මෙම වසරේ ජනවාරි සිට මාර්තු දක්වා ගත වූ මාස 3 තුළ පමණක් මාරක රිය අනතුරු 565ක් සිදුව ඇති බවත්, ඉන් පුද්ගලයින් 592ක් මියගොස් ඇති බව පොලීසිය පවසයි.
එළැඹෙන අලුත් අවුරුදු සමයේ රථ වාහන අනතුරු අවම කරගැනීම සඳහා කොළඹදී ඊයේ (03) පැවති මාධ්‍ය හමුවකදී ශ්‍රී ලංකා පොලිසියේ රථවාහන අංශයේ ප්‍රධානී, නියෝජ්‍ය පොලිස්පති ඉන්දික හපුගොඩ මේ බව පවසා ඇත.
විවිධ අවශ්‍යතා සඳහා නිවසින් පිටව යන පුද්ගලයන්ගෙන් 7ත් 8ත් අතර දිනකට රිය අනතුරු හේතුවෙන් ජීවිතක්ෂයට පත්වන බවයි ඔහු පවසන්නේ.
2024 දෙසැම්බර් මාසය වනවිට මෝටර් රථ කොමසාරිස් කාර්යාලය තුළ ලියාපදිංචි වාහන සංඛ්‍යාව 8,454,513ක් වන අතර ඉන් වැඩිම ප්‍රමාණයකින් ලියාපදිංචි වී ඇත්තේ යතුරුපැදි වේ. එම ප්‍රමාණය 4,922,000ක් පමණ වේ.
එමෙන්ම දෙවනියට වැඩිම ලියාපදිංචි වී ඇති වාහනය ත්‍රීරෝද රථ වන අතර, එය 11 ලක්ෂ 85,000ක් වේ.
සමස්ථයක් ලෙස මෙරට ලියාපදිංචි වාහනවලින් 72%ක් යතුරුපැදි හා ත්‍රිරෝද රථ වන අතර, ඒ හේතුවෙන් වැඩිම අනතුරුවලට මුහුණ පා ඇත්තේද එම වාහන බව නියෝජ්‍ය පොලිස්පති ඉන්දික හපුගොඩ වැඩිදුරටත් පෙන්වා දෙයි.
සමස්තයක් ලෙස 2023 වසරේ මාරක රිය අනතුරු 2,231ක් සිදුව ඇති අතර, ඉන් 2341ක් ජීවිතක්ෂයට පත්ව ඇත.
එමෙන්ම 2024 වසරේ දී සිදු වූ මාරක රිය අනතුරු 2403ක් අතරින් 2,521ක් මියගොස් ඇත.
සිවනේසතුරෙයි චන්ද්‍රකාන්තන් හෙවත් පිල්ලෙයාන්, දින 90 ක කාලයක් රඳවා තබා ප්‍රශ්න කිරීමට ත්‍රස්තවාදය වැළැක්වීමේ පනත…
සිංහල දෙමළ අලුත් අවුරුද්ද වෙනුවෙන් ගම්බිම් බලා යන ජනතාව වෙනුවෙන් විශේෂ මගී ප්‍රවාහන සේවා අද…
කොළඹ මහනගර සභාව ඇතුළු පළාත් පාලන ආයතන 18කට එළඹෙන මැයි 6 වනදා පළාත් පාලන ඡන්ද…
රථ වාහන වැරදි සම්බන්ධයෙන් පොලීසිය රියදුරන්ට නිකුත් කරන දඩ කොළ ඔන්ලයින් ක්‍රමවේදය ඔස්සේ ගෙවීම සඳහා…
වැලිගම හෝටලයක් අසල සිදුවූ වෙඩි තැබීමේ සිද්ධිය සම්බන්ධයෙන් වැඩ තහනමට ලක්ව සිටින පොලිස්පති දේශබන්දු තෙන්නකෝන්…
ශ්‍රී ලංකා මහ බැංකුවේ දෛනික විනිමය අනුපාතික සටහනට අනුව අද (10) දිනයේ දී එක්සත් ජනපද…