පසුව ඝාතනය සිදු කොට දෙදෙනාම මරදාන ප්‍රදේශයට පැමිණ ත්‍රිරෝද රථයකින් මීගමුව ප්‍රදේශයට පැමිණි බවත් අනතුරුව තමන් සහ කාන්තාව වෙන වෙනම ගමන් කළ බවද වෙඩික්කරු පාපොච්චාරණය කර ඇත.
එමෙන්ම අලු‍ත් කඩේ උසාවි සංකීර්ණයේ අධිකරණ මැදිරිය තුළ ගනේමුල්ල සංජීව ඝාතනය කිරීම මෙහෙයවා ඇත්තේ, දැනට ඩුබායි හී සැගව සිටින සංවිධානත්මක අපරාධ සහ මත්ද්‍රව්‍ය ජාවාරම්කරුවෙකු වන මන්දුනි පත්මසිරි පෙරේරා හෙවත් කෙහෙල්බද්දර පත්මේ නැමැත්තා බව, දැනට සිදු කරන ලද මූලික විමර්ශන වලදී අනාවරණය වී තිබේ.
ඒ අනුව මෙම ඝාතනය මෙරට සිට සැළසුම් කර ඇත්තේ, වෙඩික්කරුට ගිනිඅවිය සැපයු නීතිඥවරියක් ලෙසින් අධිකරණයට පැමිණි පින්පුර දේවගේ ඉෂාරා සෙව්වන්දි වීරසිංහ නැමති මීගමුව – කටුවැල්ලේගම – ජය මාවත ප්‍ර දේශයේ පදිංචි 25 හැවිරිදි කාන්තාව බවටයි තොරතුරු හෙළිව ඇත්තේ.
ගනේමුල්ල සංජීව ඝාතනයෙන් පසු මෙම කාන්තාව පළා ගොස් ඇති අතර ඇය අත්අඩංගුවට ගැනීම සදහා මේ වනවිට පොලිසිය මහජන සහය අපේක්ෂා කරයි.
ඒ සදහා ඇයගේ ඡායාරූප කිහිපයක් ද පොලිසිය මාධ්‍ය වෙත නිකුත් කර ඇත.
Media-on-2025.02.20-at-1110-අවශ්_ය-කරනු-ලබන-සැකකාරියක්-අත්අඩංගුවට-ගැනීම-සඳහා-මහජන-සහාය-පැතිම-1ඒ අනුව මෙම තැනැත්තිය සම්බන්ධයෙන් තොරතුරක් දන්නේ නම් කොළඹ අපරාධ කොට්ඨාසයේ අධ්‍යක්ෂක හෝ කොළඹ අපරාධ කොට්ඨසයේ ස්ථානාධිපතිවරයා දැනුවත් කරන ලෙසයි පොලිසිය මහජනතාවගෙන් ඉල්ලා සිටියි. ඒ අනුව 071 8591727 හෝ 0718591735 යන අංක වෙත තොරතුරු ලබා දිය හැකිය.
අදාළ කාන්තාව පිළිබද තොරතුරක් ලබාදෙන පුද්ගලයෙකුට මුදල් ත්‍යාගයන් පිරිනැමීමට වැඩබලන පොලිස්පති ප්‍රියන්ත වීරසූරිය තීරණය කර ඇති අතර තොරතුරු ලබාදෙන අයගේ රහස්‍යභාවය ආරක්ෂා කිරිමට ද පොලිසිය පියවර ගෙන ඇත.
දැනට කොළඹ අපරාධ කොට්ඨාසය භාරයේ රදවාගෙන ප්‍රශ්න කෙරෙන ගනේමුල්ල සංජීව ඝාතනයේ වෙඩික්කරු සිද්ධිය සම්බන්ධයෙන් පාපොච්චාරණයක් සිදු කර ඇති බවද වාර්තා වේ.
තමන්ට මෙම ඝාතනය සදහා රුපියල් කෝටි එකහමාරක මුදලක් ලබා දීමට පොරොන්දු වු බවත් ඝාතනයට පෙර ඉන් රුපියල් ලක්ෂ 2ක මුදලක් තමන්ට ලැබුණු බවටත් ඔහු පාපොච්චාරණය කර ඇත.
එමෙන්ම සැකකරු අත්අඩංගුවට ගත් පසුව තමන් මොහොමඩ් අස්මාන් ෂෙරිෆ්ඩීන් නමින් හදුන්වා තිබුණත් ඔහුගේ සැබෑ නම එය නොවන බවටයි දැනට සිදු කරන ලද විමර්ශන වලදී අනාවරණය වී ඇත.
28 හැවිරිදි මොහු සමිඳු දිල්ශාන් පියුමංග කදනාරච්චි වන මහරගම – දඹහේන පාරේ පදිංචිකරුවෙක් වන අතර සැකකරු අවස්ථා කිහිපයකදී හැදුනුම්පත් කිහිපයක් සකස් කර ඇති අතර ඊට නීතිඥවරයෙකු වශයෙන් කටයුතු කරන බවට සකසන ලද හැදුනුම්පතක් ද අයත් වේ.
එම නීතිඥ හැදුනුම්පත සකසා ඇත්තේ සංජීව ඝාතනය සදහාම බවට පොලිසිය සැක පළ කරයි.
සැකකරු ඊයේ අත්අඩංගුවට ගන්නා අවස්ථාවේදී ද ඉදිරිපත් කර ඇත්තේ අදාළ නීතීඥ හැදුනුම්පතයි. තමන් නීතිඥයෙකු බවට පවසා එම අවස්ථාවේදී පොලිස් විශේෂ කාර්ය බලකාය නොමග යැවීමට ද උත්සහ කර ඇත.
මුහුදු මාර්ගයෙන් පලා යෑමට සැළසුම් කර තිබියදී ඊයේ පස්වරුවේ පුත්තලම – පාලවිය ප්‍රදේශයේදී මොහු අත්අඩංගුවට ගත්තේ පොලිස් විශේෂ කාර්ය බලකාය විසින් හදිසි මාර්ග බාධක යොදා සිදු කළ සෝදිසි මෙහෙයුමකදීයි.
ඔහු වෑන් රථයකින් පලා යමින් සිටි අතර එහිදී වෑන් රථය පැදවූ රියදුරු ද පොලිසිය අත්අඩංගුවට ගෙන ඇත.
අදාළ රියදුරා මොරගහහේන පදිංචි පුද්ගලයෙකු වන අතර ඔහුද මෙහෙයවා ඇත්තේ, ඩුබායි හී සිටින කෙහෙල්බද්දර පත්මේ විසිනි.
කෙසේ නමුත් ගනේමුල්ල සංජීව ඝාතනයේ වෙඩික්කරු කමාන්ඩෝ බලකායේ මූලික පුහුණුව පමණක් ලබා පසුව ඉන් ඉවත් වී ඇති බවට ද අනාවරණය වී ඇති බවයි පොලිසිය සදහන් කරයි.
සැකකරු පසුව මුදල් කොන්ත්‍රාත් මත සංවිධානාත්මක අපරාධකරුවන් විසින් ලබා දෙන කොන්ත්‍රාත් මත පුද්ගල ඝාතන සිදු කර ඇත.
ඒ අනුව මොහු පසුගියදා ගල්කිස්ස – වටරප්පල ප්‍රදේශයේදී පුද්ගලයින් දෙදෙනෙකු වෙඩි තබා ඝාතනය කිරීමේ සිද්ධියේ ද වෙඩික්කරු බවටයි අනාවරණය වී ඇත.
නීතීඥවරයෙකු ලෙස වෙස්වලාගෙන පැමිණි මොහු අලූත්කඬේ අංක 5 මහේස්ත‍‍්‍රාත් අධිකරණ ශාලාවේ විත්ති කූඩුව අසලදී ගනේමුල්ල සංජීවට ඊයේ වෙඩි තබා පළා ගොස් තිබුණු අතර වෙඩි තැබීමට යොදාගත් රිවෝල්වර වර්ගයේ ගිනිඅවිය ද අධිකරණ ශාලාවේ විත්ති කූඩුව අසල වැටී තිබියදී සොයා ගැනුණි.
එම ගිනි අවිය සැකකාර කාන්තාව විසින් රැගෙන විත් ඇත්තේ නීතිඥවරුන් භාවිතා කරන අපරාධ නඩු විධාන සංග්‍රහයේ පිටු ගිනි අවියක හැඩයට කපා ඉවත් කර ඒ තුළ සූක්ෂම ලෙස සඟවා ගෙන රැගෙන විත් ඇති බව අනාවරණය වී ඇත.
සිද්ධිය සම්බන්ධයෙන් විමර්ශන සිදු කරන කොළඹ අපරාධ කොට්ඨාසයේ නිලධාරීන් වෙත වෙඩික්කරු ප්‍රකාශ කර ඇත්තේ, තමන් සහ තමන්ට ගිනිඅවිය ලබාදුන් කාන්තාව කොළඹ ප්‍රදේශයේ නවාතැන්පොළක සිට ඝාතනය සදහා පැමිණි බවයි.
පසුව ඝාතනය සිදු කොට දෙදෙනාම මරදාන ප්‍රදේශයට පැමිණ ත්‍රිරෝද රථයකින් මීගමුව ප්‍රදේශයට පැමිණි බවත් අනතුරුව තමන් සහ කාන්තාව වෙන වෙනම ගමන් කළ බවද වෙඩික්කරු පාපොච්චාරණය කර ඇත.
පිල්ලෙයාන්ගේ සමීපතමයෙකු වන 'ඉනිය භාරතී' හෙවත් හිටපු නැගෙනහිර පළාත් සභා මන්ත්‍රී කේ.පුෂ්පකුමාර් අපරාධ පරීක්ෂණ දෙපාර්තමේන්තුව…
පේරුහි පුරාවිද්‍යාඥයින් කණ්ඩායමක් විසින් එරට තිබූ වසර 3,500ක් පැරණි නගරයක් සොයාගෙන ඇති බව විදෙස් මාධ්‍ය…
බස් රථවල ආසන පටි පැළඳීම පිළිබඳව ඇතැම් මාධ්‍ය ඔස්සේ සංසරණය වන අසත්‍ය පුවතක් සම්බන්ධව පොලීසිය…
ජාතික ඖෂධ නියාමන අධිකාරියේ ලියාපදිංචි නොකර ‘බැගේජ්’ මගින් ශ්‍රී ලංකාවට ගෙන්වා, හෘද රෝග සැත්කම් සඳහා…
පොලිස්පති දේශබන්දු තෙන්නකෝන්ට එරෙහි චෝදනා විමර්ශන කරන විශේෂ ත්‍රිපුද්ගල කමිටුවේ විමර්ශන බොහෝ දුරට මෙම මාසයේදී…
ස්පාඤ්ඤයේ ගුවන් තොටුපළේ ගුවන් යානයක ගින්නක් ඇතිවීමෙන් පුද්ගලයින් 18 දෙනෙකු තුවාල ලබා ඇති බව විදෙස්…