ශ්‍රී ලංකා

බටලන්ද කොමිෂන් සභා වාර්තාව පිළිබඳ පාර්ලිමේන්තු විවාදයට දින නියම වෙයි!

බටලන්ද කොමිෂන් සභා වාර්තාව පිළිබඳ පාර්ලිමේන්තු විවාදය අප්‍රේල් 10 වනදා ආරම්භ වන බව පාර්ලිමේන්තු සන්නිවේදන ඒකකය පවසයි.

එහි වැඩබලන අධ්‍යක්ෂ ජයලත් පෙරේරා පවසන්නේ අදියර දෙකක් යටතේ විවාදය පැවැත්වෙන බවයි.

අප්‍රේල් 10 වැනි බ්‍රහස්පතින්දා පෙ.ව 9.30 – පෙ.ව. 10.00 කාලය ස්ථාවර නියෝග 22හි 1 සිට 6 දක්වා සඳහන් පාර්ලිමේන්තු කටයුතු සඳහා වෙන්කර තිබේ.

පෙ.ව 10.00 – පෙ.ව 11.00 කාලය වාචික පිළිතුරු අපේක්ෂා කරන ප්‍රශ්න සඳහා වෙන් කර ඇති අතර පෙ.ව 11.00 – 11.30 කාලය ස්ථාවර නියෝග 27(2) යටතේ ප්‍රශ්න සඳහා වෙන්කර ඇති බව පාර්ලිමේන්තු සන්නිවේදන ඒකකය පවසයි.

අනතුරුව පෙ.ව 11.30 සිට ‍ප.ව 5.30 දක්වා “බටලන්ද නිවාස සංකීර්ණයේ නීති විරෝධී ලෙස රඳවා ගැනීමේ ස්ථාන සහ වධකාගාර පිහිටුවීම සහ පවත්වාගෙන යාම පිළිබඳ පරීක්ෂණ කොමිෂන් සභාවේ වාර්තාව” පිළිබඳ විවාදය පැවැත්වීමටත්, දෙදින විවාදයක් ලෙස මේ සඳහා මැයි මාසයේ තවත් දිනයක් යොදා ගැනීමටත් මෙහිදී තීරණය වී ඇත.

බටලන්ද කොමිෂන් සභා වාර්තාව පසුගිය 14 වනදා සභානායක අමාත්‍ය බිමල් රත්නායක විසින් පාර්ලිමේන්තුවට ඉදිරිපත් කළ අතර එහිදී ඔහු පවසා සිටියේ අදාළ වාර්තාව සම්බන්ධයෙන් දින දෙකක විවාදයක් සිදුකරන බවයි.

මෙම බටලන්ද වාර්තාව ගැන කටයුතු කිරීමට ජනාධිපතිවරයා ප්‍රමුඛ කැබිනට් මණ්ඩලය විසින් ප්‍රතිපත්තිමය තීරණයක් ගෙන ඇති බවද එහිදී අමාත්‍ය බිමල් රත්නායක සඳහන් කලේය.

ඒ අනුව, මෙම වාර්තාව නීතිපතිවරයා වෙත යොමු කිරීමට තීරණය කර තිබේ.

එමෙන්ම මෙම කොමිෂන් සභා වාර්තාව පිළිබඳව ඉදිරි කටයුතු කිරීම සඳහා උපදෙස් යෝජනා කිරීමටත් ජනාධිපතිවරයා විසින් විශේෂ කමිටුවක් පත් කිරීමටත් තීරණය කර ඇත.

Sasindu Sahan Tharaka

Recent Posts

හලාවත – පුත්තලම මාර්ගයේ බස් රථ අනතුරක් – 21ක් තුවාල ලබා රෝහලේ!

අද (17) උදෑසන ආරච්චිකට්ටුව හලාවත – පුත්තලම මාර්ගයේ බත්තුළු ඔය පාලම අසලදී ලංගම බස් රථයක්…

1 hour ago

ග්‍රෑන්ඩ්පාස් ද්විත්ව ඝාතන සිද්ධිය​ට අදාළ​ව සැකකරුවන් 8ක් අත්අඩංගුවට!

මාර්තු 15 වන දා ග්‍රෑන්ඩ්පාස් පොලිස් වසමේ ජබොස්ලෙන් ප්‍රදේශයේ දුම්රිය මාර්ගය අසලදී ආයුධයකින් පහර දී…

2 hours ago

දේශබන්දු තෙන්නකෝන්ව වහාම අත්අඩංගුවට ගන්න – අභියාචනාධිකරණයෙන් ඓතිහාසික නියෝගයක්!

2023 වසරේ මාතර, වැලිගම ප්‍රදේශයේ පිහිටි ඩබ්ලිව් 15 හෝටලයට වෙඩි ප්‍රහාරයක් එල්ල කිරීමේ සිද්ධිය සම්බන්ධයෙන්…

2 hours ago

දේශබන්දුගේ පෙත්සමට අදාළව ඔහුගේ නීතිඥයන් විසින් අභියාචනාධිකරණයට මෝසමක්!

තමන්ව අත්අඩංගුවට ගන්නා ලෙස මාතර මහෙස්ත්‍රාත් අධිකරණය දී ඇති නියෝගය අත්හිටුවන ලෙස ඉල්ලා පොලිස්පති දේශබන්දු…

3 hours ago

පළාත් පාලන ආයතන ඡන්ද විමසීම සඳහා නාමයෝජනා භාරගැනීම අදින් ඇරඹෙයි!

පළාත් පාලන ආයතන ඡන්ද විමසීම සඳහා නාමයෝජනා භාරගැනීම අද සිට (17) ආරම්භ වේ. එනම් අද…

4 hours ago

දේශබන්දු තෙන්නකෝන්​ගේ රිට් පෙත්සමේ තීන්දුව අද!

තමන්ව අත්අඩංගුවට ගැනීම වළක්වන්නැයි ඉල්ලා හිටපු පොලිස්පති දේශබන්දු තෙන්නකෝන් අභියාචනාධිකරණය හමුවේ ගොනුකළ රිට් පෙත්සමේ තීන්දුව…

4 hours ago