විදේශ

මියන්මාර භූ කම්පනය – මියගිය පිරිස 150 ඉක්මවයි!

මධ්‍යම මියන්මාරයේ ඊයේ (28) ඇති වූ ප්‍රභල භූමිකම්පාවෙන් එරට මෙන්ම අසල්වැසි තායිලන්තයේ මියගිය සංඛ්‍යාව 150කට අධික බව විදෙස් මාධ්‍යය වාර්තා කරයි.

භුමිකම්පාවෙන් පුද්ගලයින් 750කට ආසන්න සංඛ්‍යාවක් තුවාල ලබා ඇති අතර තවත් බොහෝ පිරිසක් තවමත් සුන්බුන් අතර සිරවී සිටින බවයි වාර්තා වන්නේ.

මියන්මාරයේ පැරණි අගනගරයක් වූ මැන්ඩලේ ප්‍රදේශය කේන්ද්‍ර කරගනිමින් ඊයේ එරට වේලාවෙන් ප.ව. 12.50ට පමණ ඇති වූ මෙම භූමිකම්පාවේ ප්‍රබලත්වය රික්ටර් මාපකයේ 7.7ක් පමණ විය.

කෙසේ නමුත්, එම භූමිකම්පාවෙන් මිනිත්තු කිහිපයකට පසු රික්ටර් මාපකයේ 6.4ක ප්‍රබලත්වයකින් යුත් පසු කම්පන තත්ත්වයක් ද ඇතිවු අතර මෙම භූමිකාම්පාවල ප්‍රබලත්වය අසල්වැසි තායිලන්තය බැංකොක් නුවරට ද දැනී තිබු බවයි විදෙස් මාධ්‍ය වාර්තා කලේ.

ඒ හේතුවෙන් මියන්මාරයේ මෙන්ම බැංකොක් නුවර ගොඩනැගිලි කිහිපයකට හානි සිදුව ඇති අතර බැංකොක් නුවර සම්පූර්ණයෙන්ම කඩාවැටුණු මහල් ගොඩනැගිල්ලක විඩියෝවක්ද අන්තර්ල්ජාලය පුරා සංසරණය වනු දක්නට ඇත.

භූ කම්පනයෙන් පසු මැන්ඩලේ ගුවන් තොටුපොළේ මගීන් සහ කාර්ය මණ්ඩලය ඉන් ඉවත් කිරීමට බලධාරීන් පියවර ගෙන ඇති අතර එනමුත් තායිලන්තයේ ස්වර්ණ භූමි ජාත්‍යන්තර ගුවන්තොටුපළේ ගුවන් ගමන් කටයුතු සාමාන්‍ය පරිදි සිදු කෙරුණු බවයි වාර්තා වන්නේ.

කෙසේ නමුත් නිවේදනයක් නිකුත් කරමින් විදේශ කටයුතු අමාත්‍යාංශය සඳහන් කළේ, භූමිකම්පාවෙන් කිසිදු ශ්‍රී ලාංකිකයෙකුට අනතුරක් සිදුව නොමැති බවයි.

මියන්මාරය තුළ ශ්‍රී ලාංකිකයින් 200 දෙනෙක් පමණ රැඳී සිටින අතර, බැංකොක් නුවර තවත් ශ්‍රී ලාංකිකයින් පිරිසක් රැඳී සිටිනු ඇති බව එම අමාත්‍යංශය සඳහන් කර ඇත.

Sasindu Sahan Tharaka

Recent Posts

හික්කඩුව වෙඩි තැබීමේ සිදුවීම – පුද්ගලයෙක් ජීවිතක්ෂයට!

අඹුසැමි යුවලක් ඉලක්ක කර හික්කඩුව කුමාරකන්ද ප්‍රදේශයේ වෙළෙඳසැළක අද (3) රාත්‍රියේ සිදුකළ වෙඩිතැබීමෙන් එක් අයෙකු…

9 hours ago

වැලිකඩ පොලිස් අත්අඩංගු​වේ සිට රෝහල් ගත කල තරුණයෙ​කු හදිසියේ ජීවිතක්ෂයට – විස්තරය මෙන්න!

වැලිකඩ පොලිස් අත්අඩංගුවෙ සිටි තරුණයෙකු අසාධ්‍යව රෝහලට ඇතුලත් කිරිමෙන් අනතුරුව මිය ගිය සිදුවීමක් වාර්තා වේ.…

11 hours ago

නාමල් රාජපක්ෂ නීති විභාගයට පෙනී සිටීම ගැන පුළුල් විමර්ෂණයක් කරන්න යැයි අධිකරණයෙන් නියෝගයක් – විස්තරය මෙන්න!

ශ්‍රී ලංකා පොදු ජන පෙරමුණේ පාර්ලිමේන්තු මන්ත්‍රී නාමල් රාජපක්ෂ නීති විද්‍යාලයේ අවසන් විභාගය සමත්ව ඇත්තේ…

13 hours ago

දේශබන්දු තෙන්නකෝන් නඩුව – අද අධිකරණයෙන් දුන් නියෝගය මෙන්න!

රක්ෂිත බන්ධනාගාරගත කර සිට මාතර මහෙස්ත්‍රාත් අධිකරණයට ඉදිරිපත් කිරීමෙන් අනතුරුව පොලිස්පති දේශබන්දු තෙන්නකෝන් අප්‍රේල් මස…

14 hours ago

ශිෂ්‍යත්ව විභාගයට දින නියම වෙයි – විභාගය පැවැත්වෙන දිනය මෙන්න!

5 ශ්‍රේණිය සිසුන් සඳහා පැවැත්වෙන ශිෂ්‍යත්ව විභාගය අගෝස්තු මස 10 වනදා පැවැත්වෙන බව නිවේදනයක් නිකුත්…

14 hours ago

මාතලේ පොලිස් ස්ථානයට අයුතු ලෙස ඇතුළුවීමට උත්සහ කල පිරිසක් අත්අඩංගුවට – විස්තරය මෙන්න!

මාතලේ පොලිස් ස්ථානයට අයුතු ලෙස ඇතුළුවීම හා ප්‍රසිද්ධ ස්ථානයක කලහකාරී ලෙස හැසිරීම යන චෝදනාව යටතේ…

15 hours ago