ගාල්ල ජාතික රෝහලේ පිළිකා රෝගීන්ගේ විකිරණ ප්‍රතිකාර ඇනහිට ඇති බව රජයේ විකිරණ විද්‍යා තාක්ෂණවේදීන්ගේ සංගමය ප්‍රකාශ කරයි.
ගාල්ල ජාතික රෝහලේ ස්ථාපනය කර ඇති පිළිකා රෝගීන්ට විකිරණ ප්‍රතිකාර සිදුකරන ලීනියර් ඇක්සලරේටර් යන්ත්‍රයේ නව රෝගීන්ගේ විකිරණ ප්‍රතිකාර ආරම්භ කිරීම සති 2ක කාලයක සිට සම්පූර්ණයෙන් ම ඇනහිට ඇති බව රජයේ විකිරණ විද්‍යා තාක්ෂණවේදීන්ගේ සංගමයේ සභාපති චානක ධර්මවික්‍රම පවසයි..
මෙයට හේතු වී ඇත්තේ, විකිරණ ප්‍රතිකාර සැලසුම් කරන පරිගණක පද්ධතියේ ඇති වී ඇති දෝෂයක් බවත් මේ වන විට මේ සම්බන්ධයෙන් සියලු පාර්ශ්වයන් දැනුවත් කර ඇතත් යන්ත්‍රය යථා තත්ත්වයට පත්කිරීම සිදුවී නැති බවත් ඔහු ප්‍රකාශ කරයි.
මෙම ගැටලුව විකිරණ ප්‍රතිකාර යන්ත්‍රයේ දෝෂයක් නොවන නිසා දැනට ප්‍රතිකාර කටයුතු සිදුවෙමින් පවතින රෝගීන්ගේ ප්‍රතිකාර කටයුතු ඉදිරි සතියක කාලය තුළදී අවසන් කිරීමට හැකි වන අතර ඉන්පසුව අදාළ ඒකකයේ ප්‍රතිකාර කටයුතු නතර වී ඇති බව ද ඔහු ප්‍රකාශ කළේය.
සාමාන්‍යයෙන් පිළිකා රෝගියෙකුගේ විකිරණ ප්‍රතිකාර සැලසුම් කොට එය පිළිකා රෝග විශේෂඥ වෛද්‍යවරයා විසින් අනුමත කිරීමෙන් පසුව ලීනියර් ඇක්සලරේට යන්ත්‍රය වෙත යොමුකරන අතර ඉන්පසුව රෝගියාගේ ප්‍රතිකාර කටයුතු ආරම්භ කිරීම සිදුකරනු ලබන බව ද ඔහු පැවසීය.
නමුත් පසුගිය කාලය පුරා විශේෂඥ වෛද්‍යවරුන් විසින් එදිනෙදා අනුමත කළ පිළිකා රෝගීන්ගේ විකිරණ ප්‍රතිකාර සැලසුම් එදිනම අදාළ යන්ත්‍රය වෙත යොමු කළේ නම් මෙම පරිගණක පද්ධතියේ දෝෂය නිවැරදි වනතුරු රෝගීන්ගේ ප්‍රතිකාර කටයුතු අඛණ්ඩව සිදුකර ගැනීමේ හැකියාව තිබු බවද ඔහු කීය.
නමුත් එම ප්‍රතිකාර සැලසුම් එදිනෙදා අදාළ පද්ධතිය වෙත යොමු කරන නිලධාරීන් තම වගකීම පැහැරහැරීම හේතුවෙන් මෙම තත්ත්වය තවත් උග්‍ර වී ඇති බවද ඔහු චෝදනා කරන අතර මේ වනවිට ගාල්ල ජාතික රෝහලේ පිළිකා රෝගීන් විකිරණ ප්‍රතිකාර කටයුතු ලබාගැනීම සඳහා මාස 4කට ආසන්න පොරොත්තු ලේඛන ගතව සිටින බවද ඔහු වැඩිදුරටත් පවසා ඇත.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…