රථවාහන නීති උල්ලංඝනය කිරීම් හඳුනාගන්නා රථවාහන පොලිස් නිලධාරීන් වෙනුවෙන් වන ත්‍යාගය 25% කින් වැඩිකිරීම සඳහා වැඩබලන පොලිස්පති ප්‍රියන්ත වීරසූරිය චක්‍රලේඛයක් නිකුත් කර ඇති බව වාර්තා වේ.
ඒ අනුව, 2025 පෙබරවාරි 01 වන දින සිට ක්‍රියාත්මක වන පරිදි, රථවාහන පොලිස් නිලධාරීන්ට දැනට ගෙවනු ලබන ත්‍යාගය 25% කින් වැඩිකරන ලෙස වැඩබලන පොලිස්පතිවරයා චක්‍රලේඛය හරහා ජ්‍යෙෂ්ඨ නියෝජ්‍ය පොලිස්පතිවරුන් සහ ස්ථානාධිපතිවරුන් ඇතුළු ජ්‍යෙෂ්ඨ නිලධාරීන්ට දැනුම් දී ඇත.
වැඩිකරන ලද ත්‍යාගය ක්ෂේත්‍ර රාජකාරිවල නියුතු රථවාහන ස්ථානාධිපතිවරුන්ට, රථවාහන සහ කාර්යාල රාජකාරි දෙකෙහිම නියුතු පරීක්ෂක ශ්‍රේණියේ නිලධාරීන්ට, ක්ෂේත්‍ර රථවාහන රාජකාරිවල නියුතු පොලිස් සැරයන්වරුන්, පොලිස් කොස්තාපල්වරුන් සහ පොලිස් කොස්තාපල් රියදුරන්ට ගෙවනු ලැබේ.
තවද, දීමනා ප්‍රමාදයකින් තොරව ගෙවන ලෙස වැඩබලන පොලිස්පතිවරයා උපදෙස් දී ඇත.
මෙම නිලධාරීන් ඇගයීම සහ පෙළඹවීම මගින් නිල රාජකාරිවල කාර්යක්ෂමතාව සහ ගුණාත්මකභාවය තවදුරටත් ඉහළ නැංවීම මූලික අරමුණ බව ද චක්‍රලේඛයේ අවධාරණය කෙරේ.
කෙසේ නමුත් රථවාහන කොට්ඨාශවල රාජකාරි ඉටුකරන නිලධාරීන් මාර්ග නීති උල්ලංඝනය කිරීම්, අනතුරු, අධික වේගයෙන් රිය පැදවීම සහ බීමතින් රිය පැදවීම ඇතුළු වාර්තා වන රථවාහන වැරදි අවම කිරීම සඳහා උපරිම උත්සාහයක් දරන බව ශ්‍රී ලංකා පොලිසිය පවසයි.
ජාතික ලොතරැයි මණ්ඩලයේ Mega POWER 2210 දිනුම් වාරයේ මෙගා සුපිරි ත්‍යාගය වු රු.474,599,422.00 සුපිරි ත්‍යාගලාභියෙකු…
ගණේමුල්ල සංජීව නැමැත්තා ඝාතන සිද්ධියේ ප්‍රධාන සැකකාරියක වන ඉෂාරා සෙව්වන්දි නමැත්තියගේ බැංකු ගිණුමකට රුපියල් 50,000ක…
ඊශ්‍රායලයේ රැකියා සඳහා ශ්‍රී ලාංකිකයින් යොමු කිරීම තාවකාලිකව නතර කර ඇති බව විදේශ කටයුතු සහ…
2009 වසරට පෙර ලබා ගත් රියදුරු බලපත්‍ර අවලංගු කිරීමට මෝටර් රථ ප්‍රවාහන දෙපාර්තමේන්තුව තීරණය කර…
ප්‍රදේශ කිහිපයකට නායයාමේ අනතුරු ඇඟවීම් නිවේදනයක් නිකුත් කිරීමට ජාතික ගොඩනැගිලි පර්යේෂණ සංවිධානය පියවර ගෙන ඇති…
ඊශ්‍රායලය හා ඉරානය අතර උද්ගතව ඇති යුධමය තත්ත්වය හේතුවෙන් ලෝක වෙළෙඳපොළේ බොරතෙල් මිල යලි ඉහළ…