ජපානයෙන් පරණ වාහන දින වෙනස් කර ලංකාවට ගොඩ බස්වා ඇති බවට ජපානයේ ශ්‍රී ලංකා මෝටර් රථ වෙලද සංගමය චෝදනා කරයි. රජය විසින් පනවා ඇති 2023 ජනවාරි 15 න් පසු නිෂ්පාදනය කරන ලද වාහන ආනයනය කිරීමේ සීමාව උල්ලංඝනය කරමින්, 2022 දී නිෂ්පාදනය කරන ලද වාහන ආනයනය කිරීමට යම් සමාගමක් උත්සාහ කරන බව‍යි ඔවුන් පවසන්නේ.
මේ සම්බන්ධයෙන් ශ්‍රී ලංකා ආනයන හා අපනයන පාලන දෙපාර්තමේන්තුවේ පාලක ජනරාල්වරයා වෙත ලිඛිත පැමිණිල්ලක් ගොනු කර ඇති අතර ආනයනකරු වාහන තත්ත්ව සහතික නිකුත් කිරීම සඳහා වගකිව යුතු ජපන් ආයතන තුනකට නිෂ්පාදන දිනයන් ව්‍යාජ ලෙස සකස් කරන ලෙස බලපෑම් කරමින් සිටින බව එම පැමිණිල්ලේ සඳහන් කර ඇත.
ගතවූ සතියේ අවම වශයෙන් එවැනි වාහන 150 ක් ව්‍යාජ දිනයන් භාවිතා කරමින් ආනයනය කර ඇති බවට ඔවුන් චෝදනා එල්ල කරයි.
රජයේ රෙගුලාසි වල සඳහන් වන්නේ 2023 ජනවාරි 15 න් පසු නිෂ්පාදනය කරන ලද වාහන පමණක් ආනයනය කළ හැකි බව වුවත් මෙම සමාගම 2022 සිට වංචනික නිෂ්පාදන දිනයන් යටතේ වාහන ගෙන ඒම සඳහා සහතික කිරීමේ ආයතනවලට බලපෑම් කරන බවත් පැමිණිල්ලේ සඳහන් වේ.
එවැනි ක්‍රියා රජයේ රෙගුලාසි උල්ලංඝනය කිරීමක් බවත් ව්‍යාජ ලියකියවිලි මත පදනම්ව ආනයනය කරන ලද වාහන ශ්‍රී ලංකා වෙළඳපොළට ඇතුළුවීමට ඉඩ නොදිය යුතු බවත් එබැවින් මෙම වාහන නැවත අපනයනය කරන ලෙස පැමිණිලිකරුවන් තවදුරටත් කියා සිටියි.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…