අපරාධ පරීක්ෂණ දෙපාර්තමේන්තුවට (CID) යැවූ ලිපිය අධිකරණයට ඉදිරිපත් කිරීමට පෙර පිටත පාර්ශ්වයන් වෙතට ගියේ කෙසේදැයි විමර්ශනය කරන ලෙස නීතිපති පාරින්ද රණසිංහ වැඩබලන පොලිස්පති ප්‍රියන්ත වීරසූරියට උපදෙස් දී තිබේ.
සන්ඩේ ලීඩර් කර්තෘ ලසන්ත වික්‍රමතුංගගේ රියදුරු පැහැරගෙන ගොස් සාක්ෂි විනාශ කිරීමේ චෝදනා මත අත්අඩංගුවට ගත් සැකකරුවන් තිදෙනකු නිදහස් කිරීමට ඔහු කලින් දුන් උපදෙස් ක්‍රියාත්මක කිරීම අත්හිටුවීමට අදාළ ලිපිය CIDයට නියෝග කර තිබේ.
නීතිපති දෙපාර්තමේන්තුව අපහසුතාවයට පත්කිරීමේ අරමුණින් ලිපිය කාන්දු වී ඇති බවට පවතින සැකයන් හේතුවෙන් මෙලෙස පරීක්ෂණයක් පැවැත්වීමට නියෝග කර තිබේ.
නීතිපතිවරයාගේ උපදෙස් දැනටමත් වැඩබලන පොලිස්පතිවරයාට දුරකථනයෙන් දැනුම් දී ඇති අතර හෙට ලිපියක් හරහා නිල වශයෙන් දැනුම් දීමට නියමිත බව සන්ඩේ ටයිම්ස් වාර්තා කරයි.
ජනවාරි 27 වන දින, ගල්කිස්ස මහේස්ත්‍රාත් අධිකරණයේ පෙනීසිට සැකකරුවන් තිදෙනා නිදහස් කරන ලෙස නීතිපතිවරයා CIDයට නිර්දේශ කළේය.
මෙම නිර්දේශය මතභේදයක් ඇති කළ අතර, එහි ප්‍රතිඵලයක් ලෙස නීතිපති පාරින්ද රණසිංහ ජනාධිපති අනුර කුමාර දිසානායක සමඟ සාකච්ඡාවකට කැඳවනු ලැබීය.
මෙම සාකච්ඡාවේදී, සැකකරුවන් තිදෙනාට එරෙහිව නීතිමය ක්‍රියාමාර්ග ගැනීමට ප්‍රමාණවත් සාක්ෂි නොමැති බවට නීතිපතිවරයා සිය ස්ථාවරය ප්‍රකාශ කර ඇත.
කෙසේවෙතත්, නව සාක්ෂි මතු වුවහොත් සැකකරුවන්ට එරෙහිව චෝදනා නැවත ගොනුකළ හැකි බව නීතිපතිවරයා පවසා තිබේ.
මේ අතර පසුගිය සඳුදා, CIDය නඩුවට අදාළ නව කරුණු අඩංගු ගොනු තුනක් නීතිපති දෙපාර්තමේන්තුවට ඉදිරිපත් කර තිබිණි.
අඟහරුවාදා, CIDය ලසන්ත වික්‍රමතුංගගේ රියදුරු කරුණාරත්න ඩයස් විසින් කරන ලද පැමිණිල්ල සම්බන්ධයෙන් අත්අඩංගුවට ගත් සැකකරුවන් නිදහස් කිරීම සඳහා ඔහුගේ උපදෙස් මත ක්‍රියා කිරීමට වැඩි කාලයක් ලබාදෙන ලෙස නීතිපතිවරයාගෙන් ඉල්ලා ලිපියක් යවන ලදී.
දින 14ක් ඇතුළත නීතිපතිවරයාගේ උපදෙස් මත ක්‍රියා කිරීමට CIDය බැඳී සිටියද, මෙම කාරණය වටා ඇති මතභේදය හේතුවෙන් ක්‍රියාකිරීමට වැඩි කාලයක් ඉල්ලා නීතිපතිවරයාට මෙලෙස ලිපියක් යවා තිබිණි.
මෙම ඉල්ලීමට ප්‍රතිචාර වශයෙන්, ජ්‍යෙෂ්ඨ අතිරේක සොලිසිටර් ජෙනරාල් රොහන්ත අබේසූරියගේ අත්සනින්, සැකකරුවන් තිදෙනා නිදහස් කිරීම අත්හිටුවීමට උපදෙස් සහිත ලිපියක් නිකුත් කරන ලදී.
CID නිලධාරීන් දෙදෙනෙකුට පෞද්ගලිකව භාර දුන් මෙම ලිපිය, පසුව පිටතට කාන්දු වූ බව නීතිපති දෙපාර්තමේන්තු ආරංචි මාර්ග පවසයි.
මගී ජනතාවගේ අවශ්‍යතාවය අනුව අද (16) දිනයේ ද බස් රථ ධාවනයට එක්කිරීමට කටයුතු කරන බව…
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…
ඇල්පිටිය පොලිස් වසමේ ඇල්පිටිය අම්බලන්ගොඩ මාර්ගයේ කුරුඳුගහ හැතැප්ම හන්දියේ අද (15) අලුයම සිදුවූ රිය අනතුරකින්…
රැඳවුම් නියෝග මත අපරාධ පරීක්ෂණ දෙපාර්තමේන්තුව භාරයේ සිටින සිවනේශතුරෙයි චන්ද්‍රකාන්තන් හෙවත් පිල්ලෙයාන් සමග සාකච්ඡා කිරීමට…