දළදා ප්‍රදර්ශනය පැවැත්වෙන කාල සීමාව තුල මහනුවර සුරාසැල් පිලිබඳ දැනුම්දීමක්!

දළදා ප්‍රදර්ශනය පැවැත්වෙන කාල සීමාව අතරතුර මහනුවර නගරයේ මත්පැන් විකිණීම සහ පරිභෝජනය වැළැක්වීම සඳහා දින 10 ක වැඩසටහනක් ක්‍රියාත්මක වන බව සුරාබදු දෙපාර්තමේන්තුව පවසයි.

එම දෙපාර්තමේන්තුව නිවේදනය කළේ අද (18) සිට අප්‍රේල් 28 වන සඳුදා දක්වා බලපැවැත්වෙන පරිදි, මහනුවර නගර සීමාව තුළ ඇති සියලුම මත්පැන් අලෙවිසැල්, අවන්හල්, බාර් සහ තැබෑරුම් වසා තැබෙන බවයි.

දළදා වන්දනාව අතරතුර සියලුම මත්පැන් අලෙවිය නතර කරන ලෙස මහනුවර දිස්ත්‍රික් ලේකම්වරයා කළ ඉල්ලීමකට අනුව මෙම නියෝගය ලබා දී ඇති බව සුරාබදු කොමසාරිස් ජනරාල් යූ.එල්. උදය කුමාර පවසයි.

එමෙන්ම දළදා වන්දනාව සිදු කෙරෙන කාල සීමාව තුළ මහනුවර නගරයේ නීති විරෝධී මත්පැන් අලෙවිය වැළැක්වීම සඳහා දෙපාර්තමේන්තුව නිල ඇඳුමින් සහ සිවිල් ඇඳුමින් සැරසුණු සුරාබදු නිලධාරීන් 200 කට අධික සංඛ්‍යාවක් යොදවා ඇති බවද වාර්තා වේ.

නීති විරෝධී මත්පැන් අලෙවිය සම්බන්ධයෙන් පැමිණීලි, 1913 අංකයට දැනුම් දෙන ලෙස සුරාබදු දෙපාර්තමේන්තුව මහජනතාවගෙන් ඉල්ලා සිටියි.