තමන්ව අත්අඩංගුවට ගැනීම වළක්වන්නැයි ඉල්ලා හිටපු පොලිස්පති දේශබන්දු තෙන්නකෝන් අභියාචනාධිකරණය හමුවේ ගොනුකළ රිට් පෙත්සමේ තීන්දුව අද (17) ප්‍රකාශයට පත් කිරීමට නියමිතයි.
එවන් පසුබිමක පොලිස් මාධ්‍ය කොට්ඨාසය විසින් ඊයේ (16) නිවේදනයක් කරමින් පවසා සිටියේ මෙම සිද්ධියට සම්බන්ධ තවත් සැකකරුවන් 06 දෙනෙකු ද රිට් පෙත්සම් ගොනු කරමින් තමන් අත්අඩංගුවට ගැනීම වළක්වන්නැයි ඉල්ලා ඇති බවයි.
ඒ අනුව මූලික විමර්ශන අවසන්වන තෙක් එම හයදෙනා අත්අඩංගුවට නොගැනීමට නීතිපතිවරයා අපරාධ පරීක්ෂණ දෙපාර්තමේන්තුවට උපදෙස් දී තිබෙන අතර ඔවුන්ගේ රිට් පෙත්සම් ලබන 21 වැනිදා අභියාචනාධිකරණය හමුවේ කැඳවීමට නියමිතව ඇත.
හිටපු පොලිස්පති දේශබන්දු තෙන්නකෝන්, කොළඹ අපරාධ කොට්ඨාසයේ ස්ථානාධිපති ඇන්ස්ලම් ද සිල්වා, වැලිගම පොලිස් ස්ථානයේ වැඩබලන ස්ථානාධිපති උපුල් කුමාර ඇතුළු සැකකරුවන් 08 දෙනෙකු අත්අඩංගුවට ගෙන අධිකරණයට ඉදිරිපත් කරන ලෙස මාතර මහේස්ත්‍රාත්වරයා ඉකුත් පෙබරවාරි 28 වැනිදා නියෝග කලේය.
ඒ, 2023 වසරේ දෙසැම්බර් 31 වැනිදා වැලිගම ප්‍රදේශයේ හෝටලයක් ඉදිරිපිට සිදුවූ වෙඩි තැබීමේදී මනුෂ්‍ය ඝාතනයකට කුමන්ත්‍රණය කිරීමේ චෝදනාව මතයි.
එවන් පසුබිමක තමන්ව අත්අඩංගුවට ගැනීම වළක්වන්නැයි ඉල්ලා දේශබන්දු තෙන්නකෝන් පසුගිය 10 වනදා අභියාචනාධිකරණය හමුවේ රීට් පෙත්සමක් ගොනු කලේය.
කෙසේ වෙතත් අත්අඩංගුවට ගැනීමේ නියෝගය නිකුත් කර දින සිට සති තුනකට ආසන්න කාලයක් ගතව තිබුණ ද හිටපු පොලිස්පති දේශබන්දු තෙන්නකෝන් මේ දක්වා සොයාගැනීමට නොහැකි වී තිබේ.
පොලිස් කණ්ඩායම් 06ක් ඔහු සොයා විමර්ශන සිදුකරන බවයි වාර්තා වන්නේ.
2019 පාස්කු ඉරිදා ත්‍රස්ත ප්‍රහාර පිළිබඳ විමර්ශනවල විශ්වසනීයත්වයට, නියෝජ්‍ය ආරක්ෂක අමාත්‍ය ධූරය හොබවන මේජර් ජෙනරාල්…
මන්ත්‍රීවරුන්ට සහ ඇමතිවරුන්ට විවේචන තියෙනවා වගේම ඕනෑම මනුස්සයෙකුගේ සුදු සහ කලු යනුවෙන් පැති දෙකක් තිබෙන…
නව අගවිනිසුරු ප්‍රීති පද්මන් සූරසේන පිළිගැනීමේ චාරිත්‍රනුකූල නිල උත්සවය අද (31) ශ්‍රේෂ්ඨාධිකරණ සංකීර්ණයේදී පැවැත් වූ…
මහනුවර පෙරහැර කටයුතු සඳහා සහභාගීවී සිටි ඇත්ගොව්වෙකුගේ සහායකයෙකුගේ මළසිරුරක් අද (31) උදෑසන මහනුවර වැව් ඉවුරේ…
කොස්ගොඩ ප්‍රදේශයේ සිදුකළ වෙඩි තැබීමට පැමිණි බවට සැක කෙරෙන යතුරුපැදිය පොලීසිය විසින් සොයාගෙන තිබේ. වෙඩි…
පොලිස් භාරයේ සිටි සැකකරුවෙකු පළායාමේ සිදුවීමක් සම්බන්ධයෙන් රත්නපුර මූලස්ථාන පොලීසියේ නිලධාරීන් දෙදෙනෙකුගේ වැඩ තහනම් කර…