ප්‍රකට රංගන ශිල්පිණි අකුෂ්ලා සෙල්ලයා මෙලොවින් සමුගනියි!

මෙරට ප්‍රකට රංගන ශිල්පිනියක සහ නිරූපිකාවක වූ අකුෂ්ලා සෙල්ලයා අභාවප්‍රාප්ත වී ඇති බව වාර්තා වේ.

1978 වසරේදී Slave Of the Cannibal God ඉතාලි සිනමා පටය හරහා සිනමාවට පිවිසි ඇය පසුව “Rampage” (1978) / “Tarzan the Ape Man” (Hollywood) (1981), “තවලම” (1981), “බාඳුරා මල්” (1981), “රෑ මනමාලි” (1982), “හිතත් හොඳයි වැඩත් හොඳයි” (1983), වැනි සිංහල චිත්‍රපට රැසකට සිය රංගන දායකත්වය ලබාදුන්නාය.

1985 වසරේදී “චාර්ල්ස් ඒන්ජල්ස්” චිත්‍රපටයේ සිංහල ප්‍රතිනිර්මාණය වූ “සුර දූතියෝ” චිත්‍රපටයේ රංගනයෙන් දායක වූ ඇය එය සිය ඇගේ රංගන දිවියේ උච්චතම අවස්ථාව බව සිනමා විචාරකයෝ සදහන් කළහ.

“සුර දූතියෝ” චිත්‍රපටය මෙරට සිනමාවේ ප්‍රවීන සටන් නළුවෙකු වූ රොබින් ප්‍රනාන්දු අධ්‍යක්ෂණය කළ මුල්ම චිත්‍රපටය වේ.

කෙසේ නමුත් ඇය මිය යනවිට 67 වැනි වියේ පසු වූවාය.