යාපනය චාවකච්චේරී සහකාර ප්‍රාදේශීය ලේක්ම්වරිය වන තමිලිනී සදීසන් සිය සිරුරට ගිණි තබා ගැනීමෙන් ඊයේ (16) මියගිය බවට අනාවරණය වී තිබෙනවා.
පවුලේ ආරවුලක් මත ඇය මෙසේ සියදිවි හානි කරගත් බවටයි තොරතුරු හෙළි වී ඇත්තේ.
යාපනයේ නීර්වේලි ප්‍රදේශයේ පදිංචි වයස අවුරුදු 36ක් වූ ඇය සමග ඇගේ කුස තුළ සිටි හය මාසයක බිළිඳු කලලයද මියගොස් ඇති බව යාපනය ශික්ෂණ රෝහලේ වෛද්‍යවරු සනාථ කර තිබෙනවා.
මියගිය සහකාර ප්‍රාදේශීය ලේකම්වරියගේ ස්වාමියා යාපනයේ කෝපායී ප්‍රාදේශීය ලේකම් කාර්යාලයේ ග්‍රාම නිලධාරියෙකු වන අතර, ඔවුන්ට වයස අවුරුදු හයක දියණියක් ද සිටිනවා.
ඇයව රෝහල්ගත කරන විට ස්වාමි පුරුෂයා ප්‍රකාශ කර ඇත්තේ, කාමරයක ඉටිපන්දමක් දැල්වීමට ගිය අවස්ථාවේදී ඇයගේ සිරුරට ගිණි ඇවිලුණු බවයි.
මියගිය සහකාර ප්‍රාදේශීය ලේකම්වරියගේ මරණය සම්බන්ධයෙන් යාපනය ශීක්ෂණ රෝහලේ අධිකරණ වෛද්‍ය නිලධාරී ප්‍රේම්කුමාර් නාමශිවායම් විසින් පවත්වන ලද පශ්චාත් මරණ පරීක්ෂණයේදී නිගමනය වී ඇත්තේ, ඇය මාස හයක ගැබිණි කාන්තාවක් බවත්, මවත් කුසේ වූ දරු කලලයත් මියගොස් ඇත්තේ අධික ලෙස රශ්මියට පත් වී ඇති වූ අභ්‍යන්තර රුධිර වහනයකින් හා දැඩි කම්පනයකින් බවයි.
ඉදිරිපත් වූ සාක්කි වලට අනුව මෙම මරණය සිය දිවි හානි කර ගැනීමක් ලෙස යාපනය රෝහලේ හදිසි මරණ පරීක්ෂක එස්. ජෙයබාලන් තීරණය කොට ඇති අතර, මියගිය අයගේ මළ සිරුර ආදාහනය නොකොට යළි ගොඩ ගැනීමකට අවශ්‍ය වුවහොත් එය සිදු කිරීමට හැකි පරිදි වෙනම ස්ථානයක මිහිදන් කරන ලෙසටද නියෝග කර තිබෙනවා.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…