ගණේමුල්ල සංජීව ඝාතන සිද්ධිය සම්බන්ධයෙන් අත්අඩංගුවට ගැනීමට අවශ්‍යව සිටින ප්‍රධාන සැකකාර කාන්තාවගේ මව සහ සොහොයුරා ලබන 07 වනදා දක්වා රක්ෂිත බන්ධනාගාර ගත කරන ලෙස කොළඹ මහෙස්ත්‍රාත් අධිකරණය නියම කර ඇත.
ඔවුන් පැය 24 ක කාලයක් රඳවා තබාගෙන ප්‍රශ්න කිරීමට කොළඹ ප්‍රධාන මහේස්ත්‍රාත් තනූජා ලක්මාලි මහත්මිය ඊයේ (25) අවසර ලබා දී තිබුණි.
කොළඹ අපරාධ කොට්ඨාසය මගින් අත්අඩංගුවට ගත් සැකකරු සහ සැකකාරිය අද අධිකරණයට ඉදිරිපත් කළ අවස්ථාවේ කොළඹ අපරාධ කොට්ඨාසයේ නිලධාරීන් දැනුම් දුන්නේ ඔවුන්ට මෙම සිද්ධිය පිළිබඳව දැනුවත් භාවයක් තිබූ බවයි.
මේ අනුව, තොරතුරු වසන් කර තිබෙන බවට විමර්ශනවලදී කරුණු අනාවරණය වී ඇති බව කොළඹ අපරාධ කොට්ඨාසයේ නිලධාරීන් පෙන්වා දෙයි.
ඒ අනුව ඝාතනය සිදු කළ වෙඩික්කරුගේ මැසෙන්ජර් ගිණුම හරහා ඉෂාරා ප්‍රධාන සැකකාරිය ඇයගේ බාල සොහොයුරාට කෙටි පණිවිඩ සහ ඇමතුම් යවා ඇති බව කොළඹ අපරාධ කොට්ඨාසය අධිකරණයට දැනුම් දි ඇති අතර විමර්ශන නිලධාරීන් කියා සිටියේ ” උසාවිය ළඟදී සංජීවට ගහනවා” යනුවෙන් එක් පණිවිඩයක් තිබූ බවයි.
ඉකුත් 19 වැනිදා ගනේමුල්ල සංජීව ඝාතනය කිරීමෙන් පසු “වැඩේ ඉවරයි ” යනුවෙන් තවත් කෙටි පණිවිඩයක් මැසෙන්ජර් හරහා යවා තිබූ බවද, ඔවුන් අධිකරණයට දැනුම් දී ඇත.
එමෙන්ම, ප්‍රධාන සැකකාරිය මුදල් හුවමාරු කිරීම සිදුකර තිබෙන්නේ, අත්අඩංගුවට ගෙන තිබෙන මවගේ බැංකු ගිණුම හරහා බවද කොළඹ අපරාධ කොට්ඨාසයේ නිලධාරීන් අනාවරණය කරගෙන තිබේ.
බස්නාහිර, මධ්‍යම, සබරගමුව සහ දකුණු පළාත්වල මොනරාගල දිස්ත්‍රික්කයේ සවස් කාලයේදී හෝ රාත්‍රී කාලයේදී තැනින් තැන…
මාධ්‍යවේදී කීත් නොයාර් පැහැරගෙන ගොස් පහරදීමේ සිද්ධිය සම්බන්ධයෙන් අත්අඩංගුවට ගත් හිටපු ශ්‍රී ලංකා හමුදා බුද්ධි…
කොස්වත්ත පොලිස් වසමේ මැ/කොමුල්ල ප්‍රදේශයේදී නිවසක් ගිනි ගෙන කාන්තාවක් පිළිස්සී මිය ගොස් ඇත. ඊයේ (01)…
අල්ලස් මුදලක් ඉල්ලීම සහ එයට අනුබල දීම යන චෝදනාව මත උප පොලිස් පරීක්ෂකවරයෙකු සහ පොලිස්…
පේදුරුතුඩුවේදී පොලිස් අණ නොතකා ගිය ට්‍රක් රථයකට පොලීසිය පසුපස හඹා ගොස් වැල්වැටිතුරෙයි හිදී වෙඩි තබා…
කොළඹ-මීගමුව ප්‍රධාන මාර්ගයේ වෑන් රථයකින් නීතිවිරෝධී වේදනා නාශක පෙති විශාල තොගයක් ප්‍රවාහනය කරමින් සිටි පුද්ගලයකු…