පරිසරය රැක ගැනීම අපේ වගකීමක් – ක්‍රීඩා නියෝජ්‍ය අමාත්‍ය සුගත් තිලකරත්න කියයි!

මීගමුව නගර සභාව සහ තවත් සංවිධාන කිහිපයක මැදිහත් වීමෙන් මීගමුව කලපුවත්, ඒ ආශ්‍රිත සංචාරක ආකර්ශනය සහිත ස්ථානත්, පිරිසිදු කිරීම අද (26) මීගමුව, මුන්නක්කරය කුරුස පල්ලියේ දී ආරම්භ විය.

මීගමුව ආසන සංවිධායක, ක්‍රීඩා කටයුතු නියෝජ්‍ය අමාත්‍ය සුගත් තිලකරත්න සහ කම්කරු නියෝජ්‍ය අමාත්‍ය මහින්ද ජයසිංහ යන අමාත්‍යවරුන්ගේ ප්‍රධානත්වයෙන් Clean sri Lanka වැඩසටහනට සමගාමීව වන සංරක්ෂණ දෙපාර්තමේන්තුව, Sri Lankan Airline ආයතනය, ශ්‍රී ලංකා නාවික හමුදාව මීගමුව ප්‍රාදේශීය ලේකම් කාර්‍යාලය සහ මීගමුව මහ නගර සභාව මෙම වැඩසටහන සංවිධානය කර තිබුණි.

වර්තමානය වන විට මෙරට පැවති වන වැස්මෙන් විශාල ප්‍රමාණයක් හානියට ලක් වී ඇති බවත්, මිනිස් ක්‍රියාකාරකම් ප්‍රබලවම එම විනාශයට බලපා ඇති බවත්, ක්‍රීඩා නියෝජ්‍ය අමාත්‍ය සුගත් තිලකරත්න පවසයි. එය නැවත සකස් කිරීමට මානව වර්ගයා සතුව වගකීමක් ඇති බවයි ඔහු පවසන්නේ.

Clean Sri Lanka වැඩසටහන මඟින් පරිසරය පිරිසිදු කිරීම මෙන්ම ජනතාව ආකල්ප වලින් වෙනස් විය යුතු බව කම්කරු නියෝජ්‍ය අමාත්‍ය මහින්ද ජයසිංහ මෙම අවස්ථාවට එක් වෙමින් පවසයි. තවදුරටත් අදහස් දක්වමින් ඔහු කියා සිටින්නේ රට පිරිසිදු කිරීම තනිව දේශපාලනඥයින්ට පමණක් සිදු කළ නොහැකි බවත්, මෙරට ජනතාව හැඟීමකින් අවබෝධයෙන් මේ සමඟ අත්වැල් බැඳගත යුතු බවත් ය.