කොළඹ, හෝටන්ප්ලේස් ප්‍රදේශයේ පිහිටි රාජ්‍ය බැංකු ATM යන්ත්‍රයකින් මුදල් ලබාගැනීමට ගත් උත්සාහයකදී සිය කාඩ්පත එහි හිරවීම සම්බන්ධයෙන් උරණව එම යන්ත්‍රය කඩාබිඳ දැමීම වෙනුවෙන් අදාළ බැංකුවට රුපියල් දෙලක්ෂ විසි හතර දහස් හත්සිය පනහක වන්දියක් ගෙවන ලෙස කොළඹ ප්‍රධාන මහෙස්ත්‍රාත් තනූජා ලක්මාලි ඊයේ (මාර්තු 20) විත්තිකාර කම්කරුවෙකුට නියෝග කර ඇත.
කොළඹ මාර්ග සංවර්ධන කටයුතුවල නිරතව සිටින බව කියන කම්කරුවෙකු වන බිබිල ප්‍රදේශයේ පදිංචි විත්තිකරුවෙකුට එසේ නියම කර ඇති බවයි වාර්තා වන්නේ.
බීමත්ව සිට ඇති බව කියන එම පුද්ගලයා පසුගිය දිනක රාත්‍රියේ ඉහත සඳහන් ස්ථානයේ ATM යන්ත්‍රයකින් මුදල් ලබාගැනීමට උත්සාහ ගත් අවස්ථාවේදී ඔහුගේ එම කාඩ්පත අදාළ යන්ත්‍රයේ හිරවී ඇති බව ද පොලිසිය අධිකරණයට දැන්වීය.
එම සිද්ධියෙන් කෝපයට පත් විත්තිකාර පුද්ගලයා එම ATM යන්ත්‍රයට පහරදී දැඩි ලෙස අලාභ හානිකර පළා ගොස් සිටියදී එම ඒ.ටී.එම්. යන්ත්‍රය අයත් බැංකු ආයතනය සිද්ධිය සම්බන්ධයෙන් කුරුඳුවත්ත පොලිසිය වෙත කරන පැමිණිල්ලක් අනුව ඔහු අත්අඩංගුවට ගත් බවද පැමිණිල්ල මෙහෙයවූ කුරුඳුවත්ත පොලිසිය අධිකරණයට දැන්වීය.
සිද්ධිය සම්බන්ධයෙන් තමන් වරද පිළිගන්නා බවට හා අලාභ හානිය වෙනුවෙන් මුදල් ගෙවන බවට විත්තිකාර පුද්ගලයා ඊයේ අධිකරණය හමුවේ එකඟතාව පළකිරීම හේතුවෙන් ඔහුව රුපියල් ලක්ෂ පහක් බැගින් වූ ශරීර ඇප දෙකක් මත මුදාහරින ලෙස ද මහේස්ත්‍රාත්වරිය නියෝග කළාය.
වැලිගම හෝටලයක් අසල සිදුවූ වෙඩි තැබීමේ සිද්ධිය සම්බන්ධයෙන් වැඩ තහනමට ලක්ව සිටින පොලිස්පති දේශබන්දු තෙන්නකෝන්…
අවුරුදු සමයේ දුර ගමන් සේවා මගී බස් රථවල ආසන වෙන් කිරීම තාවකාලිකව අත්හිටුවිමට ජාතික ගමනාගමන…
කතරගම ප්‍රදේශයේ මැණික් ගඟ ආසන්නයේ ඉදිකර ඇති නිවසක් සම්බන්ධයෙන් ප්‍රකාශයක් ලබා ගැනීම සඳහා කතරගම ප්‍රාදේශීය…
බටලන්ද නිවාස යෝජනා ක්‍රමයේ නීතිවිරෝධී රැඳවුම් ස්ථාන හා වධකාගාර පිහිටුවා පවත්වාගෙන යාම පිළිබඳ පරීක්ෂණ කොමිෂන්…
අමෙරිකානු ජනාධිපති ඩොනල්ඩ් ට්‍රම්ප් විසින් වහාම ක්‍රියාත්මක වන පරිදි ශ්‍රී ලංකාව ඇතුළුව රටවල් රැසකට ප්‍රකාශයට…
රාජ්‍ය බුද්ධි සේවයට අනුයුක්ත පොලිස් කොස්තාපල්වරයෙකු අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගෙන ඇත. මෙලෙස…