සංවිධානාත්මක අපරාධකරුවෙකු වන ගණේමුල්ල සංජීවගේ දේහය මේ වන විට කොළඹ පොලිස් මෘත ශරීරාගාරයේ තැන්පත් කර තිබෙන අතර එම දේහය භාර ගැනීමට ඔහුගේ කිසිදු ඥාතියෙකු පැමිණ නොමැති බව වාර්තා වේ.
කොළඹ අලුත්කඩේ අධිකරණ සංකීර්ණයේ අංක 05 මහේස්ත්‍රාත් අධිකරණ ශාලාව තුළදී ගනේමුල්ලේ සංජීව හෙවත් සංජීව කුමාර සමරරත්න නමැත්තා ඊයේ(19) පෙරවරුවේ වෙඩි තබා ඝාතනය කෙරුණි.
අනතුරින් බරපතළ තත්ත්වයේ පසු වූ සැකකරු කඩිනමින් කොළඹ ජාතික රෝහල වෙත ඇතුළත් කිරීමට කටයුතු කර තිබූ අතර, රෝහලට ඇතුලත් කිරීමෙන් පසු ප්‍රතිකාර ලබමින් සිටියදී සැකකරු ජීවිතක්ෂයට පත්විය.
බන්ධනාගාර කොමසාරිස් ගාමිණී බී දිසානායක ඊයේ නිවේදනයක් නිකුත් කරමින් සඳහන් කළේ ගණේමුල්ල සංජීවට අධිකරණයේ විසඳීමට නඩු 22ක් තිබූ බවයි.
බූස්ස අධිආරක්ෂිත බන්ධනාගාරයේ රඳවා සිටි ගණේමුල්ල සංජීව නොහොත් සංජීව කුමාර සමරරත්න නැමති සැකකරු අලුත් කඩේ මහෙස්ත්‍රාත් අධිකරණයේ අංක 09 වෙත භෞතික ඉදිරිපත් කිරීමක් සඳහා ගෙන ආවේ අධිකරණය විසින් සිදුකර තිබූ නියෝගයකට අනුව බවද ඔහු පෙන්වා දී තිබේ.
කෙසේ නමුත් මොහු විශේෂ ගණයේ සැකකරුවකු වන බැවින් ප්‍රමාණවත් ආරක්ෂාවක් යටතේ බන්ධනාගාර නිළධාරීන් භාරයේ, බන්ධනාගාර හදිසි ප්‍රතිචාර උපක්‍රමික බළකා නිළධාරීන් හා පොළිස් විශේෂ කාර්ය බළකා නිළධාරීන්ගේ විශේෂ ආරක්ෂාව යටතේ බූස්ස බන්ධනාගාරයේ සිට දක්ෂිණ අධිවේගී මාර්ගය ඔස්සේ ඊයේ කොළඹ අලුත් කඩේ මහෙස්ත්‍රාත් අධිකරණය වෙත ඉදිරිපත් කළ බවද බන්ධනාගාර කොමසාරිස්වරයා නිකුත් කළ නිවේදනයේ සඳහන් වේ.
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…
ඉන්දියාවේ පැවති 72 වැනි ලෝක රූ රැජින තරගය සඳහා ශ්‍රී ලංකාව නියෝජනය කළ අනුදි ගුණසේකර…