ඝාතනයට ලක්වූ අපරාධ අපරාධ කල්ලි සාමාජිකයෙකු බව කියන ගණේමුල්ලේ සංජීව නැමැත්තාගේ ඝාතන සැකකරු මොහොමඩ් අසාම් ෂෙරිෆ්ඩීන් ලෙස පොලිසිය සඳහන් කර ඇතත් ඔහු මෙම සිද්ධියේ සැබෑ සැකකරු නොවන බවට අනාවරණය වන හෙයින් ෂෙරිෆ්ඩීන් නමැති අයට හා ඔහුගේ පවුලේ ඥාතීන්ට අගතියක් සිදුව ඇති බව නීතිඥවරු පිරිසක් මෝසමක් ගොනු කරමින් අද (පෙබ. 20) කොළඹ ප්‍රධාන මහේස්ත්‍රාත් තනූජා ලක්මාලි වෙත දැන්වීය.
මෝසම ගොනු කළ නීතිඥ දසුන් පෙරේරා අධිකරණය හමුවේ කියා සිටියේ, සිද්ධිය සම්බන්ධයෙන් අත්අඩංගුවට ගෙන ඇති සැකකරු මොහොමඩ් අසාම් ෂෙරිෆ්ඩීන් ලෙස පොලිසිය ප්‍රකාශයට පත් කර ඇති නමුත් එම නමින් වෙනත් පුද්ගලයෙකු සිටින බව ය.
වැරදි ආකාරයට එසේ නම සඳහන් වීම නිසා ෂෙරිෆිඩීන් නමැති පුද්ගලයාගේ පවුලේ ඥාතීන්ට නීතිමය ප්‍රශ්න හා සමාජයේ ප්‍රශ්න ඇතිවී තිබෙන අතර ඒ සම්බන්ධයෙන් සුදුසු නියෝගයක් ලබා දෙන ලෙස ද නීතීඥවරයා අධිකරණයෙන් ඉල්ලා සිටියේ ය.
ඉදිරිපත් වූ කරුණු සලකා බැලූ ප්‍රධාන මහේස්ත්‍රාත් තනුජා ලක්මාලී සිද්ධියට අදාළ සැකකරු තවමත් අධිකරණයට ඉදිරිපත් කර නොමැති හෙයින් අදාළ ඉල්ලීම නියමිත සැකකරු අධිකරණයට ඉදිරිපත් කරන අවස්ථාවේ ඉදිරිපත් කරන ලෙසට නීතිඥවරුන්ට උපදෙස් ලබා දුන්නා ය.
කොටහේන ගල්පොත්ත හංදිය ප්‍රදේශයේ අද (21) පස්වරුවේ වෙඩි තැබීමක් සිදුව තිබෙනවා. යතුරුපැදියකින් පැමිණි දෙදෙනෙකු විසින්…
ගණේමුල්ල සංජීව ඝාතනය කිරීම සඳහා පැමිණි වෙඩික්කරුගේ පෙම්වතිය යැයි කියන කාන්තාවක් මහරගම පොලීසිය විසින් අත්අඩංගුවට…
එක්සත් ජාතික පක්ෂ නායක රනිල් වික්‍රමසිංහ නව ප්‍රජාතන්ත්‍රවාදී පෙරමුණ හරහා යළි පාර්ලිමේන්තුවට පැමිණීමට සූදානම් වන…
ජාතික පාරිභෝගික මිල දර්ශකයට (NCPI) අනුව 2025 ජනවාරි මාසයේ මෙරට ලක්ෂ්‍යමය මතුපිට උද්ධමනය -4.0% ක්…
‘ක්ලීන් ශ්‍රි ලංකා’ වැඩසටහනට සමගාමීව, දිවයින පුරා පිහිටි පාසල් 1000ක් ප්‍රතිසංස්කරණය කිරීමේ ජාතික වැඩසටහනේ ආරම්භය…
අලුත්කඩේ මහෙස්ත්‍රාත් අධිකරණයේදී ඝාතනයට ලක්වූ ගණේමුල්ල සංජීවගේ දේහය මේවන විට බොරැල්ලේ පිහිටි පෞද්ගලික මල්ශාලාවක තැම්පත්…