ගම්පහ ප්‍රදේශයේ වෙඩි තැබීමක්!

අද (8) පස්වරුවේ ගම්පහ ප්‍රදේශයේ වෙඩි තැබීමක් සිදුව තිබෙනවා.

යතුරු පැදියකින් පැමිනි නාදුනන පුද්ගලයෙකු විසින් මෙම වෙඩි තැබීම සිදුකර ඇති අතර ඉන් පුද්ගලයින් දෙදෙනෙක් තුවාල ලබා ගම්පහ රෝහලට ඇතුළත් කර තිබෙනවා.

වෙඩි තැබීමෙන් තුවාල ලබා ඇත්තේ අසිත දේවින්ද නම් යක්කල ප්‍රදේශයේ පදිංචි අයෙක් සහ ගම්පහ ප්‍රදේශයේ පදිංචි චාමර නදී සඳරුවන් නමැති අයෙකි.

ෂන්ෂයින් නම් යතුරුපැදි අමතර කොටස් විකිනිම් සිදු කරනු ලබන ස්ථානයක මෙම වෙඩි තැබීම සිදුව ඇති අතර මෙලෙස තුවාල ලබා ඇත්තේ, ආයතනයේ හිමුකරු සහ සහයක බවයි පොලීසිය පවසන්නේ.

ඉහත සඳහන් චාමර යන අය සංවිධානාත්මක අපරාධකරුවකු වන කෙහෙල් බද්දර පද්මසිරි යන අයගේ සබඳතාවය මත මත්ද්‍රව්‍ය ජාවාරම සිදු කරන පුද්ගලයකු බවත්,එම ව්‍යාපාරය නතර කරන ලෙස ගනේමුල්ල සංජීවගේ මත්ද්‍රව්‍ය ව්‍යාපාරය සිදු කරනු ලබන තම්මිත සුමිත් නමැත්තා තර්ජනය කර ඇති බවටත් වාර්තාවනවා.

සිද්ධිය සම්බන්ධයෙන් පොලිසිය පරීක්ෂණ සිදු කරනු ලබයි.