කෝකිලායි ප්‍රදේශයේ නයාරු වෙරළ තීරයේ දිය නාමින් සිටි වයස අවුරුදු 19ක තරුණියක් ඊයේ (31) දහවල් දියේ ගිලී මියගොස් ඇති බව වාර්තා වේ. එලෙස මියගොස් ඇත්තේ, පුදුකුඩිඉරුප්පු ප්‍රදේශයේ පදිංචිව සිටි තරුණියකි.
විනෝද චාරිකාවක් සඳහා පුදුකුඩිඉරප්පු ප්‍රදේශයේ සිට පැමිණි ඇගළුම් පාඨමාලවක් හදාරන ශිෂ්‍යාවන් හා එහි ගුරුවරිය ඇතුළු 16 දෙනෙකුගෙන් සමන්විත පිරිසක් නයාරු වෙරළ තීරයේ දිය නාමින් සිටියදී, තරුණියන් දෙදෙනෙකු මුහුදට ගසාගෙන ගොස් ඇති බව පොලිසිය සඳහන් කරයි.
එම අවස්ථාවේ ඔවුන් බේරා ගැනීමට උත්සහ කළ ගුරුවරිය ද ජල පහරට හසුව ගසාගෙන ගොස් ඇති බවයි වාර්තා වන්නේ.
නාවික හමුදා නිලධාරින් විසින් ගුරුවරිය හා එක් තරුණියක් බේරාගෙන ඇති අතර අනෙක් තරුණිය දියේ ගිලී අතුරුදන්ව ඇත.
අතුරුදන් වු තරුණියගේ මෘත ශරීරය නයාරු නාවික හමුදා කඳවුර පිටුපස වෙරළ තීරයට ගොඩගසා තිබියදී පසුව සොයාගෙන තිබේ.
බේරාගත් දෙදෙනා මේ වන විට රෝහලේ නේවාසිකව ප්‍රතිකාර ලබන අතර මියගිය තරුණියගේ මෘත ශරීරය මාන්තෝල රෝහලේ මෘත ශරීරාගාරයේ තැන්පත් කර ඇත.
කෝකිලායි පොලීසිය සිද්ධිය සම්බන්ධයෙන් වැඩිදුර විමර්ශන සිදු කරනු ලබයි.
අඟුණුකොළපැලැස්ස බන්ධනාගාරයේ පරීක්ෂා කිරීමකදී සයිනයිඩ් කුප්පියක් සොයාගැනීමට බන්ධනාගාර නිලධාරීන්ට හැකිව ඇති බව වාර්තා වේ. "කුඩු…
සූදු නියාමන අධිකාරිය පිහිටුවීම සඳහා වූ පනත් කෙටුම්පත සංශෝධන සහිතව අද (19) පාර්ලිමේන්තුවේදී සම්මත කර…
රාත්‍රී සමාජ ශාලාවල නර්තන ශිල්පිනියක ලෙස කටයුතු කරන කාන්තාවක් මෝටර් රථයකින් පැහැරගෙන යමින් සිටි පුද්ගලයන්…
හිටපු ජනාධිපති රනිල් වික්‍රමසිංහ අපරාධ පරීක්ෂණ දෙපාර්තමේන්තුව හමුවට කැඳවා ඇති බව වාර්තා වේ. ඔහු ජනාධිපතිවරයාව…
ජාතික ලොතරැයි මණ්ඩලයේ හිටපු අධ්‍යක්ෂවරයකු වන තුසිත හල්ලොලුව ලබන 28 වනදා දක්වා රක්ෂිත බන්ධනාගාරගත කිරීමට…
අල්ලස් කොමිසම මගින් අත්අඩංගුවට ගෙන රක්ෂිත බන්ධනාගාරගත කර සිටි හිටපු අමාත්‍ය ශෂීන්ද්‍ර රාජපක්ෂ තවදුරටත් ලබන…