මිද්දෙණිය පොලිස් වසමේ කඩේවත්ත හන්දියේදී ඊයේ (18) රාත්‍රියේ වෙඩිතැබීමක් සිදුකර ඇති අතර එම වෙඩිතැබීමෙන් පියා සහ 06 හැවිරිදි ඔහුගේ දියණිය මියගොස් ඇති බව පොලීසිය පවසයි.
මෙම වෙඩි ප්‍රහාරයෙන් පියා සහ ඔහුගේ අට හැවිරිදි දියණිය එම ස්ථානයේම මිය ගොස් ඇති අතර, පුත්‍රයා බරපතල තුවාල ලබා ඇඹිලිපිටිය දිස්ත්‍රික් රෝහලට ඇතුළත් කිරීමෙන් අනතුරුව රත්නපුර මහ රෝහලේ දැඩි සත්කාර ඒකකයේ ප්‍රතිකාර ලබමින් සිටී.
මියගොස් ඇත්තේ වීරකැටිය මීගස්ආර ප්‍රදේශයේ පදිංචි අරුණ විදානගමගේ හෙවත් කජ්ජා යන අන්වර්ථ නාමයෙන් හඳුන්වනු ලැබූ පුද්ගලයා බව පොලිසිය වැඩිදුරටත් පවසයි.
මෙම වෙඩි තැබීම සිදුව ඇත්තේ ඊයේ රාත්‍රී 10.15 ට පමණ බවත්, තංගල්ල කොට්ඨාශයේ ජ්‍යෙෂ්ඨ පොලිස් අධිකාරී උපුල සෙනෙවිරත්න මහතාගේ මෙහෙයවීම මත පොලිස් කණ්ඩායම් කිහිපයක් සිද්ධිය සම්බන්ධයෙන් පරීක්ෂණ ආරම්භ කොට ඇති බවත් පොලිසිය පවසයි.
මෙම වෙඩිතැබීම සඳහා ටී-56 වර්ගයේ ගිනිඅවියක් භාවිතා කර ඇති බවට පොලිසිය සැකපළ කරන අතර එම සිද්ධිය පිලිබඳ පොලිස් විමර්ශන ආරම්භ කර ඇත.
රාජපක්ෂ පවුලේ හිතවතෙකු ලෙස හඳුන්වන මෙම පුද්ගලයා, පසුගිය වසරේ චමුදිත සමරවික්‍රම සමඟ සාකච්ඡාවකට එක්වෙමින් රාජපක්ෂ පවුලෙන් තමන්ට මරණ තර්ජන ඇති බවට හෙළිදරව් කර තිබිණි.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…