විදේශ

‘වොයිස් ඔෆ් අමෙරිකා’ වසාදැමීමේ විධායක නියෝගයට අමෙරිකානු ජනාධිපති අත්සන් තබයි!

අමෙරිකාවේ පැරණිතම සහ විශාලතම අන්තර්ජාතික ජනමාධ්‍ය ආයතනය වන ‘වොයිස් ඔෆ් අමෙරිකා’ (Voice of America) ජනමාධ්‍ය ජාලය වසාදැමීමේ විධායක නියෝගයට අමෙරිකානු ජනාධිපති ඩොනල්ඩ් ට්‍රම්ප් අත්සන් තබා ඇති බව විදෙස් මාධ්‍යය වාර්තා කරයි..

ට්‍රම්ප් විරෝධී රැඩිකල් ප්‍රතිපත්තියක් අනුගමනය කරන හෙයින් එසේ කල බවයි වාර්තා වෙන්නේ.

දෙවැනි ලෝක යුද සමයේ 1942 වසරේදී වොයිස් ඔෆ් අමෙරිකා මාධ්‍ය ජාලය ආරම්භ වන්නේ, නාසි සහ ජපන් ප්‍රචාරණ වලට එරෙහි විකාශන ජාලයක් ලෙසයි.

BBC මාධ්‍ය ජාලයෙන් කුලී පදනම මත ලබාගත් සම්ප්‍රේෂණ උපාංග ඔස්සේ එහි විකාශය කටයුතු ආරම්භ වු අතර මේ වනවිට ලොව පුරා භාෂා 48 කින් එහි විකාශන ජාලය ව්‍යාප්තව ඇත්තේ, ගුවන් විදුලි, රූපවාහිනී සහ ඩිජිටල් යන සියලු විද්‍යුත් ජනමාධ්‍ය ජාලා ඔස්සේය.

ඒ වටා දෛනිකව රොක්ව සිටින ගෝලීය ප්‍රේක්ෂක සහ ශ්‍රාවක ප්‍රජාව, මිලියන 361 ඉක්මවන අතර Voice of America ජනමාධ්‍ය ජාලය රාජ්‍ය ජනමාධ්‍ය ආයතනයක් බවට පත්කිරීමේ විධායක නියෝගයට 1976 වසරේදී අත්සන් තැබුවේ එවක හිටපු ජනාධිපති ජෙරල්ඩ් ෆෝඩ් විසිනි.

එතැන් සිට එය පාලනය වූයේ අමෙරිකානු ආණ්ඩුවේ ෆෙඩරල් අරමුදල් ඔස්සේ වන අතර වාර්ෂික අයවැයෙන් ඒ සඳහා වෙන්කෙරෙන මුදල, අමෙරිකානු ඩොලර් මිලියන 267 කට අධික වේ.

ජනාධිපතිවරයා උපදේශකයකු වන එලෝන් මස්ක් Voice of America වසා දමන්නැයි සිය x ගිණුමෙන් පසුගියදා ඉල්ලීමක් ද කර තිබූ අතර ජනාධිපතිවරයා එය වසාදැමීමට තීරණය කිරීමත් සමග එහි සේවය කළ 1300 ක් පමණ වූ සේවක පිරිසට වැටුප් රහිත නිවාඩු දී ඇති බව මාධ්‍යය වාර්තා කරයි.

අමෙරිකාවේ පැරණිතම අන්තර්ජාතික ජනමාධ්‍ය ජාලයක් එලෙස වසාදැමීමට තීරණය කිරීම හරහා ට්‍රම්ප් ආණ්ඩුවේ ජනමාධ්‍ය මර්දනකාරී වැඩපිළිවෙළ මනාව පිළිබිඹු වන බව විදෙස් විචාරකයන් ප්‍රකාශ කරන අතර අන්තර්ජාතික ජනමාධ්‍ය සංවිධාන පෙන්වා දෙන්නේ එය ජනමාධ්‍ය නිදහසට එල්ල කළ බරපතළ පහරක් බවයි.

Sasindu Sahan Tharaka

Recent Posts

ග්‍රෑන්ඩ්පාස් ප්‍රදේශයේ වෙඩි තැබීමක්!

කොළඹ උතුර ග්‍රෑන්ඩ්පාස් ප්‍රදේශයේ නාගලගම්විදිය බුදු පිළිමය අසල මීට සුලු මොහොතකට පෙර වෙඩි තැබීමක් වාර්තා…

1 hour ago

අනුරාධපුර වෛද්‍යවරිය දූෂණය කළ සැකකරු රිමාන්ඩ්!

අනුරාධපුර වෛද්‍යවරිය දූෂණය කළ සිද්ධියේ ප්‍රධාන සැකකරු එළැඹෙන 24 දක්වා තවදුරටත් රක්ෂිත බන්ධනාගාරගත කිරීමට නියෝග…

10 hours ago

හලාවත – පුත්තලම මාර්ගයේ බස් රථ අනතුරක් – 21ක් තුවාල ලබා රෝහලේ!

අද (17) උදෑසන ආරච්චිකට්ටුව හලාවත – පුත්තලම මාර්ගයේ බත්තුළු ඔය පාලම අසලදී ලංගම බස් රථයක්…

12 hours ago

ග්‍රෑන්ඩ්පාස් ද්විත්ව ඝාතන සිද්ධිය​ට අදාළ​ව සැකකරුවන් 8ක් අත්අඩංගුවට!

මාර්තු 15 වන දා ග්‍රෑන්ඩ්පාස් පොලිස් වසමේ ජබොස්ලෙන් ප්‍රදේශයේ දුම්රිය මාර්ගය අසලදී ආයුධයකින් පහර දී…

13 hours ago

දේශබන්දු තෙන්නකෝන්ව වහාම අත්අඩංගුවට ගන්න – අභියාචනාධිකරණයෙන් ඓතිහාසික නියෝගයක්!

2023 වසරේ මාතර, වැලිගම ප්‍රදේශයේ පිහිටි ඩබ්ලිව් 15 හෝටලයට වෙඩි ප්‍රහාරයක් එල්ල කිරීමේ සිද්ධිය සම්බන්ධයෙන්…

13 hours ago

දේශබන්දුගේ පෙත්සමට අදාළව ඔහුගේ නීතිඥයන් විසින් අභියාචනාධිකරණයට මෝසමක්!

තමන්ව අත්අඩංගුවට ගන්නා ලෙස මාතර මහෙස්ත්‍රාත් අධිකරණය දී ඇති නියෝගය අත්හිටුවන ලෙස ඉල්ලා පොලිස්පති දේශබන්දු…

13 hours ago