ඇමෙරිකාවේ නව තීරු බදු ක්‍රමය ගැන සෙවීමට පත් කළ කමිටුව මේ සති අන්තයේ ජනපතිට නිර්දේශ ඉදිරිපත් කරන බවත් ඒ අනුව රාජ්‍ය තාන්ත්‍රික මට්ටමෙන් ඉදිරි ක්‍රියාමාර්ග ගන්නා බවත් කම්කරු සහ ආර්ථික සංවර්ධන නියෝජ්‍ය අමාත්‍ය අනිල් ජයන්ත පවසයි.
තීරු බදු ඉහළ දැමීම ඇමෙරිකාව තම විදේශ වෙළෙඳාම සම්බන්ධව ලබාගත් තීන්දුවක් බවත් ඒ සම්බන්ධව අපට ක්‍රියාත්මක විය හැක්කේ ඔවුන් එම තීන්දුව ලබාගැනීමට පසුව බවත් අමාත්‍යවරයා අවධාරණය කර ඇත.
එහෙත් එම ඇමෙරිකන් තීන්දුව සම්බන්ධවත් එමගින් ලංකා අපනයනවලට සිදුවන බලපෑම සම්බන්ධවත් රජය අවධානයෙන් පසුවූ බව අමාත්‍යවරයා පවසා ඇත.
ඒ අනුව, ඇමෙරිකාව ඔවුන්ගේ ප්‍රතිපත්ති ප්‍රකාශයට පත් කළ වහාම ඒ පිළිබඳව සෙවීමට කමිටුවක් පත් කළ බවත් එම කමිටුව ගතයුතු ක්‍රියාමාර්ග ගැන ජනාධිපතිට දැනුම් දෙන බවත් නියෝජ්‍ය අමාත්‍යවරයා සඳහන් කළේ ය.
කෙසේ වෙතත්, ඇමෙරිකාවේ මෙම බදු පැනවීමට පෙරත් ඒ සම්බන්ධව රාජ්‍ය තාන්ත්‍රික වශයෙන් සාකච්ඡා කළ බවත්, එම සාකච්ඡාව යන අතරතුර මෙම නව තීරුබදු ප්‍රතිපත්තිය එළියට ආ බවත්, නව ප්‍රතිපත්තිය එළියට ආ පසුව එහි පවතින දේ බැලිය යුතු බවට අදහසේ පසුවූ බවත් ඔහු කීය.
මේ අනුව කමිටුව ජනපතිට දෙන යෝජනා අනුව අදාළ මැදිහත්වීම සිදු කරන බව අමාත්‍යවරයා පැවසීය.
එසේම, තීරු බදු ප්‍රතිපත්තිය සම්බන්ධව සාකච්ඡා කිරීමට ලංකා රජයේ දූත පිරිසක් ඇමෙරිකාවට යන බවට පැතිර යන කතා අසත්‍යයක් බවත් ලොව බොහෝ රටවල් සඳහා ඇමෙරිකාව තීරු බදු පනවා ඇති බැවින් මෙය ශ්‍රී ලංකාව ගැන පමණක් වූ ප්‍රශ්නයක් නොවන බවත් අමාත්‍යවරයා වැඩිදුරටත් සඳහන් කර ඇත.
ඇමෙරිකාවේ නව තීරු බදු ක්‍රමය ගැන සොයා බලා ලංකා රජයට නිර්දේශ ඉදිරිපත් කිරීම සඳහා වර්තමාන ජනාධිපති අනුර කුමාර දිසානායක පසුගියදා (අප්‍රේල් 3) කමිටුවක් පත් කළ අතර ජනාධිපති ජ්‍යෙෂ්ඨ ආර්ථික උපදේශක දුමින්ද හුලංගමුව, මුදල් අමාත්‍යාංශයේ ලේකම් මහින්ද සිරිවර්ධන, මහ බැංකු අධිපති ආචාර්ය නන්දලාල් වීරසිංහ, වෙළෙඳ අමාත්‍යාංශයේ ලේකම් ඒ. විමලනෙත්ති රාජා, අපනයන සංවර්ධන මණ්ඩලයේ සභාපති මංගල විජේසිංහ, විදේශ කටයුතු අමාත්‍යාංශයේ ආර්ථික කටයුතු පිළිබඳ අධ්‍යක්ෂ ජනරාල් දර්ශන පෙරේරා, ශ්‍රී ලංකා වාණිජ මණ්ඩලයේ ප්‍රධාන ආර්ථික ප්‍රතිපත්ති උපදේශක ශිරාන් ප්‍රනාන්දු, බ්‍රැන්ඩික්ස් ආයතනයේ සමූහ ප්‍රධාන විධායක නිලධාරි අශ්රොෆ් ඔමාර්, මාස් හෝල්ඩිංග් සම නිර්මාතෘ ෂෙරාඩ් අමලීන්, ලංකා ගාමන්ට් කළමනාකරණ අධ්‍යක්ෂ සයිෆ් ජැෆර්ජි, මිචලින් ලංකා පෞද්ගලික සමාගමේ නිලන්ති වැලිවේ ඊට ඇතුළත් වෙති.
එල්.ටී.ටී.ඊ. සංවිධානයේ නායක වේලුපිල්ලේ ප්‍රභාකරන් ඇතුළු එම සංවිධානයේ නායකයින් භාවිත කළ බවට සැකකෙරෙන අවි ආයුධ…
මුරුන්කන් ප්‍රදේශයේ වංකාල නානට්ටාන් මාර්ගයේ නරි විලකුලම්, වෙලාන්ගනි හන්දියේදී සිදු වූ රිය අනතුරකින් සිව් හැවිරිදි…
ඇමරිකාව යළි පැනවූ තීරුබදු හමුවේ බොහෝ රටවල් ගැටලුකාරී තත්ත්වයකට මුහුණ පා සිටිය ද ඇමරිකාවේ චීනය…
අධ්‍යයන පොදු සහතික පත්‍ර උසස් පෙළ (2025) විභාගය නොවැම්බර් 10 වනදා සිට දෙසැම්බර් 5 වනදා…
2024 අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල නිකුත් කල බව විභාග දෙපාර්තමේන්තුව නිවේදනය…
ආනයනික කිරිපිටි 400g පැකට්ටුවක මිල රුපියල් 100 කින් ඉහළ දැමීමට තීරණය කළ බව ශ්‍රී ලංකා…