ඉදිරියේදී අධිකරණ භූමියට ඇතුළුවීමට පෙර සියලුම නීතීඥවරුන් පරීක්ෂාවකට ලක්කරන බව වැඩබලන පොලිස්පති ප්‍රියන්ත වීරසූරිය පවසයි.
අද පෙරවරුවේ සිදුවූ වෙඩිතැබීමකින් පාතාල නායක ගණේමුල්ල සංජීව නමැත්තා ඝාතනයට ලක්වූ කොළඹ අලුත්කඩේ අධිකරණ සංකීර්ණය නිරීක්ෂණය කිරීමෙන් අනතුරුව වැඩබලන පොලිස්පතිවරයා මේ බව ප්‍රකාශ කර ඇත.
නීතීඥයකු ලෙස වෙස්වලාගෙන පැමිණි පුද්ගලයකු මෙම වෙඩිතැබීම සිදුකර ඇති බවට මූලික පොලිස් පරීක්ෂණවලදී තහවුරු වී ඇති අතර, සීසීටීවී දර්ශනවලින් ද මේ වනවිට එම සැකකරු හඳුනාගෙන තිබේ.
වැඩබලන පොලිස්පති ප්‍රියන්ත වීරසූරිය අධිකරණ සංකීර්ණයේදී ජනමාධ්‍යවේදීන් අමතමින් කියාසිටියේ මෙම වෙඩි තැබීම සංවිධානාත්මක අපරාධකරුවන් සහ මත්ද්‍රව්‍ය ජාවාරම්කරුවන් අතර ඇතිවූ ආරවුලක ප්‍රතිඵලයක් බවත්, රටේ සිදුවන අපරාධ මැඩළීම සඳහා පාතාල හා මත්ද්‍රව්‍ය සම්බන්ධ ක්‍රියාකාරකම්වලට සම්බන්ධ පුද්ගලයන් අත්අඩංගුවට ගැනීමට පොලිසිය කටයුතු කරමින් සිටින බවත් ය.
අද සිදුවූ වෙඩිතැබීමේදී සැකකරුවන් උසාවි පරිශ්‍රයේදී නීතීඥවරුන් පරීක්ෂාවට ලක්නොවීම ප්‍රයෝජනයට ගෙන ඇති බව පෙන්වා පොලිස්පතිවරයා පැවසුවේ ඉදිරියේදී අධිකරණ භූමියට ඇතුළුවීමට පෙර නීතිඥවරුන් ද පරීක්ෂාවකට ලක්කිරීමට පියවර ගන්නා බවයි.
මේ සඳහා සහයෝගය ලබාදෙන ලෙස ශ්‍රී ලංකා නීතිඥ සංගමයෙන් ද ඉල්ලා ඇති බව වැඩබලන පොලිස්පතිවරයා පවසා ඇත.
යුක්‍රේන ජනාධිපති වොලොඩිමියර් සෙලෙන්ස්කි විසින් එරට අග්‍රාමාත්‍ය ධුරයේ වෙනසක් සිදුකර ඇතැයි විදෙස් මාධ්‍ය වාර්තා කරයි.…
අල්ලස් කොමිසම විසින් තමන්ව අත්අඩංගුවට ගැනීමට පෙර අපේක්ෂිත ඇපයක් මත මුදාහරින ලෙස ඉල්ලා හිටපු අමාත්‍ය…
හඳුනානොගත් නීතිවිරෝධී පිරමීඩ යෝජනා ක්‍රම 50කට අධික සංඛ්‍යාවක් මෙරට තුළ ක්‍රියාත්මක වන බව ශ්‍රී ලංකා…
ඇමෙරිකාව විසින් යෝජනා කරනු ලැබූ තීරු බදු අඩුකර ගැනීම සඳහා අඛණ්ඩ සාකච්ඡා පැවැත්වීමට තීරණය කර…
දෙහිවල දුම්රිය ස්ථානය අසලදී පුද්ගලයෙකු ඉලක්ක කර වෙඩිතැබීමක් සිදුකර ඇති බව වාර්තා වේ. මීට සුළු…
2014 වසරේ අනුරාධපුර දිස්ත්‍රික්කයේ දිළිඳු ගොවීන් සඳහා සහනදායි මිල ගණන් යටතේ බෙදා දීමට රුපියල් මිලියන…