ලසන්ත ඝාතන සැකකරුවන් නිදහස් කරන්න කියා ලියුම් යවපු නීතිපතිට එරෙහිව දෝෂාභියෝගයක් ගේන්න – ලසන්තගේ දියණිය අගමැතිනියට ලිය​යි!

සන්ඩේ ලීඩර් ක​තෘ ලසන්ත වික්‍රමතුංග ඝාතනයේ සැකකරුවන් තිදෙනා​ට එරෙහිව නීතිමය පියවර නොගන්නා බවටත්, ඔවුන් තිදෙනා නිදහස් කරන ලෙසටත් දැනුම් දෙමින් අපරාධ පරීක්ෂණ දෙපාර්තමේන්තුවට පසුගිය ​දා නීතිපති පාරින්ද රණසිංහ යොමු ක​ල ලිපිය සම්බන්ධව ලසන්ත වික්‍රමතුංගගේ දියණිය වන අහිම්සා වික්‍රමතුංග විසින් අගමැතිනි හරිනි අමරසූරිය වෙත ලිපියක් යොමු කොට තිබෙනවා.

අදාල ලිපියට අනුව නීතිපති පාරින්ද රණසිංහට එරෙහිව දෝෂාභියෝගයක් ගෙනෙන ලෙස ඉල්ලමින් අහිම්සා වික්‍රමතුං​ග විසින් අගමැතිනියගෙන් ඉල්ලීමක් සිදුකොට තිබෙනවා.

නීතිපතිවරයා ලබාදුන් නිර්දේශය පිළිබඳ තමා දැඩි ලෙස කනස්සල්ලට පත්ව ඇතැයි ලසන්ත වික්‍රමතුංග මහතාගේ දියණිය වන අහිම්සා වික්‍රමතුංග අදාළ ලිපියේ සඳහන් කර තිබේ.

මේ අතර ඊයේ දිනයේ දී මාධ්‍යවේදීන් විසින් කැබිනට් මාධ්‍ය ප්‍රකාශක, අමාත්‍ය නලින්ද ජයතිස්ස මහතාගෙන් විමසීමක් කළ අතර, ඔහු පවසා සිටියේ, නීතිපතිවරයා විසින් ලබාදුන් නිර්දේශය පිළිබඳ අධ්‍යයනය කරමින් සිටින බවය.

ඒ අනුව අදාළ තීන්දුව සම්බන්ධයෙන් ඉදිරියේ දී ප්‍රකාශයක් සිදුකරන බව ද අමාත්‍යවරයා පැවසීය.

මාධ්‍යවේදී ලසන්ත වික්‍රමතුංග ඝාතනය සම්බන්ධයෙන් සැකකරුවන් ලෙස නම් කර ඇති හමුදා බුද්ධි නිලධාරියෙකු ඇතුළු තිදෙනෙකු නිදහස් කිරීමට පවතින හැකියාව පිළිබඳ නීතිපතිවරයා අපරාධ පරීක්ෂණ දෙපාර්තමේන්තුවට සිය නීතිමය මතය ලබා දී තිබුණි.

පසුගිය ජනවාරි 27 වන දින අපරාධ පරීක්ෂණ දෙපාර්තමේන්තුවේ අධ්‍යක්ෂකවරයා වෙත යොමු කරන ලද ලිපියක මේ බව සදහන්ය.

අහිම්සා වික්‍රමතුංග අගමැතිනියට යොමුකළ සම්පූර්ණ ලිපිය පහතින්