ශ්‍රී ලංකා

ලසන්ත වික්‍රමතුංග ඝාතන නඩුව ගැන නීතිපති දෙපාර්තමේන්තුවෙන් නිවේදනයක් (නිවේදනය)

ඝාතනයට ලක්වූ මාධ්‍යවේදී ලසන්ත වික්‍රමතුංගගේ ඝාතන නඩුව සම්බන්ධයෙන් නීතිපති දෙපාර්තමේන්තුව විශේෂ නිවේදනයක් නිකුත් කර තිබෙනවා.

එහි සඳහන් වන්නේ ගල්කිස්ස මහේස්ත්‍රාත් අධිකරණ නඩු අංක බී 92/2009 නඩුකරයට අදාළව නීතිපතිවරයා විසින් අපරාධ පරීක්ෂණ දෙපාර්තමේන්තුව අමතා යොමු කර ඇති ලිපියේ නම සඳහන් සැකකරුවන් ලසන්ත වික්‍රමතුංග ඝාතනය සම්බන්ධයෙන් අත්අඩංගුවට ගත් සැකකරුවන් නොවන බවයි.

ජනමාධ්‍ය හා සමාජ මාධ්‍ය මගින් ලබා දී ඇති ප්‍රකාශවල අන්තර්ගතය, නීතිපතිවරයා වෙත අපරාධ පරීක්ෂණ දෙපාර්තමේන්තුව විසින් යොමු කර ඇති විමර්ශන උද්ධෘත හා නොසැසදෙන බවද නීතිපති දෙපාර්තමේන්තුව පෙන්වා දෙනවා.

එහි තවදුරටත් දැක්වෙන්නේ, ලසන්ත වික්‍රමතුංග ඝාතනයේ ඇසින් දුටු සාක්ෂිකරුවෙකු නොවන ඔහුගේ රියදුරු අපරාධ පරීක්ෂන දෙපාර්තමේන්තුවට නැවත ප්‍රකාශයක් ලබා දෙන අතරවාරයේදී යම් පිරිසක් විසින් 2009 අගභාගයේදී තමා පැහැර ගත් බවට දැනුම් දී ඇති බවයි.

එම දැනුම් දීම මත විමර්ශනයක් ආරම්භ කරමින් ඒ වන විට ගල්කිස්ස මහේස්ත්‍රාත් අධිකරණය ඉදිරියේ කැඳවූ නඩු අංක බී 92/ 2009 යටතේම කරුණු වාර්තා කිරීමට පියවර ගෙන ඇති බවයි අදාළ නිවේදනයේ දැක්වෙන්නේ.

එම විමර්ශනයේදී සැකකරුවෙකු ලෙස නම් කරන ලද ප්‍රේම ආනන්ද උදලාගම යන අය, ඉදිරිපත් වූ කරුණු අනුව සහ එම හදුනාගැනීම සම්බන්ධයෙන් උද්ගත වූ නෛතික දුර්වලතා හේතු කරගෙන අපරාධ චෝදනා ගොනු කිරීමට තරම් ප්‍රමාණවත් සාක්ෂි නොමැති වීම මත නිදහස් කිරීමට තීරණය කර තිබෙනවා.

නීතිපති දෙපාර්තමේන්තුව නිකුත් කළ නිවේදනයේ වැඩිදුරටත් දැක්වෙන්නේ, ලසන්ත වික්‍රමතුංග ධාවනය කරන ලද වාහනයේ තිබූ ලේඛනයක් අස්ථානගත කිරීම සම්බන්ධයෙන් අපරාධ පරීක්ෂණ දෙපාර්තමේන්තුව සිදු කරන ලද විමර්ශනයේදී අත්අඩංගුවට ගත් සැකකරුවන් දෙදෙනෙකු අපරාධ චෝදනා ගොනු කිරීමට ප්‍රමාණවත් සාක්ෂි නොමැති වීම මත නිදහස් කිරීමට ද තීරණය කරන ලද බවයි.

එසේම මෙම නිදහස් කිරීම නව සාක්ෂි හෙළිදරව්වීම මත අපරාධ චෝදනා ගොනු කිරීම සලකා බැලීමට බාධාවක් නොවන බවද නීතිපති දෙපාර්තමේන්තුව නිකුත් කළ මාධ්‍ය නිවේදනයේ සදහන්.

අදාළ නිවේදනය පහතින්,

Team CNF

Recent Posts

හිටපු ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩිට අධිකරණයෙන් දුන් නියෝගය මෙන්න!

හිටපු ජ්‍යෙෂ්ඨ නියෝජ්‍ය පොලිස්පති ප්‍රියන්ත ජයකොඩි අගෝස්තු 6 වන දා දක්වා රක්ෂිත බන්ධනාගාර ගත කිරීමට…

9 hours ago

ශ්‍රී ජයවර්ධනපුර මහ රෝහලේ සභාපති ඉල්ලා අස්වෙයි!

ශ්‍රී ජයවර්ධනපුර මහරෝහලේ සභාපති, ප්‍රසව හා නාරිවේද විශේෂඥ වෛද්‍ය ජයංග තිලකරත්න සෞඛ්‍ය අමාත්‍යවරයාට සිය ඉල්ලා…

10 hours ago

නාමල් රාජපක්ෂගේ වරෙන්තුව ආපසු කැඳවයි!

පාර්ලිමේන්තු මන්ත්‍රී නාමල් රාජපක්ෂට හම්බන්තොට මහෙස්ත්‍රාත් අධිකරණය මගින් නිකුත් කර තිබූ වරෙන්තුව ආපසු කැඳවා පෙර…

11 hours ago

ආදිත්‍යා වැලිවත්ත ශ්‍රී ලංකාව නියෝජනය කරමින් මිස් ටුවරිසම් ජාත්‍යන්තර තරඟාවලියට!

ආදිත්‍යා වැලිවත්ත ශ්‍රී ලංකාව නියෝජනය කරමින් මෙවර මිස් ටුවරිසම් ජාත්‍යන්තර තරගයට පිලිපීනය බලා පිටත්ව ගොස්…

12 hours ago

අයහපත් කාලගුණ තත්ත්වය හේතුවෙන් චීනයේ පුද්ගලයින් 34 දෙනෙක් ජීවිතක්ෂයට!

චීනයේ බීජිං නුවරට බලපා ඇති අයහපත් කාලගුණ තත්ත්වය හේතුවෙන් පුද්ගලයින් 34 දෙනෙක් මියගොස් ඇති බව…

13 hours ago