ජාතික අක්ෂි රෝහලේ නේවාසිකව ප්‍රතිකාර ලබන රෝගීන්ට ලබා දෙන ආහාර රෝහලේම මුළුතැන්ගෙයි සේවකයින් පිරිසක් විසින් ගසාකන පුවතක් වාර්තාවේ.
මෙම අප්‍රසන්න සිදුවීම සම්බන්ධයෙන් රෝහලේ නියෝජ්‍ය අධ්‍යක්ෂවරයා මීට මාස තුනකට පමණ පෙර සෞඛ්‍ය අමාත්‍යංශය දැනුම්වත් කළ ද මේ දක්වා කිසිදු පරික්ෂණයක් සිදු නොකර පවතින පසුබිමක නියෝජ්‍ය අධ්‍යක්ෂවරයා මුළුතැන්ගෙයි ආහාර ගසා කන සේවකයින් කැඳවා අවවාද කිරිමක් පිළිබඳව මීට දින කීපයකට පෙර වාර්තාවිය.
මෙම අවාවාදයත් සමඟ උරන වූ සේවකයින් නියෝජ්‍ය අධ්‍යක්ෂවරයාට බැන තර්ජනය කිරිම හේතුවෙන් රෝහල තුළ නොසන්සුන්තාවක් හටගත් බවද පැවසේ.
කෙසේ නමුත් මේ පිළිබඳව නියෝජ්‍ය අධ්‍යක්ෂ වෛද්‍ය ජයරුවන් බණ්ඩාර මහතාගෙන් විමසු විට ඔහු සඳහන් කළේ අසරණ රෝගීන්ට නොමිලේ ලබා දෙන ආහාර ගසාකෑම දිගින් දිගටම රෝහල් තුළ සිදුවන සිදුවීමක් බවය.
මෙවැනි සිදුවීම් තමා රාජකාරි කරන ජාතික අක්ෂි රෝහල තුළ සිදුවනවාට දැඩිලෙස විරුද්ධ බවත් එය කෙසේ හෝ නතර කර අසරණ රෝගින්ට හිමිවිය යුතු පෝෂ්‍යදායී ආහාර වේල ලබා දිමට තමා කටයුතු කරන බවත් රෝහල් අධ්‍යක්ෂවරයා පැවසුවේය.
ඇතැම් අවස්ථාවන් වලදී රෝගීන්ට ලබාදෙන මාළු, එළවලු පවා රෝහල් මුලුතැන්ගෙයි පිට වන අයුරු ඡායාරූප සහිතව තමා වෙත රෝහලේ ඇතැම් සේවකයින් ලබා දී ඇති අවස්ථාවන්ද තිබෙන බවත් නියෝජ්‍ය අධ්‍යක්ෂවරයා ලංකාසරට පැවසුවේය.
බොහෝ දිනවල ගාන ලද පොල් පවා අතුරුදහන් වන අවස්ථාවන් මෙන්ම ආහාර විශාල වශයෙන් අපතේ යවන බවද පෙන්වාදෙන නියෝජ්‍ය අධ්‍යක්ෂවරයා පළා මිටියෙන් හරි අඩක්ම අපතේ යවන බව උදාහරණයක් ලෙස පෙන්වා දුන්නේය.
මීට ප්‍රථම රෝහල තුළ සේවය කල නියෝජ්‍ය අධ්‍යක්ෂවරයෙකු ද රෝහල තුළ සිදුවන සොරකම් අක්‍රමිකතාවන් නතර කිරීමට ගොස් සෞඛ්‍ය අමාත්‍යංශය එම වෛද්‍යවරයාට ස්ථානමාරුවක් ලබා දුන්නේය. පසුව ඔහුට එල්ල වුණ තර්ජනයන් හමුවේ හදිසි හෘදයාබාදයකට ලක්ව එම නියෝජ්‍ය අධ්‍යක්ෂවරයා ජීවිතයෙන් සමුගත් පුවතක්ද වාර්තා වී ඇත.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…