මුතූර් දාහානගර් ගම්මානයේදී කාන්තාවන් දෙදෙනෙකු ඝාතනය කර ඇත්තේ, ඔවුන්ගේ 15 හැවිරිදි මිණිබිරිය බව පොලීසිය පවසයි.
අදාළ කාන්තාවන් දෙදෙනා තවත් මුණුබුරන් දෙදෙනෙකුට හොඳින් සලකන බව පවසමින් ඇය මෙම ඝාතනය කර ඇති බවයි පොලීසිය සඳහන් කරන්නේ.
මූතූර්, දාහානගර් ගම්මානයේ නිවසක සිටි සහෝදරියන් දෙදෙනකු ඊයේ උදෑසන 7.30ට පමණ කපාකොටා ඝාතනය කර තිබු අතර එලෙස ඝාතනය කර තිබුණේ අවුරුදු 68ක හා 74ක කාන්තාවන් දෙදෙනෙකි.
ඔවුන් සමග සිටි 15 හැවිරිදි ගැහැණු දැරියකද සුළු තුවාල ලබා ඊයෙ උදෑසන රෝහල්ගත කරනු ලැබූ අතර පසුව මූතූර් පොලිස් ස්ථානාධිපතිවරයා සිදුකළ විමර්ශනයේදී අනාවරණ වී තිබුණේ අදාළ ගැහැණු දැරිය මෙම ද්විත්ව ඝාතනය සිදුකර ඇති බවයි.
ඒ අනුව ඇයව අත්අඩංගුවට ගෙන සිදුකළ ප්‍රශ්න කිරීමේදී ඇය ද්විත්ව ඝාතනය සිදුකළ බව පාපොච්ඡාරණය කළ බව පොලීසිය සඳහන් කරයි.
සිය මිත්තණියන් දෙදෙනා තවත් මුනුබුරන් දෙදෙනෙකුට තමන්ට වඩා හොඳින් සැලකීම හේතුවෙන් ඇතිවූ සිත් තැවුල මත මෙම ඝාතනය සිදුකළ බව ඇය පොලීසිය හමුවේ පවසා ඇති අතර ඝාතන සිදුකරන අවස්ථාවේදී ඒ සඳහා භාවිත කළ තියුණු ආයුධයට තම අතද තුවාල වූ බවද ඇය පවසා ඇත.
සිය මව රාත්‍රී සේවා මුරය සඳහා සේවයට ගොස් සිටියදී මෙම ඝාතන සිදුකළ ඇති අතර මියගිය කාන්තාවන් දෙදෙනා අතර අදාළ කාන්තාගේ මවද සිටියි.
සැකකාර දැරිය අද (15) දිනයේදී අධිකරණයට ඉදිරිපත් කිරීමට නියමිත අතර සිද්ධිය සම්බන්ධ වැඩිදුර විමර්ශන නැගෙනහිර පළාත භාර ජ්‍යෙෂ්ඨ නියෝජ්‍ය පොලිස්පති වරුණ ජයසුන්දරගේ උපදෙස් මත ක්‍රියාත්මකයි.
අස්වැසුම මුදල් වංචා කළ බව කියන කොළොන්න ප්‍රාදේශීය ලේකම් කාර්යාලයේ නිලධාරිනියක එළැඹෙන 16 වැනිදා දක්වා…
බලංගොඩ රජවක මහ විදුහලේ ගසක අත්තක් කඩා වැටීමෙන් සිසුවකු මිය යෑම සම්බන්ධයෙන් මූලික විමර්ශනයක් සිදු…
ලෝක ටෙස්ට් ක්‍රිකට් වංශ කතාවේ ස්වර්ණමය කඩඉමක් සනිටුහන් කරමින් මෙවර (2023-2025) ටෙස්ට් ලෝක ශූරතාව දිනාගැනීමට…
උණ සෙම්ප්‍රතිෂ්‍යාව කැස්ස ඇති දරුවන් පාසල් සහ පෙර පාසල් යැවීමෙන් වළකින්නැයි කොළඹ රිජ්වේ ආර්යා ළමා…
සියලු බන්ධනාගාර ප්‍රධානීන්ගේ වත්කම් සම්බන්ධයෙන් විමර්ශන ආරම්භ කර ඇති බවට වාර්තා වේ. අල්ලස් හෝ දූෂණ…
ලොවක් කම්පාකරමින් අහමදාබාද් හිදී කඩාවැටුණු 'එයාර් ඉන්දියා' ගුවන් යානයේ සිටි ගුවන් නියමුවා අනතුර සිදුවීමට මොහොතකට…