එක්සත් ජාතික පක්ෂ නායක රනිල් වික්‍රමසිංහ නව ප්‍රජාතන්ත්‍රවාදී පෙරමුණ හරහා යළි පාර්ලිමේන්තුවට පැමිණීමට සූදානම් වන බවට ප්‍රචාරය වන පුවත්වල කිසිදු සත්‍යතාවක් නොමැති බව එම පෙරමුණේ මහලේකම් ශ්‍යාමිලා පෙරේරා පවසයි.
මාධ්‍යය විසින් කරන ලද විමසීමකට පිළිතුරු දෙමින් නව ප්‍රජාතන්ත්‍රවාදී පෙරමුණේ මහලේකම්වරිය සඳහන් කරන ලද්දේ, රනිල් වික්‍රමසිංහ පාර්ශ්වයෙන් එවැනි ඉල්ලීමක්ද ඉදිරිපත්ව නොමැති බවයි.
ඇය එහිදී සඳහන් කර ඇත්තේ,
එහෙම ප්‍රවෘත්ති පළවෙලා කියලා මටත් ආරංචි උණා. හැබැයි ඒවයේ කිසිම ඇත්තක් නැහැ. මොකද අපේ පක්ෂයෙන් දැනට දෙන්නෙක් පාර්ලිමේන්තුව නියෝජනය කරනවනේ. රනිල් වික්‍රමසිංහ හෝ වෙනත් අයෙක් පාර්ලිමේන්තුවට යන්න නම්, ඒ දෙන්නගෙන් එක්කෙනෙක් අයින් වෙන්න ඕනේ. එහෙම සූදානමක් නැහැ. අනිත් එක රනිල් වික්‍රමසිංහ පාර්ශවයෙනුත් එහෙම ඉල්ලීමක් ඇවිත් නැහැ. රනිල් වික්‍රමසිංහ පාර්ලිමේන්තු යනවද නැද්ද කියල තීරණය කරන්න ඕනේ එක්සත් ජාතික පක්ෂය.
පසුගිය මහමැතිවරණයේදී නව ප්‍රජාතන්ත්‍රවාදී පෙරමුණට ජාතික ලැයිස්තු මන්ත්‍රීධුර දෙකක් හිමිවූ අතර, එම මන්ත්‍රීධුර නියෝජනය කරනු ලබන්නේ, එක්සත් ජාතික පක්ෂ හිටපු ජාතික ලේකම් රවී කරුණානායක සහ ෆයිසර් මුස්තාපා ය.
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…