තමා පෞද්ගලික හේතුවක් මත ස්ථාන මාරුවීමක් ඉල්ලා ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිවේදී බුද්ධික මනතුංග පවසයි.
අද (21) මාධ්‍ය වෙත අදහස් දක්වමින් ඔහු සඳහන් කළේ, ඒ අනුව නව නිලධාරියෙක් පත් කරන තුරු තමන් පොලිස් මාධ්‍ය ප්‍රකාශක ධුරයේ කටයුතු කරන බවයි.
ඊට අදාළ ලිපියද ඊයේ ඔහු විසින් වැඩ බලන පොලිස්පතිවරයා වෙත යොමුකර ඇති අතර ඊට අදාළ අනුමැතිය ද හිමිව ඇති බව සඳහන් වේ.
මෙම තීරණය කිසිදු බලපෑමකට හෝ වෙනත් ආයතනික ගැටලුවක් මත නොව සිය පෞද්ගලික කරුණක් මත පදනම් ව පමණක් ගත් බව ඔහු සිය ලිපිය මගින් දැනුම් දී තිබේ.
එමෙන්ම සිය ඉල්ලීම සම්බන්ධයෙන් ජාතික පොලිස් සේවා කොමිෂන් සභාව ඇතුළු අදාළ පාර්ශව කටයුතු කරනු ඇති බවත්, එය ඉටුවන තුරු තමා අදාළ තනතුරේ කටයුතු කරන බවත් පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිවේදී බුද්ධික මනතුංග වැඩිදුරටත් ප්‍රකාශ කරයි.
ජ්‍යෙෂ්ඨ පොලිස් අධිකාරී බුද්ධික මනතුංග පසුගිය වසරේ දෙසැම්බර් මාසයේ දී පොලිස් මාධ්‍ය ප්‍රකාශකවරයා ලෙස වැඩභාර ගනු ලැබීය.
මාධ්‍යට අදහස් දැක්වූ ජ්‍යෙෂ්ඨ පොලිස් අධිකාරි නීතිවේදී බුද්ධික මනතුංග පවසා සිටියේ,
පොලිස් නිලධාරියෙක්ට යම් වගකීමක් පැවරුවට පස්සෙ පොලිස් නිලධාරියෙක්ට කිසිම වෙලාවක තමන්ට පවරපු වගකීමෙන් ඉල්ලා අස් වෙන්න හැකියාවක් නැහැ. නමුත් මම මගේ පුද්ගලික හේතු මත ස්ථාන මාරු වීමක් ඉල්ලලා තියෙනවා. නමුත් ඒ සම්බන්ධයෙන් ඉදිරි කටයුතු සිද්ධ කෙරිලා, මේ වෙනකොට යම් නිලධාරියෙක් පත් කෙරෙන තුරු මට පවරලා තියෙන වගකීමෙන් මිදීමට මට හැකියාවක් නැහැ. ඒ අනුව ඉදිරියේදී ඊට අදාල කටයුතු සිදු වෙලා, ඒ සම්බන්ධයෙන් ඉහළ නිලධාරීන් විසින් යම් තීරණයක් ලබා දෙනතුරු මම අනිවාර්‍යයෙන්ම මෙම තනතුරේ රාජකාරි කළ යුතුයි”
කලවාන ප්‍රාදේශීය සභා නව මන්ත්‍රී සුජීව පුෂ්පකුමාර අද (ජුනි 2) විදුලි සැර වැදී මිය ගොස්…
ලොව පුරා පැතිර යන නව කොවිඩ් වෛරසය සම්බන්ධව වර්තමාන තත්ත්වය පැහැදිලි කරමින් සෞඛ්‍ය හා ජනමාධ්‍ය…
හිටපු මුදල් අමාත්‍ය රවී කරුණානායක ගොනු කළ පෙත්සමක්, ශ්‍රේෂ්ඨාධිකරණය විසින් ප්‍රතික්ෂේප කර තිබෙන බව වාර්තා…
දූෂණ චෝදනා මත අල්ලස් කොමිසම විසින් අත්අඩංගුවට ගන්නා ලද තලවකැලේ ලිඳුල නගර සභාවේ හිටපු සභාපති…
පසුගිය වසරේ ජනවාරි 10 වන දින ගලබොඩවත්ත කොරොතොට ප්‍රදේශයේදී පුද්ගලයෙකු වෙඩි තබා ඝාතනය කිරීමේ සිද්ධියේ…
උසාවියට අපහාස කරන කළැයි කියමින් පුත්තලම මහාධිකරණයෙන් රිමාන්ඩ් බාරයට පත් කිරීමෙන් පසු අභියාචනාධිකරණ විසින් නොපමාව…