මේජර් නිලයට පහළින් සිටින සියලුම ශ්‍රී ලංකා යුද හමුදා සාමාජිකයින්ට ඔවුන්ගේ විදේශ ගමන් බලපත්‍ර අදාළ රෙජිමේන්තු වෙත භාර දෙන ලෙස උපදෙස් ලබා දී ඇත.
පරිපාලනමය අවශ්‍යතා මත මෙම තීරණය ගත් බවත් විදේශ පුහුණුවීම් සහ රාජකාරී කටයුතු සඳහා විදේශ ගමන් බලපත්‍ර ලබාගැනීමේ ප්‍රමාදයන් විසඳීමේ අරමුණින් මෙම තීරණය ගත් බවත් යුද හමුදා මාධ්‍ය ප්‍රකාශක බ්‍රිගේඩියර් වරුණ ගමගේ පවසා තිබේ.
බොහෝ යුද හමුදා සාමාජිකයින් නිවසින් බැහැරව සිටින බැවින් නිල අවශ්‍යතා සඳහා විදේශ ගමන් බලපත්‍ර ලබා ගැනීම ප්‍රමාද විය හැකි බව ඔහු පෙන්වා දී ඇත.
එම විදේශ ගමන් බලපත්‍ර රෙජිමේන්තුවලින් ඕනෑම වේලාවක පුද්ගලික භාවිතය සඳහා ලබා ගත හැකි බව ද ප්‍රකාශකයා කීවේය.
මෙම තීරණය නීත්‍යානුකූල නොවන ආකාරයට සේවය අත්හැර යෑම වැලැක්වීමටදැයි අප කළ විමසීමකට යුද හමුදා මාධ්‍ය ප්‍රකාශවරයා පිළිතුරු දී ඇත්තේ එය හුදු පරිපාලනමය හේතූන් මත ගත් තීරණයක් බවය.
මේ අතර යුද හමුදා මුලස්ථානය මඟින් නිකුත් කර ඇති අදාල පරිපාලන නියෝගය පිළිබඳව පැතිර යන විවිධ අර්ථකථන සම්බන්ධයෙන් නිවැරදි කරුණු දැක්වීමක් සිදුකරමින් අදාළ නිවේදනය නිකුත් කර ඇත.
සම්පූර්ණ නිවේදනය පහතින්.
මෙය හුදෙක්ම යුද්ධ හමුදාව තුළ අන්තර් පරිපාලන කටයුතු පහසු කිරීම සඳහා ගත් පරිපාලනමය ක්‍රියාමාර්ගයකි. ඒ අනුව යුද්ධ හමුදාවේ මේජර් සහ ඉන් පහළ අයවළුන්ගේ විදෙස් ගමන් බලපත්‍ර ඔවුන් අයත් රෙජිමේන්තු යටතේ තබාගන්නා ලෙස උපදෙස් ලබාදී ඇත. බොහෝ විට යුද්ධ හමුදාව වෙතින් ඉහත සඳහන් නිලයන්ට අයත් අයවළුන් විදෙස් පුහුණුවීම් සහ සාමසාධක රාජකාරි සඳහා නිරන්තරයෙන් යොමුකරවන අතර, එම අවස්ථාවන් සඳහා වන පරිපාලන කටයුතු වෙනුවෙන් තත් අයවළුන්ගේ විදෙස් ගමන් බලපත්‍ර ඉතා කඩිනමින් ලබාගැනීම අත්‍යවශ්‍ය වන අතරම, එවායේ වලංගුභාවය හා නිවැරදිභාවය තහවුරු කිරීම වැදගත් වේ.
නමුදු ඉහත බොහෝ අයවළුන් රාජකාරි කරනු ලබන්නේ ඉතා දුර බැහැර ප්‍රදේශ වල වන බැවින් හා ඔවුන්ගේ විදෙස් ගමන් බලපත්‍ර තම නිවෙස් වල තිබීම හේතුවෙන් ඉතා කඩිනමින් එම ගමන් බලපත්‍ර යුද්ධ හමුදා මුලස්ථානය වෙත ඉදිරිපත් කිරීමට ඔවුන් හට අපහසු වන අතර, ඒ හේතුවෙන් යුද්ධ හමුදා මුලස්ථානය හටද විවිධ පරිපාලනමය ගැටළුවලට මුහුණපෑමට සිදු වේ.
එබැවින් ඉහත කරුණු සැලකිල්ලට ගනිමින් තත් උපදෙස් නිකුත් කර ඇති අතර, එමගින් එම ගුවන් ගමන් බලපත්‍රවල ආරක්‍ෂාවද සුරක්‍ෂිත වන අතරම, පරිපාලන කටයුතු විධිමත්ව සිදුකිරිමට පහසුවේ.
කෙසේ නමුදු අවැසි ඕනෑම අවස්ථාවක තම විදේශ ගමන් බලපත්‍රය පුද්ගලික අවශ්‍යතාවයන් වෙනුවෙන් ලබාගැනීමට එම සාමාජිකයින් හට අවස්ථාව ලබාදී ඇත.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…