රජයේ වෛද්‍ය නිලධාරීන්ගේ සංගමයට අවශ්‍ය ඕනෑ ම සහයක් ලබා දෙන බවට හිටපු ජනාධිපති රනිල් වික්‍රමසිංහ ඊයේ (05) පැවසීය. රජයේ වෛද්‍ය නිලධාරීන්ගේ සංගමයේ නිලධාරීන් සමග කොළඹ මල් පාරේ පිහිටි කාර්යාලයේ පැවැත්වූ විශේෂ හමුවකදී හිටපු ජනාධිපතිවරයා මේ බව පවසා ඇත.
රජයේ වෛද්‍ය නිලධාරීන්ගේ සංගමය රජයට ලබා දී ඇති යෝජනා සහ වැඩසටහන් ක්‍රියාවලිය හිටපු ජනාධිපති රනිල් වික්‍රමසිංහට මෙහිදී භාර දී ඇති අතර රජයේ වෛද්‍යවරුන්ට වර්තමානයේ පැන නැගී ඇති ගැටලු පිළිබඳව මෙහිදී දීර්ඝ ලෙස සාකච්ඡා කර තිබෙන බව වාර්තා වේ.
අමතර රාජකාරී දීමනාව ලෙස පැයකට ගෙවනු ලැබූ 1/80 අගය මූලික වැටුප සංශෝධනය සමග නොවෙනස්ව පවත්වා ගැනීම, නිවාඩු දින, ඉරිදා දිනවල සේවයේ යෙදීම වෙනුවෙන් ගෙවනු ලබන මෙතෙක් පැවති 1/20 අගය පවත්වාගෙන යාම, රාජ්‍ය සේවයේ මූලික වැටුප් ඉහළ නැංවීමේ තීරණය එළෙසම ක්‍රියාත්මක කිරීම රජයේ වෛද්‍ය නිලධාරීන්ගේ සංගමය ඉදිරිපත් කළ යෝජනා අතර වන බව සදහන් වේ.
මෙම හමුවෙන් පසුව, රජයේ වෛද්‍ය නිළධාරීන්ගේ සංගමය හිටපු ජනාධිපතිවරයාට යළි පාර්ලිමේන්තුවට පැමිණෙන ලෙස ආරාධනා කර තිබුණේ ඒ මේ මොහොතේ ඔහු වැනි පළපුරුදු නායකයෙකු පාර්ලිමේන්තුව තුළ සිටිය යුතු බව පවසමිනි.
අවශ්‍ය ඕනෑම සහයෝගයක් රජයේ වෛද්‍ය නිළධාරීන්ගේ සංගමයට ලබා දීමට පොරොන්දු වී තිබෙන හිටපු ජනාධිපතිවරයා, යළි පාර්ලිමේන්තුවට පැමිණීමේ අදහසක් නැති බවද ඔවුන්ට දැනුම් දී ඇති බවට තොරතුරු වාර්තා වේ.
හම්බන්තොට සීනික්කු ගල ප්‍රදේශයේදී අද (03) වන අලි ප්‍රහාරයකට ලක්ව අට හැවිරිදි දැරියක් ජීවිතක්ෂයට පත්ව…
ජූලි මාසය තුළ දී මෙරටට පැමිණි සංචාරකයින් සංඛ්‍යාව ලක්ෂ 2 ඉක්මවා ගොස් ඇති බව වාර්තා…
මහා පරිමාණ මත්ද්‍රව්‍ය ජාවාරම්කරුවෙකු සහ සංවිධානාත්මක අපරාධකරුවෙකු වන ප්‍රසාද් චතුරංග කෝදාගොඩ නොහොත් ඩුබායි සුද්දාගේ සමීපතම…
2019 පාස්කු ඉරිදා ත්‍රස්ත ප්‍රහාර පිළිබඳ විමර්ශනවල විශ්වසනීයත්වයට, නියෝජ්‍ය ආරක්ෂක අමාත්‍ය ධූරය හොබවන මේජර් ජෙනරාල්…
මන්ත්‍රීවරුන්ට සහ ඇමතිවරුන්ට විවේචන තියෙනවා වගේම ඕනෑම මනුස්සයෙකුගේ සුදු සහ කලු යනුවෙන් පැති දෙකක් තිබෙන…
නව අගවිනිසුරු ප්‍රීති පද්මන් සූරසේන පිළිගැනීමේ චාරිත්‍රනුකූල නිල උත්සවය අද (31) ශ්‍රේෂ්ඨාධිකරණ සංකීර්ණයේදී පැවැත් වූ…