2024 ජනවාරි 01 වන දින සිට 2024 සැප්තැම්බර් 24 දක්වා මාස නවයක් තුළ හිටපු කථානායක මහින්ද යාපා අබේවර්ධන රුපියල් මිලියන 33 ක් වටිනා ඉන්ධන භාවිත කර ඇති අතර එය මසකට රුපියල් මිලියන 4ක් බව අමාත්‍ය බිමල් රත්නායක පවසයි.
වත්මන් කථානායකවරයා ජනවාරි මාසය සඳහා ඉන්ධන වෙනුවෙන් රුපියල් 218,000ක් පමණක් වියදම් කර ඇති බව ඔහු පාර්ලිමේන්තුවට පැවසීය.
හිටපු කථානායකවරයා වාහන නවයක් භාවිත කර ඇති අතර, මාස නවයක් සඳහා ඔහුගේ ඉන්ධන පිරිවැය රුපියල් මිලියන 333ක් වන අතර නියෝජ්‍ය කථානායකවරයා වාහන හයක් භාවිත කර රුපියල් මිලියන 13.5ක් වියදම් කර ඇති බව අමාත්‍යවරයා එහිදී පැවසීය.
හිටපු කාරක සභා නියෝජ්‍ය සභාපතිවරුන් වාහන හතරක් භාවිත කර රුපියල් මිලියන 7.2 ක් ඉන්ධන සඳහා වියදම් කර ඇති බව ඔහු පැවසීය.
බිමල් රත්නායක පවසන්නේ වත්මන් නියෝජ්‍ය කථානායකවරයා ඉන්ධන සඳහා රුපියල් 23,000ක් පමණක් භාවිත කර ඇති අතර, ජනවාරි මාසය සඳහා නියෝජ්‍ය කාරක සභා සභාපතිවරුන් ඉන්ධන සඳහා රුපියල් 81,000ක් භාවිත කර ඇති බවයි.
කාර්ය මණ්ඩල උපදේශක කමිටුවේ තීරණයකට අනුව සිදුකරන ලද විගණනයකින් මෙම තොරතුරු අනාවරණය වූ බව ඔහු පවසයි.
කථානායකවරයාගේ බංගලාව නඩත්තු කිරීම සඳහා කාර්ය මණ්ඩල සාමාජිකයින් 70 දෙනකු සේවයේ යොදවා ඇති බව ද අනාවරණය වූ බව ඔහු පැවසූ අතර, හිටපු කථානායකවරයාගේ බංගලාවේ ආහාර පිරිවැය 2023 දී රුපියල් මිලියන 2.6 ක් සහ 2024 දී රුපියල් මිලියන 3.6 ක් වූ බව සඳහන් කරයි.
ජනවාරි මාසය සඳහා වත්මන් කථානායකවරයාගේ ආහාර පිරිවැය රුපියල් 33,000 ක් පමණක් බව අමාත්‍යවරයා තවදුරටත් පැවසීය.
ලොව වඩාත් ජනප්‍රියම සහ තරගකාරී ලීග් ක්‍රිකට් තරග මාලාව වන, ඉන්දියන් ප්‍රීමියර් ලීග් 2025 තරගාවලිය…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…