සිසුන් දණ ගස්වා පහරදීම සම්බන්ධයෙන් චෝදනා එල්ල වූ උපකාරක පන්ති ගුරුවරයා සම්බන්ධයෙන් සිදු කෙරෙන විමර්ශන සදහා සහය දීමට කැමති වින්දිත දරුවන් සිටි නම් ඒ පිළිබද දැනුවත් කරන ලෙස ජාතික ළමා ආරක්ෂණ අධිකාරිය දැනුම් දෙයි.
එම අධිකාරිය කියා සිටියේ, 1929 දුරකතන අංකය හරහා එම දැනුම් දීම සිදු කළ හැකි බවයි.
අදාළ උපකාරක පන්ති ගුරුවරයා සම්බන්ධයෙන් විදෙස් ගමන් තහනමක් ද ලබා ගැනීමට ළමා රක්ෂක අධිකාරිය ඊයේ පියවර ගෙන තිබුණු අතර ඊයේ පස්වරු 2 වනවිට එම අධිකාරිය වෙත පැමිණෙන ලෙස ඔහුට දැනුම් දී තිබුණද ඔහු පැමිණ තිබුනේ නැත.
එම තත්ත්වය හමුවේ මොහු අත්අඩංගුවට ගැනීම සදහා විමර්ශන ආරම්භ කර ඇති අතර පසුව ඔහුගේ නීතීඥවරයා දැනුම් දී තිබුණේ, ලබන 19 වැනිදා ඔහුට ඒ සදහා අවස්ථාව ලබා දෙන ලෙසයි.
එයට හේතුව මෙම උපකාරක පන්ති ගුරුවරයා පෞද්ගලික කටයුත්තක් සඳහා පසුගිය ඉරිදා විදෙස් ගතවූ බව ඔහුගේ නීතිඥවරයා වැඩිදුරටත් දන්වා ඇති අතර 19 වැනිදා ඔහු අධිකාරිය වෙත ඉදිරිපත් කරන බව ප්‍රකාශ කර ඇත.
නුගේගොඩ සහ ගම්පහ ප්‍රදේශ වල උපකාරක පන්ති පවත්වන ගුරුවරයෙකු වන මොහු පන්ති වලට සහභාගිවන සිසුන්ට පහර දෙන වීඩියෝ කිහිපයක් මේ වන විට සමාජ මාධ්‍යයේ සංසරණය වන අතර එම විඩියෝ දර්ශනයට අනුව ඇතැම් අවස්ථාවලදී එම පන්තියේම සිසුවියක ලවා සිසුවෙකුට පහර දෙන ආකාරයෙ විඩියො දර්ශණද දක්නට තිබුණි.
2019 පාස්කු ඉරිදා ත්‍රස්ත ප්‍රහාර පිළිබඳ විමර්ශනවල විශ්වසනීයත්වයට, නියෝජ්‍ය ආරක්ෂක අමාත්‍ය ධූරය හොබවන මේජර් ජෙනරාල්…
මන්ත්‍රීවරුන්ට සහ ඇමතිවරුන්ට විවේචන තියෙනවා වගේම ඕනෑම මනුස්සයෙකුගේ සුදු සහ කලු යනුවෙන් පැති දෙකක් තිබෙන…
නව අගවිනිසුරු ප්‍රීති පද්මන් සූරසේන පිළිගැනීමේ චාරිත්‍රනුකූල නිල උත්සවය අද (31) ශ්‍රේෂ්ඨාධිකරණ සංකීර්ණයේදී පැවැත් වූ…
මහනුවර පෙරහැර කටයුතු සඳහා සහභාගීවී සිටි ඇත්ගොව්වෙකුගේ සහායකයෙකුගේ මළසිරුරක් අද (31) උදෑසන මහනුවර වැව් ඉවුරේ…
කොස්ගොඩ ප්‍රදේශයේ සිදුකළ වෙඩි තැබීමට පැමිණි බවට සැක කෙරෙන යතුරුපැදිය පොලීසිය විසින් සොයාගෙන තිබේ. වෙඩි…
පොලිස් භාරයේ සිටි සැකකරුවෙකු පළායාමේ සිදුවීමක් සම්බන්ධයෙන් රත්නපුර මූලස්ථාන පොලීසියේ නිලධාරීන් දෙදෙනෙකුගේ වැඩ තහනම් කර…