බොලිවුඩ් නළු සුෂාන්ත් සිං රාජ්පුත්ගේ මරණය සම්බන්​ධ විමර්ශන නිල වශයෙන් අවසන් කරයි – තීන්දුව මෙන්න!

බොලිවුඩ් නළු සුෂාන්ත් සිං රාජ්පුත්ගේ මරණය පිළිබඳ ඉන්දියාවේ ෆෙඩරල් විමර්ශන ඒජන්සිය සිය විමර්ශනය නිල වශයෙන් අවසන් කර ඇති බව ඉන්දීය මාධ්‍යය වාර්තා කරයි.

ඒ අනුව, ඔහුගේ සියදිවි නසාගැනීමට කිසිදු බාහිර බලපෑමක් එල්ල වී නොමැති බව එම ඒජන්සිය තීරණය කර ඇත.

පුළුල් විමර්ශනයකින් පසු මධ්‍යම විමර්ශන කාර්යාංශය විසින් ඉදිරිපත් කරන ලද අවසන් වාර්තාව, මියගිය නළුවාගේ හිටපු සහකාරිය රියා චක්‍රබෝර්ති සහ ඇගේ පවුලේ සාමාජිකයන් ඇතුළු නඩුවට සම්බන්ධ සියලුම පුද්ගලයන් නිදොස් කර ඇත.

34 හැවිරිදි රාජ්පුත් 2020 ජුනි 14 වන දින මුම්බායි හි බන්ද්‍රා දිස්ත්‍රික්කයේ පිහිටි ඔහුගේ නිවසේ මියගොස් සිටියදී සොයාගැණුනු අතර ඔහුගේ මරණය ඉන්දියාව පුරා දැඩි මතභේදාත්මක තත්ත්වයක් උද්ගතකර කිරීමට සමත් විය.

මරණය සම්බන්ධයෙන් රියා චක්‍රබෝර්තිට සියදිවි නසාගැනීමට අනුබල දීම, මූල්‍ය විෂමාචාරය සහ චිත්තවේගීය පීඩාවන් සම්බන්ධයෙන් චෝදනා කරමින් රාජ්පුත්ගේ පියා KK සිං බිහාර් පොලිසියට පැමිණිල්ලක් සිදුකළේය.

මේ සම්බන්ධයෙන් අධිකරණ වෛද්‍ය තක්සේරු කිරීම්, විද්‍යුත් සාක්‍ෂි විශ්ලේෂණය සහ බහුවිධ සාක්ෂිකරුවන්ගේ සාක්‍ෂි ඇතුළත් කරමින් පුළුල් පරීක්‍ෂණයක් සිදුකෙරුණු අතර, එහිදී නඩුවේ කිසිදු සාපරාධී සිදුවීමක් නොමැති බව නිගමනය කෙරිණි.

රාජ්පුත්ගේ මරණයට තුඩු දුන් කිසිදු බලකිරීමක් හෝ බාහිර පීඩනයක් ඔවුන්ගේ විමර්ශනයෙන් අනාවරණය නොවූ බව ඉන්දීය මධ්‍යම විමර්ශන කාර්යාංශයේ නිලධාරීන් තහවුරු කර ඇත.