අද සිට ඇණවුම් ලබාගැනීම නතර කිරීමට ශ්‍රී ලංකා ඉන්ධන බෙදාහරින්නන්ගේ සංගමය තීරණය කර ඇති බැවින් සඳුදා වන විට රට පුරා ඉන්ධන පිරවුම්හල්වල ඉන්ධන අවසන් විය හැකි බවට එම සංගමය අනතුරු අඟවයි.
එම සංගමයේ උප සභාපති කුසුම් සන්දනායක ප්‍රකාශ කළේ අද සහ හෙට දිනවල ඉන්ධන ලබා ගත හැක්කේ සිකුරාදා පෙ.ව. 8:00 වන විට ලබා දෙන ඇණවුම්වලින් බවයි.
අද සිට නව ඇණවුම් ලබා නොගන්නා බැවින්, සඳුදා (3) වන විට ඉන්ධන හිඟයක් ඇතිවිය හැකි බව ඔහු කියයි.
සංගමය අතීතයේ කිසි විටෙකත් වැඩවර්ජන ක්‍රියාමාර්ගයකට යොමු වී නොමැති වුවද, බෙදාහරින්නන්ට ලබා දී ඇති 3% කොමිස් මුදල ඉවත් කර එය නව සූත්‍රයකින් ප්‍රතිස්ථාපනය කිරීමට ලංකා ඛනිජ තෙල් සංස්ථාව (CPC) ගත් තීරණය හමුවේ ඔවුන්ට වෙනත් විකල්පයක් නොමැති වූ බව ඔහු පවසා ඇත.
අත්තනෝමතික තීරණ ගැනීම සම්බන්ධයෙන් ඛනිජ තෙල් නීතිගත සංස්ථාවේ සභාපතිවරයා සහ කළමනාකාර අධ්‍යක්ෂවරයාට දොස් පවරමින්, ගැටලුව විසඳීමට කඩිනම් පියවර ගන්නා ලෙස ඔහු බලධාරීන්ගෙන් ඉල්ලා සිටියි.
ඉන්ධන බෙදාහරින්නන් සඳහා වන 3% කොමිස් මුදල අහෝසි කර නව මිල සූත්‍රයක් ක්‍රියාත්මක කිරීමට ඛනිජ තෙල් නීතිගත සංස්ථාව තීරණය කළේය.
ඊට ප්‍රතිචාර වශයෙන්, ඉන්ධන බෙදාහරින්නන්ගේ සංගමය ඊයේ (28) නිවේදනය කළේ අද (1) සිට ඉන්ධන ඇණවුම් කිරීම නවත්වන බවයි.
මේ හේතුවෙන් රට පුරා ඉන්ධන පිරවුම්හල්වල භීතියක් සහ දිගු පෝලිම් ඇති වි තිබෙන අයුරු දක්නට ඇත.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…