලියන 2ක්) පිරිනමා තිබේ.

ජාත්‍යන්තර සංවර්ධනය සඳහා ඇමෙරිකා එක්සත් ජනපද නියෝජිතායතනය මෙරට රජයේ මෙන් ම රාජ්‍ය නොවන සංවිධානවල ව්‍යාපෘති වෙනුවෙන් මූල්‍ය ආධාර සැපයීම සිදු කළේ ය.