මහජන ආරක්ෂක අමාත්‍ය ආනන්ද විජේපාලගේ පාර්ලිමේන්තු මන්ත්‍රී ධුරය බල රහිත කිරීමේ නියෝගයක් නිකුත් කරන ලෙස ඉල්ලා ගොනුකර තිබෙන පෙත්සමට එරෙහිව ඉදිරිපත් කර තිබෙන මූලික විරෝධතා පිළිබඳ නියෝගය මැයි මස 05 ප්‍රකාශයට පත්කරන බව අභියාචනාධිකරණය නියෝග කර ඇත.
ඒ එම පෙත්සම අද (18) අභියාචනාධිකරණයේ වැඩ බලන සභාපති විනිසුරු මොහොමඩ් ලෆාර් තාහීර් සහ කේ.පී.ප්‍රනාන්දු යන අයගෙන් සමන්විත අභියාචනාධිකරණ විනිසුරු මඬුල්ල ඉදිරියේ කැඳවනු ලැබූ අවස්ථාවේදීයි.
එහිදී මෙම සිද්ධියට අදාළ ලිඛිත දේශන ඉදිරිපත් කිරීම සඳහා පාර්ශ්වකරුවන්ට විනිසුරු මඬුල්ල විසින් සතියක කාලයක් ලබා දෙනු ලැබීය.
ඉන් අනතුරුව මෙම පෙත්සම ඉදිරියට පවත්වාගෙන යාමට නොහැකි බවට නීතිපතිවරයා ඇතුළු වග උත්තරකරුවන් විසින් මතු කළ මූලික විරෝධතා පිළිබඳ නියෝගය මැයි මස 05 වනදා ප්‍රකාශයට පත් කරන කළ බවත් විනිසුරු මඬුල්ල නියම කර ඇත.
පොදු ජන පෙරමුණේ පාලක ලේකම් රේණුක පෙරේරා විසින් ගොනුකර ඇති මෙම පෙත්සම මඟින් ඉල්ලා ඇත්තේ, මහජන ආරක්ෂක අමාත්‍ය ආනන්ද විජේපාලගේ පාර්ලිමේන්තු මන්ත්‍රී ධුරය බල රහිත කිරීමේ අඥාවක් නිකුත් කරන ලෙසයි.
මහජන ආරක්ෂක අමාත්‍ය ආනන්ද විජේපාල මහතා පාර්ලිමේන්තු මන්ත්‍රීවරයෙකු වශයෙන් කටයුතු කරමින් ජනාධිපතිවරයාගේ කාර්ය මණ්ඩල ප්‍රධානියා වශයෙන් ද කටයුතු කරන බවට තොරතුරු අනාවරණය වී ඇති බවටද පෙත්සම්කරු චෝදනා කරයි.
පෙත්සම්කරු වැඩිදුරටත් කියා සිටින්නේ ජනාධිපති කාර්ය මණ්ඩල ප්‍රධානියා යනු රාජ්‍ය තනතුරක් වන අතර පාර්ලිමේන්තු මන්ත්‍රී ධුරය දරමින් එවැනි රාජ්‍ය තනතුරක් දැරීම ආණ්ඩුක්‍රම ව්‍යවස්ථාව යටතේ පාර්ලිමේන්තු මන්ත්‍රී ධුරය දැරීමට නුසුදුසුකමක් බවයි.
ලොව පුරා මිලියන ගණනක් පරිශීලකයින් භාවිත කළ වීඩියෝ ඇමතුම් සේවාවක් වූ මයික්‍රොසොෆ්ට් සමාගමය අයත්ව තිබූ…
නිහඬ කාලය තුළ තම පක්ෂ ආධාරකරුවන්ට මැතිවරණ ප්‍රචාරක කටයුතුවල නියැලෙන ලෙස ඉල්ලා සිටිමින් අගමැතිනි හරිනි…
සබරගමුව විශ්ව විද්‍යාලයේ සිසුන් 11 දෙනෙකුගේ අධ්‍යන කටයුතු අත්හිටුවීමට තීරණය කර තිබේ. නවක වධය හේතුවෙන්…
සබරගමුව විශ්වවිද්‍යාලයේ නවකවදය ලබාදීමේ සිද්ධියක් හේතුවෙන් තාක්ෂණ පීඨයේ දෙවැනි වසරේ ඉගෙනුම ලැබු සිසුවෙකුගේ මරණයට අදාලව…
ශ්‍රී ලංකාව හා වියට්නාමය අතර ක්ෂේත්‍ර කිහිපයකට අදාළව අවබෝධතා ගිවිසුම් 04ක් හා එක් ගිවිසුමකට අත්සන්…
ICC නවතම එක්දින ජාත්‍යන්තර ශ්‍රේණිගතකිරීම්වල ශ්‍රී ලංකා පිරිමි එක්දින කණ්ඩායම සිව්වන ස්ථානය දක්වා ඉහළට පැමිණ…